Премиерот Зоран Заев преку својот Фејсбук профил им честиташе на граѓаните и пратениците за преземената одговорност и воедно му се заблагодари за честитката на генералниот секретар на НАТО, Јенс Столтенберг, со кој вечерва разговарале телефонски.
„Им честитам на граѓаните и на пратениците за преземената одговорност за уставните измени со којашто заедно ги отворивме вратите на НАТО и ЕУ за Република Македонија.
Во исто време, изразувам благодарност до генералниот секретар на НАТО, Јенс Столтенберг, за честитката којашто телефонски ми ја упати вечерва, и со која на сите граѓани на нашата земја го честита историскиот успех и новите перспективи кои се отвораат пред нас“, напиша Зоран Заев.
Во Собранието вечерва беа усвоени уставните измени, со кои Македонија се обврза да го промени името во Република Северна Македонија
