„Ако Путин умре, нема да има војна во Украина“, вели Зеленски
Украинскиот претседател Володимир Зеленски е убеден дека војната во Украина автоматски ќе заврши доколку умре рускиот лидер Владимир Путин. Зеленски гостуваше во специјалното шоу на Дејвид Летерман „За мојот следен гостин не треба вовед“, кој се снимаше во метрото во Киев, поради што повремено се слушаше звукот на возовите.
– Да претпоставиме дека Путин настинал и умрел или случајно паднал од прозорец и умрел, дали војната ќе продолжи? – го праша Летерман украинскиот претседател.
– Не, тогаш немаше да има војна. Авторитарниот режим е страшен. Голем е ризикот се да решава еден човек – одговори Зеленски.
Ukrainian president Volodymyr Zelenskyy sits down for a special episode of My Next Guest with David Letterman. Premieres December 12 pic.twitter.com/k3kyCOiD0o
— Netflix (@netflix) December 7, 2022
Тој ја спореди таа хипотетичка ситуација со Советскиот Сојуз.
– Значи, кога Путин ќе замине, сите институции застануваат. Нешто слично се случи и во Советскиот Сојуз. Сè запре. Верувам дека би им било тешко без него. Тие потоа би се фокусирале на внатрешната, а не на надворешната политика – рекол Зеленски за време на интервјуто што ќе биде објавено на Нетфликс, пренесува Украинска правда.
In an interview with David Letterman, Zelensky said he believes Russia's war ends if President Vladimir Putin dies.
When asked about plans after the war, he said, "I will be frank – I really want to go to the sea. Just go to the seacoast and have a beer."https://t.co/uazB4xxnL2
— The Kyiv Independent (@KyivIndependent) December 12, 2022
Водителот го праша украинскиот претседател кои се неговите планови по крајот на војната.
– Ќе останам претседател додека не победиме, а после тоа не знам. Не размислувам за тоа во моментов. Би сакал да одам на плажа. Да бидам искрен, Дејвид, само сакам да одам на плажа кога ќе победиме во војната. И навистина би сакал да пијам пиво – рече Зеленски.
