Си-Ен-Ен: Русија се враќа кон советската репресија и цензура

Четири години по целосната инвазија на Украина, Русија се соочува со зголемено незадоволство и нов бран на внатрешни тензии, додека јавниот притисок врз претседателот Владимир Путин станува сѐ повидлив, пишува Си-Ен-Ен.Во повеќе руски градови се забележуваат чести прекини на интернет-услугите, што сериозно го нарушува секојдневниот живот, додека властите тврдат дека мерките се дел од борбата против безбедносни закани и тероризам.Истовремено, руските безбедносни служби ја засилуваат репресијата врз медиумите и културниот сектор. Во последните недели се спроведени рации и апсења на издавачи и новинари, меѓу кои и случаи поврзани со наводна „ЛГБТ пропаганда“.Меѓу целите на истрагите се нашле и издавачки куќи поврзани со млади автори, како и дела со ЛГБТ тематика, што властите ги третираат како екстремистички содржини по одлука на рускиот Врховен суд од 2023 година.Паралелно со тоа, ограничен е и пристапот до независни медиуми. Повеќе новински организации, меѓу кои и Новаја Газета, се соочуваат со рации и притисоци, додека некои изданија се принудени да престанат со печатење.Властите забраниле и дел од западните социјални мрежи, додека промовираат државно контролирани дигитални платформи.Извештајот наведува и дека руските власти ги обновуваат симболите на советската ера, вклучително и именувања поврзани со поранешни безбедносни структури, што дополнително ја засилува загриженоста за враќање на авторитарните практики.И покрај економските последици од војната и притисокот врз јавноста, Путин изјавил дека прекините на интернетот се поврзани со безбедносни операции и спречување напади, додавајќи дека дел од ограничувањата се „неопходни во услови на воен конфликт“.Според Си-Ен-Ен, ваквите мерки укажуваат на продлабочување на државната контрола врз информациите и секојдневниот живот во Русија.

Свет | пред 19 минути

Две возила опожарени во Скопје, оштетен и семафор

На 26 април 2026 година околу 05:00 часот во СВР Скопје е пријавено дека на улиците „Орце Николов“ и „Никола Тесла“ во Скопје биле опожарени две патнички возила.Станува збор за патничко возило „ауди“ со гевгелиски регистарски ознаки, сопственост на К.К. (58), и патничко возило „пежо 307“ со гевгелиски регистарски ознаки, сопственост на К.К. (25).Во настанот нема повредени лица, но од пожарот е оштетен и семафор на улицата „Орце Николов“.Од надлежните служби се преземаат мерки за целосно расчистување на случајот.

Македонија | пред 23 минути

Пешак тешко повреден во сообраќајна несреќа во Валандово

На 25 април 2026 година во 11:10 часот во Полициската станица Валандово е пријавена сообраќајна несреќа што се случила на улицата „Пионерска“ во Валандово.Според пријавеното, патничко возило „фиат“ со скопски регистарски ознаки, управувано од К.С. (62) од Скопје, удрило во пешакот К.Л. (67) од Валандово.Во несреќата пешакот се здобил со тешки телесни повреди, кои биле констатирани во Општата болница во Гевгелија.Увид на местото на настанот извршила екипа од Полициската станица Валандово.

Македонија | пред 25 минути

Тешко повреден мотоциклист во сообраќајна несреќа во Скопје

На 25 април 2026 година околу 07:50 часот во СВР Скопје е пријавена сообраќајна несреќа што се случила на сервисната улица која ги поврзува улицата „Бутелска“ и булеварот „Христијан Тодоровски Карпош“ во Скопје.Во несреќата учествувале автобус „ман“ со скопски регистарски ознаки, управуван од М.А. (58) од село Шишево, скопско, и мотоцикл „пиаџо“ со скопски регистарски ознаки, управуван од Ш.К. (23) од село Љуботен, скопско.Во судирот, тешки телесни повреди добил возачот на мотоциклот, кои биле констатирани во Комплексот клиники „Мајка Тереза“ во Скопје.Увид на местото на несреќата извршила екипа на СВР Скопје.

Скопје | пред 27 минути

Полицијата во Скопје лиши од слобода неколку лица, запленети дрога и оружје

На 25 и 26 април 2026 година во Скопје, на повеќе локации, полициски службеници од Секторот за внатрешни работи Скопје лишија од слобода повеќе лица поради пронајдени и одземени наркотични средства и предмети.Станува збор за В.К. (53), А.И. (52), Т.Б. (46) и А.З. (41), сите од Скопје, како и Б.И. (26) од село Буковиќ, општина Сарај, Д.Ф. (26) од Куманово, М.И. (22) и еден малолетник од Тетово. При извршените контроли кај нив се пронајдени и одземени бела прашкаста материја, марихуана, нож на расклопување и дробилка.По целосно документирање на случаите, против сите инволвирани лица ќе бидат поднесени соодветни пријави.

Македонија | пред 30 минути

Филипче: Со оваа антиевропска влада Националниот совет за евроинтеграции е само про-форма

Националниот совет за евроинтеграции во моментов има само протоколарна улога и нема суштинска работа бидејќи недостигаат материјали и законски решенија врз кои треба да се дебатира, изјави претседателот на СДСМ и претседател на Советот, д-р Венко Филипче, на денешната национална дебата за улогата на Собранието во процесот на пристапување во Европската Унија, организирана од Институтот за европска политика.Филипче посочи дека на состаноците најчесто присуствуваат амбасадори на европски земји кои ги презентираат приоритетите на нивните претседателства, но дека недостига конкретна реформска агенда.Тој наведе дека дури и на состаноци поврзани со клучни реформи во правосудството не се појавуваат надлежни министри, што, според него, дополнително ја намалува функционалноста на Советот.„Националниот совет за евроинтеграции, за жал, има само протоколарна улога. Немаме материјал врз основа на кој можеме да работиме, нема поднесени закони, власта не работи на реформската агенда“, рече Филипче.Тој додаде дека суштинската улога на Советот ќе започне со отворањето на преговорите со Европската Унија, кога ќе се разгледуваат конкретни закони и реформи. Како пример за добра пракса, Филипче ја посочи Хрватска, каде што, според него, Советот бил составен од сите политички партии и функционирал како стручно и аналитичко тело со затворени седници, по кои јавноста била информирана.„Така би се ставил фокус на работата, а не на партиско надмудрување“, истакна тој.Филипче оцени дека во сегашни услови Советот е само формален орган без суштинска улога, додавајќи дека вистинска дебата ќе може да се води дури кога ќе пристигнат конкретни законски решенија од Владата и кога ќе започнат преговорите со Европската Унија.

Македонија | пред 31 минута

Новинар на Би-Би-Си ја опиша драмата во Вашингтон: „Обезбедувањето беше опуштено“

Главниот дописник на Би-Би-Си за Северна Америка, Гери О'Донохју, се наоѓал во свечената сала на хотелот Washington Hilton во моментот кога започнало пукањето за време на гала-вечерата на која присуствувал американскиот претседател Доналд Трамп.Тој изјавил дека штотуку завршил со вечерата кога слушнал бучава од влезот на салата, а потоа и истрели од полуавтоматско оружје.„Клечев под чаршавот, свесен дека повторно сум среде пукање на настан на кој присуствува претседателот“, рекол О'Донохју, потсетувајќи дека известувал и од митингот во Батлер, Пенсилванија, каде Трамп летото преживеа обид за атентат.Според него, паниката овојпат била уште побрза, а гостите за неколку секунди се сокриле под масите. Колеги му раскажале дека десетици луѓе од ходникот втрчале во салата бегајќи од пукањето.О'Донохју навел дека околу десет минути останале сокриени, стравувајќи дека напаѓачот ќе влезе во салата полна со илјадници гости.Тој додал дека агенти на Тајната служба на САД веднаш ги извлекле Трамп, првата дама Меланија Трамп и потпретседателот Џеј Ди Венс од бината, додека други агенти со шлемови и панцири барале дополнителни закани.Новинарот ја критикувал и безбедносната проверка пред почетокот на настанот, оценувајќи дека обезбедувањето било „необично опуштено“, како да не станува збор за настан со актуелен претседател. Според него, проверката со детектор за метал била површна и без детална контрола.

Свет | пред 44 минути

Масовен руски напад врз Украина, расте бројот на жртвите

Руските сили вчера го бомбардираа југоисточниот украински град Днипро во серија напади со дронови и ракети, при што загинаа 10 лица, а десетици беа повредени. Истовремено, украинските сили извршиле еден од најтешките напади досега врз Севастопол на Крим.Според регионалниот гувернер Олександр Ханжа, во Днипро биле убиени осум лица, а 49 биле повредени. Во првиот ноќен напад бил погоден станбен објект, при што дел од зградата се урнал. Подоцна следувале нови удари додека спасувачите барале преживеани под урнатините.„Повеќе од 20 застрашувачки часа Русите го напаѓаа Днипро во бранови. Гаѓаа намерно станбени делови“, изјави Ханжа.Украинските воздухопловни сили соопштија дека Русија во текот на ноќта лансирала 19 дронови и 47 ракети, од кои биле соборени 15 дронови и 30 ракети.Во северниот регион Чернигов загинаа уште две лица, а седум беа ранети.Украинскиот претседател Володимир Зеленски изјави дека секој ваков напад треба да биде потсетник за партнерите дека е неопходно итно зајакнување на украинската противвоздушна одбрана.Во меѓувреме, руските власти на анектираниот Крим соопштија дека едно лице загина, а четири биле повредени во украински напад со дронови врз Севастопол. Гувернерот Михаил Развожаев го опиша нападот како еден од најтешките досега.Според него, биле оштетени 34 станбени згради, куќи, автомобили и железничка инфраструктура, а руската противвоздушна одбрана соборила десетици летечки објекти над градот и Црното Море.Во Русија, во напад со дрон врз фабрика за ѓубрива во Череповец биле повредени пет лица, откако била оштетена цевка за сулфурна киселина.

Свет | пред 1 час

Њујорк Тајмс: Нетанјаху бара помилување, Херцог засега избира друг пат

Израелскиот претседател Исак Херцог со месеци размислувал за политички чувствителното прашање дали да му додели помилување на премиерот Бенјамин Нетанјаху во долготрајниот процес за корупција, но засега не планира таков чекор и прво ќе се обиде да посредува за постигнување на спогодба, пишува The New York Times.Според двајца високи израелски функционери, Херцог смета дека постојат повеќе решенија освен едноставен избор меѓу помилување или одбивање, а како главна улога на претседателот ја гледа националната кохезија.Од кабинетот на Херцог соопштиле дека секое решение ќе биде донесено исклучиво во согласност со израелскиот закон, совеста на претседателот и најдобриот интерес на државата.Нетанјаху веќе речиси шест години е на судење по обвиненија за поткуп, измама и злоупотреба на доверба во три поврзани случаи. Тој ги негира сите обвиненија и тврди дека станува збор за политички прогон.Прашањето длабоко го дели израелското општество. Анкетите покажуваат дека приближно половина од граѓаните се против помилување, а ставовите најчесто се поделени по политичка линија.Иако функцијата претседател во Израел е претежно церемонијална, една од ретките реални надлежности е можноста за доделување помилување, па секоја одлука би имала големо политичко и историско значење.Според извештајот, Нетанјаху уште во ноември поднел формално барање за превентивно помилување, тврдејќи дека запирањето на процесот би помогнало да се намалат поделбите во земјата.Правни експерти сметаат дека евентуална спогодба би морала да вклучи признавање вина и оставка од функцијата, нешто што Нетанјаху досега не покажал подготвеност да го прифати.

Свет | пред 1 час

(Видео) Ова е моментот кога е уапсен напаѓачот на гала вечерта на Трамп

На социјалните мрежи се појави снимка од апсењето на 31-годишниот Американец Кол Томас Ален, кој тешко вооружен упаднал во хотелот Washington Hilton во Вашингтон во момент кога таму се одржувала свечена вечера на дописниците од Белата куќа.Во моментот на инцидентот во балската сала биле американскиот претседател Доналд Трамп и повеќе високи функционери од неговата администрација, меѓу кои потпретседателот Џеј Ди Венс, министерот за одбрана Пит Хегсет и директорот на ФБИ Каш Пател.На снимката се гледа како осомничениот лежи на подот опкружен со униформирани припадници на безбедносните сили и агенти на Тајната служба на САД.Поранешниот агент на Тајната служба Бери Донадио изјавил дека го гледал инцидентот „во шок“, но оценил дека на теренот имало доволно безбедносен персонал и дека напаѓачот на крај бил брзо совладан.Според него, обезбедувањето имало само неколку секунди за реакција откако почнало пукањето, а фактот што успеале истовремено да ја лоцираат заканата и да го заштитат претседателот покажува дека процедурите функционирале.Тој нагласил и дека хотелот Washington Hilton е огромен комплекс, што значително ја отежнува работата на обезбедувањето. Бидејќи напаѓачот бил гостин во хотелот, легално можел да се движи низ делови од зградата сѐ додека не го извадил оружјето.Истражителите сега ги анализираат моментите во кои осомничениот со оружје се движел од хотелската соба до лобито без да биде запрен пред да се слушнат првите истрели.

Свет | пред 1 час

Уапсено едно лице за безобѕирно возење, изречени 12 санкции во акциска контрола

Министерството за внатрешни работи информира дека во текот на ноќта меѓу 25 и 26 април, во периодот од 21 до 03 часот, Мобилната единица за безбедност на сообраќајот спровела засилена акциска контрола на подрачјето на општините Кисела Вода, Илинден и Ѓорче Петров.При контролата санкционирани биле осум возачи кои управувале возило под дејство на алкохол, додека две лица одбиле алкотестирање. Уште тројца возачи биле казнети за други сообраќајни прекршоци.Едно лице било лишено од слобода поради сторено кривично дело „безобѕирно управување со моторно возило“, односно управување возило под дејство на алкохол со повеќе од 1,50 промили.Од МВР најавија дека по целосно документирање на случаите ќе бидат поднесени соодветни прекршочни и кривични пријави.Акциските контроли ќе продолжат и во наредниот период со цел зголемување на безбедноста во сообраќајот, а од Министерството апелираат граѓаните да ги почитуваат сообраќајните правила и прописи.

Македонија | пред 2 часа

Филипче: Изјавата на Мицкоски дека децении ќе чекаме е признание дека оваа влада не сака во ЕУ

Претседателот на СДСМ Венко Филипче оцени дека граѓаните не треба да очекуваат ништо од европскиот пат на државата, обвинувајќи ја владата дека целосно го блокира процесот на евроинтеграции.Тој посочи дека премиерот Христијан Мицкоски јавно изјавил дека земјата може да чека децении за членство во Европска Унија, што според Филипче е доказ дека актуелната власт нема намера да направи ниту еден сериозен чекор кон Европа.Како пример за застојот, Филипче наведе дека во текот на 2025 година требало да се донесат десетина закони од областа на правосудството, а усвоен бил само еден и тоа со делумна имплементација на препораките од европската оценска мисија.Тој истакна дека Собрание на Република Северна Македонија не може да работи ако Влада на Република Северна Македонија не доставува закони и реформски материјали.Филипче откри дека по пожарот во Кочани му понудил на премиерот заедничка работа на реформската агенда, била формирана работна група и биле доставени експертски мислења за законите од областа на правосудството, но одговор од Министерството за правда не добиле.Според него, дел од овие закони се директно поврзани со европски финансиски средства, а без промена на политиките – и на самата влада – државата нема да направи никаков исчекор кон ЕУ.

Македонија | пред 2 часа

Македонија слави 34 години од денарот – симбол на монетарната независност

Македонија одбележува 34 години од воведувањето на денарот, валута што се наметна како еден од клучните столбови на економската стабилност и монетарната самостојност на државата.Од своето воведување, денарот помина низ низа економски и политички предизвици, вклучително и транзициски периоди, регионални и глобални кризи, но успеа да ја задржи стабилноста и довербата кај граѓаните и стопанството.Во изминатите децении, валутата постепено се изгради во сигурен инструмент за финансиско работење, со стабилен курс и контролирана инфлација, што придонесе за одржување на макроекономската рамнотежа.Одбележувањето на годишнината се смета за потсетник на процесот на економско осамостојување на државата, во кој воведувањето на сопствена валута беше еден од клучните чекори.Експертите оценуваат дека одржувањето на стабилен денар и во иднина ќе зависи од внимателни економски политики, финансиска дисциплина и адаптација на глобалните економски текови.

Македонија | пред 2 часа

Сончево и променливо време со температури до 28 степени

Сончево со мала до умерена локална облачност се очекува во текот на денот, соопштува Управата за хидрометеоролошки работи. Ќе дува слаб до умерен, а во источните делови повремено засилен ветер од северен правец.Минималната температура ќе се движи од 3 до 10 степени, додека максималната ќе достигне од 19 до 28 степени.Во Скопје се очекува променливо облачно време со сончеви периоди. Ќе дува умерен северен ветер, а температурата ќе се движи од минимални 8 до максимални 26 степени.

Македонија | пред 8 часа

Лажна дојава за бомба во „Сити Мол“ во Скопје, полицијата утврди дека заканата е неоснована

Лажна е дојавата за наводно поставени експлозивни направи во трговскиот центар „Сити Мол“ во Скопје, соопшти Министерството за внатрешни работи.Денеска, 25 април 2026 година, на електронската адреса на МВР пристигнала порака со закана дека во објектот се поставени бомби. Веднаш по пријавата, полициски службеници презеле мерки и извршиле проверка во и околу трговскиот центар.По деталните активности на терен, утврдено е дека станува збор за лажна дојава и дека не постои никаква експлозивна закана. Од МВР нагласуваат дека случајот се расчистува и се преземаат понатамошни мерки за идентификување на испраќачот на пораката.

Скопје | пред 17 часа

Би-Би-Си анализа: Преговорите се заглавени, улогата на Пакистан како посредник сѐ потешка

Денот во Исламабад беше обележан со постојани пресврти, пишува во својата анализа дописничката на Би-Би-Си од Пакистан, Кери Дејвис.По заминувањето на иранскиот министер за надворешни работи, Абас Арагчи, и откажувањето на доаѓањето на американската делегација, се отвора клучното прашање што следи понатаму.Во анализата се наведува дека во моментов има многу шпекулации за тоа што точно било разговарано меѓу иранските и пакистанските претставници. Според наводите, американскиот претседател Доналд Трамп го продолжил примирјето за да ѝ даде време на Иран да подготви единствен предлог, па се смета дека Техеран за време на посетата на Пакистан ги предал своите барања, иако тоа засега не може да се потврди.Според Би-Би-Си, она што е јасно е дека целиот процес за доведување на двете страни на преговарачка маса станува сè покомплициран и полн со несогласувања. Пакистан се обидел да се позиционира како мост меѓу страните и да го одржи дијалогот, но по денешните случувања таа улога изгледа сè понеизвесна.

Свет | пред 18 часа

(Видео) (Видео)Тензично во Земун: Бибер спреј, напади, давена девојка, граѓаните се самоорганизираат а полиција нема

Тензична атмосфера во Земун откако членови на Српската напредна странка поставија штандови на влезот од главната улица, предизвикувајќи брза реакција од граѓаните. Десетици луѓе кои дојдоа да изразат поддршка за студентите и незадоволство од присуството на партиските активисти.Инцидентите не изостанаа. Актерот Драган Гаги Јовановиќ беше испрскан со бибер-спреј откако се обидел да разговара со присутните од СНС и да праша зошто се таму. Според неговото сведоштво, ситуацијата брзо ескалирала, а обидите да пријави што се случува останале без одговор.Набрзо потоа, ситуацијата дополнително се вжешти кога приврзаничка на СНС физички нападна девојка. Снимки објавени на социјалните мрежи покажуваат како постара жена ја дави девојката, додека присутните повикуваат полиција – која, според сведоштвата, не се појавила.Во отсуство на институционална реакција, граѓаните сами интервенираа за да ја заштитат нападнатата девојка, по што избувна жесток вербален судир.

Свет | пред 18 часа

Добро, лошо и најлошо: Ова се трите сценарија за летото во Европа

Летен хаос за европските авиокомпании: Скапи билети и можни откажувања на летови поради кризата на Блискиот ИстокЕвропските авиокомпании и патниците се подготвуваат за турбулентно лето, дури и ако војната на Блискиот Исток заврши веднаш. Цените на авионските билети се очекува да останат високи, а профитот на превозниците под силен притисок поради нарушувањата во снабдувањето со гориво од земјите од Персискиот Залив преку Ормускиот Теснец.Европската Унија не произведува доволно авионско гориво за сопствените потреби, а нејзините рафинерии можат да покријат најмногу 70 проценти од побарувачката. Секој подолг прекин на танкерскиот сообраќај низ теснецот би можел да доведе до сериозен недостиг на гориво токму пред врвот на туристичката сезона.Дури и ако конфликтот брзо заврши и теснецот повторно се отвори, кризата нема веднаш да се реши бидејќи на танкерите би им требало повеќе од еден месец за да стигнат до Европа. Од IATA предупредуваат дека ќе бидат потребни уште неколку месеци снабдувањето да се врати во нормала.Тоа значи дека билетите веројатно ќе останат скапи во текот на летото, иако би можеле да се избегнат масовни откажувања на летови.Според аналитичарите, најверојатен исход е делумно смирување на конфликтот со повремен транспорт низ теснецот. Во таков случај, цените на горивото би останале високи, а снабдувањето несигурно. Тоа би можело да значи откажување на помалку профитабилни линии, намалување на регионалните летови, поскапи билети и помалку промотивни понуди.Lufthansa веќе најави укинување на 20.000 летови во следните месеци за да ја намали потрошувачката на гориво, а и други авиокомпании најавуваат дека зголемените трошоци ќе ги префрлат врз патниците.Ако кризата трае цело лето, европските резерви на авионско гориво би можеле да паднат под минималното оперативно ниво. Тоа би значело ограничување на побарувачката, сериозни откажувања и можни рестрикции на летови низ Европа и Азија.Европската комисија засега го отфрла најцрното сценарио, но веќе подготвува кризен план. Еврокомесарот за транспорт Апостолос Цицикостас предупреди дека земјите можеби ќе мора да ги делат своите итни резерви на гориво.Експертите предупредуваат дека нискобуџетните превозници би можеле да бидат најпогодени, бидејќи нивниот модел зависи од евтино гориво, голем број летови и патници чувствителни на цена. Ова лето патувањето со авион низ Европа може да биде поскапо, поретко и понеизвесно од вообичаено.

Свет | пред 18 часа

Иранскиот шеф на дипломатијата пристигна во Оман: Допрва ќе се види дали Америка е сериозна

Иранскиот министер за надворешни работи, Абас Арагчи, пристигна во Мускат, главниот град на Оман, соопшти неговиот кабинет.Арагчи во Оман допатува од Исламабад по завршувањето на разговорите со пакистанските претставници.На социјалната мрежа X, Арагчи ја опиша посетата на Пакистан како многу плодна.Тој наведе дека го претставил иранскиот став за изводлива рамка за траен прекин на војната, но додаде дека допрва треба да се види дали САД навистина се сериозни кога станува збор за дипломатијата.

Свет | пред 19 часа

(Видео) Евакуиран „Сити мол”, стигнала дојава дека е поставена бомба: пред трговскиот има полиција и Брза помош

Посетители и вработени во трговскиот центар “Сити мол” се евакуирани по дојава за поставена бомба. Пред раскрсницата има и полициско обезбедување. “Денеска (25.04.2026) на електронска адреса на Министерството за внатрешни работи е добиена порака со закана дека во трговскиот центар „city mall“ во Скопје се поставени експлозивни направи. Полициски службеници преземаат мерки и вршат проверки во трговските центри”, велат од МВР за Скопје1.Ова е втор викенд по ред како се евакуира трговски центри. Претходниот викенд евакулирани беа Ист гејт и Дајмонд мол. Детали се очекувааат од МВР.

Настани | пред 19 часа

Трамп: Откажувањето на преговорите не значи враќање кон војна

Американскиот претседател Доналд Трамп изјави дека откажувањето на патувањето на неговите советници во Пакистан не значи нужно продолжување на војната со Иран.„Не, тоа не значи тоа. Сѐ уште не сме размислувале за тоа“, изјави Трамп во телефонски разговор за Axios.На директно прашање дали одлуката да не бидат испратени пратениците Стив Виткоф и Џаред Кушнер треба да се толкува како чекор кон нов круг на конфликт, Трамп одговори дека такво сценарио во моментов не е во план.

Свет | пред 19 часа

Трамп го откажа патувањето на пратениците во Исламабад: „Ако Иран сака разговори, нека нѐ повика“

Американскиот претседател Доналд Трамп на својата социјална мрежа Truth Social потврди дека го откажал патувањето на своите пратеници во Исламабад, каде што требало да се сретнат со претставници на Иран.„Премногу време се губи на патувања, тоа е премногу работа“, порача Трамп.Тој додаде дека во рамките на иранското раководство владеат големи поделби и конфузија и дека никој, па ни самите тие, не знае кој е главен.„Ние ги имаме сите карти, тие немаат ниту една! Ако сакаат разговори, треба само да нѐ повикаат“, напиша американскиот претседател.

Свет | пред 20 часа

Орбан: Се повлекувам од пратеничкото место во парламентот, попотребен сум на друго место

Унгарскиот премиер во заминување, Виктор Орбан, денеска објави дека се повлекува од пратеничкото место во унгарскиот парламент, откако неговата партија Фидес доживеа тежок изборен пораз со кој беше ставен крај на неговото 16-годишно владеење.Орбан на 12 април загуби од проевропскиот конзервативец Петер Маѓар, чија партија Тиса освои двотретинско мнозинство во парламентот. Изборите во Унгарија беа одбележани со рекордна излезност.Шеесет и двегодишниот Орбан минатата недела повика на „целосна обнова“ на својата партија. Во видео објавено на Фејсбук, тој изјави дека мандатот што го освоил како носител на листата на Фидес во суштина ѝ припаѓа на партијата, па затоа решил да се откаже од него.„Потребен сум повеќе на друго место“, порача Орбан, додавајќи дека неговата улога е поважна во реорганизацијата на партијата отколку во парламентот.Тој истакна дека раководството на Фидес му препорачало да остане на чело на партијата и да продолжи како нејзин претседател. Орбан рече дека е подготвен за таа задача, доколку биде потврден на партискиот конгрес во јуни.Новиот состав на унгарскиот парламент треба да ја одржи конститутивната седница на 9 мај. Партијата Тиса освои 141 место, Фидес 52, а крајно десничарската Наша татковина освои 6 пратенички места во парламентот со вкупно 199 пратеници.

Свет | пред 20 часа

Трампова одмазда кон Британија: Што се случува со Фолкландските Острови?

Светската јавност ја изненади информацијата дека Фолкландските Острови, архипелаг во јужниот Атлантик за кој Обединетото Кралство и Аргентина војуваа во 1982 година, повторно стануваат тема на меѓународни тензии.Според наводи пренесени во дел од британските медиуми, американскиот претседател Доналд Трамп наводно упатил закани за повлекување на американската поддршка за британскиот суверенитет над островите, што предизвикало вознемиреност во Лондон.Во извештаите се наведува дека причината за ваквиот пресврт се разликите меѓу Вашингтон и Лондон околу воената соработка во рамки на тековните операции поврзани со Иран, при што САД наводно барале поширок пристап до воени бази, меѓу кои и бази во Индискиот Океан и во Велика Британија.Британската влада, предводена од премиерот Кир Стармер, според истите наводи, делумно одбила или ограничила дел од барањата, што било оценето како недоволна поддршка од страна на Вашингтон.Во меѓувреме, во приказната се вклучува и аргентинскиот претседател Хавиер Милеј, кој, според анализите, има поблиски ставови со САД, што дополнително ги комплицира односите околу суверенитетот на островите, кои Аргентина ги нарекува Малвини.Фолкландските Острови беа предмет на воен конфликт во 1982 година, кога траеше 74 дена борби меѓу британските и аргентинските сили. Во конфликтот загинаа 255 британски и 649 аргентински војници.Британските власти официјално повторуваат дека нивниот став за суверенитетот останува непроменет и дека правото на жителите на самоопределување е клучен аргумент во спорот.И покрај ваквите тврдења, аналитичарите предупредуваат дека евентуално намалување на американската дипломатска поддршка би можело да создаде нови притисоци врз Лондон, особено во рамки на меѓународните организации, каде досега САД играа важна улога во одржување на статус кво.Од британската влада велат дека остануваат цврсти на својот став, но признаваат дека односите со Вашингтон се клучни за нивната одбранбена и разузнавачка соработка.

Свет | пред 21 час

Меган Трејнор за промените на телото: „Не сум се чувствувала вака добро“

Пејачката Меган Трејнор отворено проговори за критиките што ги добива на интернет поради губењето на килограми и одлуката да вгради силиконски импланти во градите, објаснувајќи дека со години била изложена на јавен притисок и срамење поради изгледот.Таа стана светски позната уште на 19 години со хитот „All About That Bass“, но уште од почетокот на кариерата се соочувала со коментари за своето тело. Песната, иако успешна, предизвика и контроверзии поради некои стихови кои дел од јавноста ги протолкува како навредливи.Трејнор изјави дека не ѝ било пријатно постојано да зборува за сопствениот изглед и дека дел од самоуверените пораки во нејзините рани песни не ја одразувале нејзината вистинска состојба.Во последните години, по три породувања, таа одлучила да направи естетска операција на градите, за која вели дека ја направила затоа што не се чувствувала добро со промените по бременостите. Истовремено, нагласува дека психотерапијата ѝ помага да се справи со негативните коментари од јавноста.Промените во нејзиниот изглед се поврзани и со здравствени причини, откако ѝ биле дијагностицирани гестациски дијабетес и хормонални нарушувања. Поради тоа го променила начинот на исхрана, вовела тренинзи и медицинска терапија за слабеење, при што изгубила околу 27 килограми во последните години.И покрај тоа, таа се соочила со силни реакции на социјалните мрежи, каде дел од корисниците ја критикувале за нејзиниот нов изглед. Трејнор вели дека се труди да не дозволи тие коментари да ѝ влијаат, нагласувајќи дека најважно ѝ е да се грижи за сопственото здравје и ментална состојба.

Магазин | пред 21 час