(ФОТО) Го сретнале Кијану Ривс во хотел, па го поканиле на свадба
Холивудскиот актер Киану Ривс спаѓа во групата на омилени актери не само поради неговиот талент, туку и поради тоа што е исклучително едноставна и пријатна личност. И оваа приказна го потврдува тоа.
Познатиот актер моментално се наоѓа во Нортхемптоншир, каде што учествува на снимањето на документарниот филм за Формула 1 за „Дизни плус“, пишува „Дејли мејл“.
Таму престојувал во луксузен хотел, каде сосема случајно сретнал младоженец на денот на неговата свадба.
Младоженецот кога го видел во хотелот, му пришол и го прашал дали ќе му се придружи на свадбата.
Актерот се согласил.
“Тој беше толку љубезен и ни честиташе на нашата венчавка. Направивме неколку фотографии, потоа одвои време да разговара со нашите гости и да се фотографира и со нив“, рекла невестата.
Да потсетиме, ова не е прв пат актерот да израдува пар на свадба. Истото го направи и во 2018 година на свадба во Њујорк.
British couple thrilled as Keanu Reeves crashes their wedding that was happening at the same hotel he was staying at. pic.twitter.com/4CTwvBvJSj
— Mike Sington (@MikeSington) August 26, 2022
