20 повредени во сообраќајка во Србија: Се преврте уште едно комбе полно со мигранти
Комбе со странски регистарски таблички се преврте на автопатот Пирот-Ниш кај Бела Паланка, во кое имало 32 мигранти, потврдија во Полициската управа Пирот. Дваесет мигранти се згрижени во Пиротската болница, а потешко повредените се испратени во КЦ Ниш.
Засега не е позната причината за превртувањето на комбето со мигранти на автопатот кај Бела Паланка, а истрагата е во тек.
Дваесет мигранти се пренесени во болницата Пирот, а потешко повредените во УКЦ Ниш.
Според информациите од Универзитетскиот клинички центар во Ниш, примени се три лица. Едниот е со повреди на лицето со фрактура на коска на образ и синус, фрактура на бутната коска, вториот има површни повреди на телото, а третиот има повреди на лицето и главата, рацете и колената.
Возилата кои се движат во правец на Ниш се пренасочуваат на клучката Пирот-Исток, на главниот пат.
Ова е второ превртување на комбе со мигранти кај Бела Паланка за неколку дена. На истиот потег на 26 јули се преврте комбе со 50 мигранти, од кои триесет беа повредени.
