Мексикански новинар кој ја истражувал работата на наркобандите во северната мексиканска држава Сонора починал завчера откако бил застрелан во својот дом, недалеку од границата со САД, јави агенцијата „Ројтерс“.
Сантијаго Баросо, непознат сторител го застрелал неколку пати, а новинарот починал кратко потоа во болница, објави канцеларијата на државниот обвинител.
Con gran pesar e impotencia informamos q el #periodista Santiago Barroso, d 47 años, fue asesinado en San Luis Río Colorado, #Sonora #Mexico.
Esta noche, colegas aguardan afuera dl hospital donde falleció Vie/23:00 hrs. Hombre(s) armado tocó a la puerta d su casa y le disparó. pic.twitter.com/LPr4gEBFTq— Red Sonora de Periodistas (@SonoraRed) March 16, 2019
Баросо работел во пограничниот град Сан Луис Рио Колорадо, кој е на 32 километри оддалеченост од Јума во Аризона, од другата страна на границата. Работел како радио водител, пишувал за неделникот „Контрасења“ и бил директор на порталот „Ред 563“.
Иако се уште не е познато дали неговото убиство е поврзано со неговата работа, Баросо е трет новинар кој годинава е убиен во Мексико, една од најопасните земји за луѓето кои се занимаваат со оваа професија.
