Пристигна првата реакција на Пентагон: „Нашите сили остануваат во Сирија“
Пентагон соопшти дека САД ќе го задржат присуството во источна Сирија и ќе преземат соодветни чекори за да го спречат обновувањето на Исламската држава.
Заменик-помошникот секретар за одбрана за Блискиот Исток Даниел Шапиро повика на заштита на цивилите, особено на малцинствата и почитување на меѓународното право, пренесува Sky News.
Американскиот амбасадор Роберт Вуд минатата недела изјави дека американските воени позиции и персонал во североисточна Сирија остануваат критични за да се осигура дека Исламската држава никогаш повеќе не може да се крене.
Американски војници се стационирани и во сирискиот гарнизон Танф во близина на граничниот премин Јордан и Ирак, каде што ги поддржуваат сириските бунтовнички сили во спротивставувањето на Исламската држава во областа.
Владата на Асад ги гледаше американските сили како окупатори. Околу 900 американски војници моментално се во земјата, главно на североисток.
