Најмалку 28 лица загинаа, а повеќе други се повредени откако автобус излетал од патот и паднал во провалија во Етиопија, јавуваат локалните медиуми, повикувајќи се на информации од полицијата.
Несреќата се случила додека автобусот сообраќал на релацијата од Деси кон главниот град Адис Абеба. Според медиумската корпорација Амхара, спасувачките екипи интервенирале на местото на трагедијата, а бројот на жртвите може да се промени.
„Досега 28 лица го загубија животот, додека многу други се здобија со полесни и потешки повреди“, соопштиле од полицијата.
Смртоносните сообраќајни несреќи не се реткост во Етиопија, каде што честопати се укажува на лошите стандарди во сообраќајот, недоволното одржување на возилата и непочитувањето на безбедносните правила.
Минатата година, најмалку 71 лице загина во регионот Сидама, на југот од земјата, откако камион падна во река, што претставува една од најтешките сообраќајни трагедии во поновата историја на Етиопија.
