Трамп: „Не се враќам“
Од
Објавено на
Поранешниот американски претседател Доналд Трамп изјави дека нема намера да се врати на Твитер.
Сопственикот на оваа социјална мрежа, Илон Маск, повторно го активираше профилот по анкетата во која 51,8 отсто од 15 милиони анкетирани гласаа за враќање на сметката на Трамп.
Трамп моментално има 9,3 милиони следбеници, а иако не се огласил, неговата популарност на Твитер расте од час во час.
„Не гледам причина да се вратам на Твитер“, рече Трамп преку видео врска, откако беше прашан дали планира да се врати на мрежата, објави Ројтерс.
Тој истакна дека ќе се држи до својата приватна платформа Truth Social, бидејќи нејзините корисници, како што нагласи, имаат повеќе придобивки од Twitter.
