(Видео) Палчо избегал пред полицијата да утврди дека тој е инволвиран во убиството, телефонот на Вања е пронајден

Нема сомневања дека некој издал информација од Министерството за внатрешни работи за убиствата на Вања Ѓорчевска и Панче Жежовски, па затоа, лицето осомничено како организатор и реализатор, Љупчо Палевски-Палчо да избегал од Македонија. Ова го соопшти министерот за внатрешни работи, Оливер Спасовски.

— реклама —

„Јас вчера го објавив тоа прашање – не можел никој да знае, потоа е утврдено“, вели Спасовски.

Истовремено информираше дека е пронајден телефонот на Вања, но не и на која локација.

„Пронајден е телефонот“, кратко одговори Спасовски.

Палчо и додека во бегство контактирал со лица во Македонија.

„Имаме не можеме да ги споделиме“, одговори Спасовски на прашањето со кого Палчо контактира од Македонија.

Прашан каде е убиен Жежовски, одговори: „Убиен е надвор“.

Само една пријава за Палчо стигнала до полицијата во изминативе денови, а се однесува на закани кои одамна биле упатени кон тоа лице.

„Мислам дека засега нема. Има некаква пријава од едно лице, дека наводно има некакви закани. Ќе се постапи по таквите пријави да видиме колку е веродостојно. Прашање е зошто сега пријавува“, посочи Спасовски.