За умреницата наместо венчаницата, Стевчо Јакимовски доби јавно извинување и ветување дека службеничката ќе биде казнета
Управа за водење на матичните книги упати извинување до семејството на Стевчо Јакимовски, чии син и снаа добиле извод од умрени, наместо извод од венчани, каде бил впишан датумот на венчавање.
„Во врска со настанатата несакана грешка на издаден погрешен образец од матична книга на венчаните, искажана преку јавно информирање од страна на градоначалникот на Општина Карпош г-дин Стевчо Јакимовски, известуваме дека направен е увид во целокупното постапување по предметното барање за издавање на извод на интернационален образец од матична книга на венчаните. Утврден е пропуст сторен од страна на административен службеник, вработен во Управата за водење на матични книги – Подрачно одделение Скопје и истиот во краток рок ќе биде санкциониран согласно Законот за административни службеници. Јавно се извинуваме на семејството на градоначалникот на Општина Карпош г-дин Стевчо Јакимовски за немилиот настан“, напишаа од Управа за водење на матичните книги.
Синот и снаата на Стевчо Јакимовски побарале венчаница, а добиле умреница. Ова го кажа кандидатот на претседател и градоначалник на Карпош.
МАКЕДОНИЈА(Видео) Синот и снаата на Стевчо Јакимовски побарале венчаница, а добиле умреница: Датумот на свадба им е ставен како датум на нивната смртAvatar
ОдСкопје1.мкОбјавено на 12/03/2024
Синот и снаата на Стевчо Јакимовски побарале венчаница, а добиле умреница. Ова го кажа кандидатот на претседател и градоначалник на Карпош.
„Син ми и снаата побараа извод од матична книга на венчани, а добија од матична книга на умрени. Денот на нивната свадба е ставен како ден на нивната смрт“, кажа Јакимовски.
Потоа, тој додава: „Овие млади луѓе се во шок, можете да замислите секоја годишнина од бракот на што ќе ги потсеќа“:
