Додека власта парите од буџетот ги троши за лично богатење, во Општина Чешиново Облешево од 14 населени места само едно населено место има водовод и канализација, вели Лефков
„Продолжуваме со акцијата „Ова е Македонија за сите“ денеска бевме во посета на населено место Теранци, Ларци, сега сме овде во Чифлик во Општина Чешиново Облешево 14 населени места а само 1 населено место има водовод и канализација а останатите населени места или немаат водовод или имаат проблеми со канализацијата и катастрофална инфраструктура а власта на СДСМ и ДУИ воопшто не се грижи за тоа“, рече пратеникот од редовите на ВМРО-ДПМНЕ Миле Лефков при денешната теренска активност.
Тој посочи дека 5 милијарди државен буџет или парите потрошени во изминатите 6 години не најдоа начин да пристигнат овде.
„Токму за ова населено место веќе 2 години по ред предлагаме амандмани за да се направи канализационата мрежа меѓутоа безмилосно беа одбивани од власта на СДСМ и ДУИ кои парите ги троши за лично богатење“, рече Лефков.
Лефков посочи дека власта на СДСМ и ДУИ воопшто не се грижи за хранат меѓутоа луѓето порачуваат една работа дека за 10 11 месеци од сега на изборите ќе и кажат збогум на оваа ненародна влада
„Доцни сеидбата со ориз бидејќи има неисчистени водни канали поради разни проблеми на водостопанството. Иако им ветија вода дека ќе добијат во нивите на 8ми мај и денеска тие немаат вода“, кажа Лефков.
