Трамп утре ќе се види со Бајден, Меланија го игнорираше повикот на првата дама на САД
Идната прва дама на САД, Меланија Трамп утре нема да му се придружи на сопругот во Белата куќа, јавуваат медиумите.
Традиционално, кога новоизбраниот претседател доаѓа во Белата куќа на средба со актуелниот претседател, му се придружува и неговата сопруга, која пие чај со сегашната прва дама во резиденцијата.
Во 2016 година сопругата на Барак Обама ја угости Меланија во жолтата соба по победата на нејзиниот сопруг на изборите, но во 2020 година тоа не беше случај со Џил Бајден. Тогаш Трамп многу се жалеше на фактот дека изборите на кои тој загуби се украдени, а средбата не се одржа.
Меланија и Џил допрва треба да зборуваат по изборите, иако нивните сопрузи имале срдечен телефонски разговор, потврдуваат извори.
„Госпоѓа Трамп не оди и тие две сè уште не разговарале“, изјави добро информиран извор за DailyMail.
Џил Бајден и Меланија Трамп последен пат се видоа на погребот на Розалин Картер во ноември минатата година. На погребот беа сите поранешни први дами.
