Македонија има 215 илјади помалку работоспособно население за три месеци, вели ВМРО-ДПМНЕ
Власта молчи за бројките на државниот завод за статистика кои покажуваат масовен егзодус од Македонија за само неколку месеци. Власта молчи затоа што тие се директно одговорни што бројот на работоспособно население за три месеци, од крајот на 2021-ва до крајот на првиот квартал на 2022 е намален за речиси 215 илјади лица. Во овие бројки на статистика влегува и намалување на вкупниот број на вработени за 103 илјади, вели ВМРО-ДПМНЕ
„Ова е поразително. Најпродуктивното население не гледа перспектива во Македонија поради неспособната, криминална и неодговорна власт на СДСМ и ДУИ. Граѓаните гледаат дека со оваа власт нема функционална држава и функционална економија и масовно си заминуваат од Македонија.
Ова мора да престане. Доста е! Премногу е! Затоа придружете се на протестот за рушење на оваа власт, на 18-ти јуни пред владата во 20 часот“, се вели во соопштението.
