Починаа Сара (5) и Тина (9): Децата повредени во несреќата на железничката станица во Нови Сад – починаа во болница
Девојчињата Тина (9) и Сара (5) кои со нивниот дедо се нашле на Железничката станица во Нови Сад, за жал, како што дознаваат српските медиуми од нивните семејства, им подлегнале на повредите, пренесува Курир.
„И двете починаа, ги нема“, изјави за Курир Бранко Матиќ, дедо од Лозница кој вчера ги чекал да стигнат кај него на слава.
Бранко Матиќ, пензионер од Лозница, на денот на големата трагедија која ја зафати цела Србија, за Курир проговори за своите стравови и надежи дека малите ќе закрепнат.
Ова семејство вчера веќе доби страшна вест кога им соопштија дека починал дедото на девојка од Нови Сад со која го чекале возот. Од тој момент сите во солзи чекале пред Ургентниот центар во Нови Сад, чекајќи вести за Сара и Тина,
Да потсетиме, вчера околу пладне се урна стаклената тераса на старата Новосадска Железничка станица. Во моментот на падот на настрешницата, голем број луѓе седеа на клупите долу и го чекаа времето за поаѓање до нивната дестинација. За жал, уривањето се случи за само неколку моменти, а потоа беа потребни часови за да се извлечат преживеаните, но и оние кои ги загубија животите во урнатините. Бројот на починатите брзо се искачи на 14.
