Таткото на осомничениот за убиството на малата Данка откри што се случило на нивниот имот
Жителите на селото Злот биле шокирани и изненадени од постапките на нивниот сосед Дејан Драгијевиќ, кој е осомничен дека на 26 март во Бањско поле ја убил двегодишната Данка Илиќ заедно со Срѓан Јанковиќ. Неговиот татко Раде се уште не може да поверува што им се случило.
„Ако е виновен нека одговори, тоа ќе го утврди судот. Овде го одведоа и мојот помал син Далибор на распит во полиција. Јас сум срцев пациент, вчера дојде брзата помош да ми помогне, да не земав бромазепам немаше да можам да излезам од капијата“, изјави Раде Драгијевиќ.
Таткото на Дејан не можел ни да се сети на кој ден бил уапсен неговиот син. Вели дека полицијата била на неговиот имот, но не нашле ништо, па си заминале.
Дејан не е оженет и живее во куќа со татко му и братот, а мештаните на Злота велат дека е стар дечко.
Да потсетиме, во Бањско поле се уште трае потрагата по телото на Данка Илиќ. Полицијата од утрово повторно е на терен.
