Камала Харис: Бајден ме вознемири со повик пред дебатата со Трамп

Камала Харис открива во своите мемоари „107 дена“ дека била „лутa и разочарана“ кога тогашниот претседател Џо Бајден ја повикал само неколку часа пред нејзината претседателска дебата со Доналд Трамп за да ѝ пренесе дека група моќници блиски до неговиот брат одбиваат да ја поддржат.

Харис пишува дека во септември, додека била во хотелска соба во Филаделфија и се подготвувала за една од најважните дебати во кампањата, Бајден ја побарал телефонски за да ѝ посака среќа, но и да ја праша дали ќе се врати во градот пред изборите.

— реклама —

„Се прашував зошто воопшто ми поставува такво нелогично прашање,“ наведува Харис.

— реклама —

Според неа, Бајден ѝ кажал дека неговиот брат разговарал со група влијателни луѓе во Филаделфија и дека тие нема да ја поддржат бидејќи, како што тврделе, таа говорела лошо за него. Харис му рекла на Бајден да ги поврзе директно со неа, но разговорот продолжил со негови размислувања за сопствените настапи во претходните дебати со Трамп.

„Таа вечер требаше да бидам на врвот на моите способности,“ пишува Харис, додавајќи дека наместо да се концентрира, морала да слуша како Бајден се правда за својот „катастрофален настап“ од три месеци претходно.

— реклама —

Таа се присетува дека по разговорот била видно вознемирена, а нејзиниот сопруг, Даг Емхоф, ѝ рекол:

— реклама —

„Остави го тоа, имаш работа со Трамп.“

Иако за време на кампањата и по неа избегнувала да го критикува претседателот со кој служеше и дури го бранеше кога се отвораа прашања за неговата ментална кондиција, во мемоарите Харис признава дека била загрижена. „Гласот повеќе не му беше силен, а паузите во говорот беа сѐ почести,“ пишува таа, опишувајќи ја својата недоумица за неговата способност да ја води кампањата.