Градот Скопје најави авионска дезинсекција против комарци на подрачјето на градот во текот на викендот.
Дезинсекцијата против возрасни форми на комарци ќе се спроведе во раните утрински часови на 19 септември (сабота) и 20 септември (недела).
Од Градот Скопје информираат дека доколку временските услови не дозволат реализација на прскањето, тоа ќе биде извршено првиот нареден ден кога условите ќе бидат поволни, во истиот термин.
Од Градот упатуваат апел до пчеларите навреме да ги преземат потребните мерки за заштита на пчелите.
