Бајден: Она што се случува во Газа не е геноцид
Американскиот претседател Џозеф Бајден рече дека израелската војска (ИДФ) не врши геноцид во Газа, говорејќи во понеделникот во Белата куќа за време на настанот за одбележување на американското еврејско наследство.
„Она што се случува во Газа не е геноцид. Ние го отфрламе тоа“, рече Бајден, одбранувајќи ги критиките од пропалестинските демонстранти низ САД кои го нарекоа „геноцид Џо“.
Бајден истакна дека верува оти Израел бил жртва на нападот на 7 октомври минатата година, кога членовите на милитантната група Хамас убија околу 1.200 луѓе и киднапираа околу 250 заложници на југот на Израел.
„Сакаме Хамас да биде поразен. Работиме со Израел за да го постигнеме тоа“, рече Бајден.
Тој, исто така, ја отфрли изјавата на обвинителот на Меѓународниот суд на правдата Карим Кан, кој вчера побара издавање налог за апсење на израелскиот премиер Бенјамин Нетанјаху бидејќи „постојат разумни основи да се верува“ дека тој „сноси кривична одговорност за воени злосторства и злосторства против човештвото“.
