Претставници од Општина Охрид учествуваа на турнир од Јадранската Текбал лига
![](https://skopje1.mk/wp-content/uploads/2024/07/IMG_5190.jpeg)
Претставници на Општина Охрид беа дел од турнирот на Јадранската Текбал лига која се одржуваше иминатиот викенд во Бар, Република Црна Гора.
На турнирот учествуваа натпреварувачи и спортски работници од Балканските земји, вклучувајќи ја и Полска.
Во рамките на настанот, раководителот на Секторот за спорт, млади и невладини организации при Општина Охрид, Јоне Станковски оствари средби со претставници на Текбал федерациите од повеќе земји, на кој се дискутираше за поголема промоција на овој спорт во Охрид и Македонија. Исто така, на средбите било разговарано и за можноста за организирање на турнири во Охрид, со цел зголемување на понудата на градот и развој на спортскиот туризам.
Учеството на турнирот се реализираше на покана на Текбал федерацијата на Црна Гора, а охридскиот тим го сочинуваа Александар Бакулески и Коста Трифуноски од ГФК „Охрид Лихнидос“ и лиценцираниот текбал судија, Фатмир Бафто.
![](https://skopje1.mk/wp-content/uploads/2022/01/2222.png)