Свет

(ВИДЕО) Коњ спасен по три недели поминати под урнатините

Турските спасувачи, под надзор на ветеринари, извлекоа од урнатините коњ кој помина 21 ден заробен во зграда во Адијаман.

Видеото од спасувањето го објави турското Министерство за земјоделство и шумарство.

Животното е извлечено од непристапен терен. По преглед од страна на ветеринар, кој утврдил дека животното нема повреди опасни по живот, коњот е вратен на сопственикот.

Во меѓувреме, во Хатај беше отворена полска болница за спасени животни. Десетици волонтери бараат домашни миленици.

Турција беше погодена од два разорни земјотреси на 6 февруари, во кои досега загинаа најмалку 44.000 луѓе.

На почеток