„Русија се подготвува да мобилизира до милион луѓе“, вели Зеленски
Украинскиот претседател Володимир Зеленски тврди дека руското раководство се подготвува да мобилизира до милион луѓе.
„Онапред беа отпечатени 300.000 повици за мобилизација во Русија, но руското раководство се подготвува да мобилизира до милион луѓе“, рече Зеленски во видео-обраќање, пренесува Интерфакс Украина.
Зеленски рече дека има протести против мобилизацијата во градовите во Русија и оцени дека Русите биле „соучесници во сите злосторства, убиства и мачења на Украинците бидејќи тие молчеле и молчат“.
Според неговото мислење, сега е време да се направи избор.
„За мажите во Русија, ова е избор да умрат или да живеат, да бидат осакатени или да останат здрави. „За жените во Русија, изборот е да ги загубат своите сопрузи, синови, внуци засекогаш или да се обидат да ги заштитат од смрт, од војна, од еден маж“, рече Зеленски.
Тој ги повика Русите да протестираат, да бегаат или да се предадат, додавајќи дека тоа се нивните опции за преживување.
Портпаролот на Кремљ Дмитриј Песков вчера ги демантираше наводите на одредени медиуми дека планот на Москва е да мобилизира милион војници.
„Тоа е лага“, изјави Песков за ТАС С.
