Се огласи Тони Цетински по концертот во Бар
Тони Цетински настапи во Црна Гора и го скрати концертот, а на публиката и кажа нешто што навреди многумина. Сега се огласи и пејачот и објасни што точно се случило.
Цетински одржа концерт во Бар, но создаде и непотребна драма. Имено, по час и половина пеење, на шеталиштето во кафеана покрај морето, Тони и се обрати на присутните со зборови кои го разочараа и налутија мнозинството.
„Бидејќи концертот го плати Туристичката организација на Црна Гора, а не вие, концертот е бесплатен за вас, затоа вечерва нема да ги пеам моите три скапи хита“, наводно рекол Тони.
Подоцна вечерта пејачот се огласи на социјалните мрежи и објасни што точно се случило.
„Би сакал да се заблагодарам на прекрасната публика и на ТЗ Бар, кои веднаш разбраа дека се работи за техничка грешка и дека никогаш нема да го скратам концертот, а камоли да ја навредам публиката и организаторите. Настана техничка грешка, техничарот за јавно обраќање не сфати дека моето излегување од сцената беше повик за бис, па наместо моето враќање на сцената, се пушташе музика за публиката, што сугерираше крај на концертот“, започна Тони во објавата.
“И мојот бенд и јас се извинуваме за недоразбирањето. Ве сакам сите и ќе се видиме на некој од следните концерти”, рекол пејачот, а организаторот на концертот во коментарите го нарекол “царот”.
