Бајден за кандидатурата: Ќе одлучам…
Американскиот претседател Џозеф Бајден изјави дека на почетокот на следната година ќе одлучи дали ќе се кандидира за уште еден четиригодишен мандат.
Бајден повтори дека има намера повторно да се кандидира за функцијата, но дека тоа е семејна одлука за која ќе се одлучува за време на празниците, пренесува Ројтерс.
За време на своето обраќање до јавноста по изборите за Сенатот, Бајден рече дека американската демократија била тестирана во последните години, но дека народот го кажал своето.
„Изборниот ден беше добар ден за демократијата. Гласачите јасно ставија до знаење дека сакаат да ја зачуваат нашата демократија. Сè уште немаме целосни резултати, но големиот црвен бран не се случи“, рече Бајден, алудирајќи на републиканците. .
Сепак, американскиот претседател изрази надеж дека по овие избори, демократите и републиканците ќе можат да продолжат со двопартиски пристап во спротивставувањето на руската агресија во Украина. Тој најави дека по враќањето од претстојната турнеја во Северна Африка и Азија, ќе покани претставници на двете страни во Белата куќа да разговараат за овој проблем.
Американскиот претседател посочи дека наредбата на руското воено раководство за евакуација на војниците од западниот брег на реката Днепар, во близина на градот Керсон, е показател дека Москва има „реални проблеми“ со својата војска.
„Тоа покажува дека тие имаат некои реални проблеми со својата војска“, рече Бајден, додавајќи дека повлекувањето на Русија ќе им овозможи на двете страни да ги рекалибрираат своите позиции во текот на зимата.
Американскиот претседател рече дека останува да се види дали Украина е подготвена на компромис со Русија. Зборувајќи за ситуацијата во Украина, Бајден во еден момент направи грешка и го замени Керсон со градот Фалуџа во Ирак. „Мислам дека контекстот е дали тие се повлекуваат или не од Фалуџа…и, мислам и од… од… Керсон, од градот Керсон…“, рече Бајден.
