Покана за разговори со Кина, обновување на односите со Русија: Писмото на Орбан до Брисел кое ќе предизвика многу гнев во ЕУ
![Орбан: 50 милијарди евра за Украина, лоша одлука](https://skopje1.mk/wp-content/uploads/2023/12/Орбан-50-милијарди-евра-за-Украина-лоша-одлука.jpg)
Унгарскиот премиер Виктор Орбан испрати писмо до претседателот на Европскиот совет, Шарл Мишел, во кое, меѓу другото, повикува на разговори со Кина за „мировна конференција“ и обновување на дипломатските односи со Русија, објави Билд.
Весникот наведува дека Орбан презентира збирна оценка по неодамнешните разговори со лидерите на Украина, Русија, Кина, Турција и поранешниот американски претседател Доналд Трамп за конфликтот во Украина, како и некои предлози за разгледување.
Во писмото, премиерот на Унгарија повикува на разговори со Кина за „мировна конференција“, обновување на дипломатските односи со Русија и како што наведува, „политичка офанзива кон земјите од глобалниот југ, чија почит ја изгубивме поради нашата позиција за војната во Украина“, пренесува Билд.
Писмото содржи десет точки, а кога станува збор за војната во Украина, унгарскиот премиер оценува дека во блиска иднина интензитетот на конфликтот радикално ќе се засили.
Политичкиот советник на унгарскиот премиер во понеделникот изјави дека Орбан писмено ги информирал лидерите на Европскиот совет за искуствата од мировните преговори во Украина, првата фаза од мировната мисија и планот на Унгарија, кој содржи реална проценка на ситуацијата и реални цели, како и соодветен распоред на акции.
![](https://skopje1.mk/wp-content/uploads/2022/01/2222.png)