Руси: Украинците ја уништија нашата фабрика во напад со дрон, најмалку шестмина се ранети
Украинските напади синоќа предизвикаа пожар кој уништи фабрика за електрична опрема во руската погранична област и повреди најмалку шест лица, соопштија локалните гувернери. Напад со дрон врз фабрика во градот Кореново во руската област Курск предизвика пожар кој беше изгаснат до утрото. Во самата фабрика нема жртви.
Фотографиите објавени на каналот Телеграм на локалниот гувернер Алексеј Смирнов покажуваат фабрика чиј покрив гори. Нејзината внатрешност била целосно изгорена. Едно лице е повредено кога дрон фрлил експлозив врз куќа во истиот регион, изјави Смирнов.
Вјачеслав Гладков, гувернер на руската област Белгород, изјави дека четири лица се повредени во украинското гранатирање. Во регионот Воронеж едно лице е повредено во напад со дрон, изјави локалниот гувернер Александар Гушев.
Рускиот весник Комерсант во вторник пишува дека властите размислуваат за евакуација на жителите од 14 села во Белгородската област, кои се цел на украински напади.
A drone attack on a low-voltage equipment plant in the village of Korenevo, Kursk Oblast, was reported by acting governor Alexei Smirnov. The drone allegedly dropped an explosive device on the plant's territory overnight on July 15. The official accused Ukraine of the attack. pic.twitter.com/l3S4V94bbo
— Hromadske Int. (@Hromadske) July 16, 2024
