Независната кандидатка за градоначалник на Скопје, Данела Арсовска, смета дека во Аеродром треба да се подобри инфраструктурата. Таа низ општината прошета со тамошниот кандидат на ВМРО-ДПМНЕ, Тимчо Муцунски.
„Аеродром е една од најубавите општини во наше Скопје. Мора да го вратиме духот на оваа општина. Подобрување на инфраструктурата е сегмент што премногу ги засега сите жители. Недостатокот на паркинг места е реален проблем за кој што аеродромци бараат итно решение, а изградбата на сервисни улици е проект што никако да започне. Ова се дел од проблемите на кои тие денеска ми укажаа, а ги има многу. Ќе работиме чесно и одговорно и во интерес на граѓаните. За Скопје, град на сите скопјани“, напиша Арсовска.
