(ФОТО) Ракета погоди зграда во Киев
Од
Објавено на
Неколку експлозии се случија рано утринава во квартот Шевченковски во главниот град на Украина, Киев, изјави градоначалникот Виталиј Кличко. Ракета погодила стамбена зграда, а две лица се хоспитализирани.
„На местото на настанот се испратени екипи на брза помош и спасувачи. Слушаме дека луѓето се под урнатините, тие се живи. Спасувачите сега се обидуваат да ги спасат. Подетални информации – подоцна“, рече Кличко.
Жителите се спасуваат и се евакуираат од двете згради.
Историскиот кварт, еден од централниот дел на Киев, е дом на голем број универзитети, ресторани и уметнички галерии.
