На 29.09.2021 во 19.56 часот на крстосница од ул.„Крушевска Република“, ул.„Глигор Прличев“ и новопредвидена улица кон место викано „Смолево“ во Битола, патничко возило „ауди“, со битолски регистарски ознаки, управувано од З.Б.(42) од с.Долно Оризари, битолско, удрило во велосипедист В.Н.(20) од Битола.
Во несреќата велосипедистот се здобил со тешки телесни повреди, констатирани во Клиничка болница Битола. Увид на местото извршиле Јавен обвинител и екипа од СВР Битола.
