(Видео) Група туристи од Индија приведени во Русија и испратени да се борат против Украина испратија и видео порака
Седум индиски државјани во видео порака изјавиле дека руските власти ги принудуваат да се борат во Украина на страната на Русија.
Индијците тврдат дека дошле во Русија на крајот на декември 2023 година како туристи, а потоа туристички агент им понудил да ја посетат Белорусија, на што тие се согласиле.
„Не знаевме дека ни треба виза. Кога стигнавме во Белорусија, агентот ни побара пари и потоа исчезна“, вели еден од индиските граѓани во видео клипот, пренесува Укринформ.
23-year-old man who said he is from #Gurdaspur #Punjab #GagandeepSingh called @ndtv @ndtvindia to appeal to @MEAIndia @states_mea @DrSJaishankar to help them return to India; says 7 of them who met in Russia may be deployed any time, without any training, to fight war in #Ukraine pic.twitter.com/re6eFuyY1v
— Uma Sudhir (@umasudhir) March 4, 2024
По пристигнувањето во Белорусија, индиските државјани биле приведени од полицијата. Туристите потоа биле предадени на руските власти, кои ги принудиле да потпишат документи на руски јазик без да обезбедат преведувач.
После тоа, според индискиот портал „News 18“, тие поминале петнаесетдневна воена обука, а потоа биле испратени на фронтот. На Индијците им беше објаснето дека алтернативата на воената служба може да биде затворска казна од 10 години.
Судхир, која ја објави видео пораката, забележува дека нејзините сограѓани „може да бидат испратени да учествуваат во конфликти во секое време“.
Индиските власти во февруари објавија дека се обидуваат да вратат околу 20 индиски државјани кои ја посетиле Русија и завршиле во руската армија.
