Од ЈСП Скопје информираат дека автобусите во јавниот градски превоз сообраќаат по зимски возен ред.
Како што соопштуваат од претпријатието, поради изведување градежни работи на одредени делници, изменета е трасата на движење на повеќе автобуски линии.
Станува збор за линиите 3б, 4, 7, 9, 18, 23, 24, 44, 54 и 118, кои во одредени делови од своите рути сообраќаат по изменет режим.
Од ЈСП апелираат до граѓаните да ги следат тековните информации и да ги почитуваат привремените измени, со цел непречено користење на јавниот превоз.
