Свети Стефан повторно се отвора: Огромен интерес од целиот свет

Сопственикот на компанијата „Адриатик пропертис“, Петрос Статис, изјави дека владее огромен интерес по веста дека Свети Стефан ќе биде повторно отворен ова лето.„Реакциите од целиот свет се неверојатни. Интересот е огромен“, изјави Статис.Тој посочи дека е многу задоволен од постигнатиот договор, кој резултирал со повторно отворање на Свети Стефан, откако комплексот пет години беше затворен.Статис нагласи дека до договорот дошло затоа што Владата, ЈУ „Морско добро“ и локалната заедница сега се позрели, што, според него, овозможило повторно отворање на еден од најубавите хотели во светот.Тој рече дека во „Адриатик пропертис“ и „Аман“ веруваат дека полесно ќе ги вратат ВИП-гостите отколку работната сила, но изрази надеж дека услугата ќе биде на задоволително ниво.„Се појави огромен интерес за Свети Стефан од целиот свет“, рече Статис и најави дека лично ќе присуствува на отворањето на хотелот.Тој најави и отворање на два луксузни ресторани на Свети Стефан – „Намос“ и „Зума“.Статис оцени дека Црна Гора е прекрасна земја, но дека предуслов за поголем интерес кај високоплатежните гости е подобра патна инфраструктура, особено подобра авионска поврзаност.„Фокусот треба да биде на унапредување на аеродромите и патиштата. И веста дека доаѓа ‘Бритиш ервејс’ е една од најважните вести за луксузниот туризам“, изјави Статис.На прашањето дали Свети Стефан е најголемиот предизвик во неговата кариера, тој се присети на тешките моменти низ кои поминал.„Со Свети Стефан поминавме низ сè. Се сеќавате на црквата поради која моравме да го затвориме хотелот. Имаше сè и сешто. Но добро е, конечно повторно го отвораме“, рече Статис.Говорејќи за хотелот „Дурмитор“, кој е во сопственост на компанијата „Јану“, тој оцени дека северот на Црна Гора е иднината на туризмот.„Тоа е извонредна дестинација, мислам дека наскоро ќе го отвориме и тој хотел“, рече Статис.Тој му се заблагодари и на Новак Ѓоковиќ, посочувајќи дека неговите контакти биле многу корисни во преговорите, а најави и дека тенисерот ќе присуствува на отворањето на Свети Стефан, кое претходно беше најавено за јуни.

Магазин | пред 4 дена

Владата ги продолжи антикризните мерки до 1 јуни 2026 година

Владата денеска на вонредна седница до 1 јуни годинава го продолжи рокот за мерките насочени кон ублажување на ценовните притисоци и заштита на животниот стандард на граѓаните, објави министерката за финансии Гордана Димитриеска Кочоска на нејзиниот фејсбук профил.„Мерките насочени кон ублажување на ценовните притисоци и заштита на животниот стандард на граѓаните продолжуваат со примена до 1 јуни 2026 година. Одлуката ја донесе Владата денеска на вонредна седница. Овие мерки се соодветен одговор на економските предизвици и неизвесностите со кои се соочуваат сите држави на меѓународните пазари на енергенси,Како Влада и Министерство за финансии, посочи, обезбедуваме стабилност и предвидливост, намалување на инфлаторните притисоци, поддршка на економијата и зачувување на стандардот на граѓаните“, напиша Димитриека Кочоска на ФБ.

Македонија | пред 4 дена

ЗНАМ со жесток напад кон Филипче: „Политички мегафон на Софија во Скопје“

СДСМ, на чело со актуелното раководство кое е олицетворение на криминал, рекет и бугарофилски политики, повторно се обидува преку лаги и политички памфлети да ја дефокусира јавноста од сопствениот распад и паниката што ја тресе Бихачка, велат од политичката партија ЗНАМ.„Венко Филипче и актуелното раководството се обидуваат да глумат борци за правда, откако токму тие ја претворија државата во симбол на корупција, криминал и национално понижување.Истите тие што ја распродаваа Македонија парче по парче, ја понижуваа државата пред Софија, потпишуваа капитулантски договори, го нарушија македонското достоинство, го претворија судството во партиска експозитура, а тендерите во семејна каса, денес држат пресови за наводна корупција.Колку очај треба да има во СДСМ која ја претвори државата во приватна каса на двоецот Заев-Филипче, да зборува за морал?СДСМ свесно ја манипулира јавноста и намерно премолчува факти кои целосно ја разобличуваат нивната лажна конструкција за наводен „корупциски скандал“. Вистината е дека станува збор за законска, транспарентна и институционално водена постапка, во која иницијативата за измените е поднесена од компанијата ЛИДЛ, целата процедура е спроведена согласно закон, а сите документи и информации се јавнодостапни во системот е-урбанизам за увид на секој заинтересиран граѓанин.Дополнително, СДСМ намерно премолчува дека за предметниот опфат постои важечки ДУП уште од 2010 година, што уште еднаш ја руши нивната очајна политичка конструкција базирана врз лаги и манипулации.Но проблемот на СДСМ, не е ДУП-от.
Проблемот на СДСМ е што во Куманово осум години наназад не функционира нивниот рекетарски модел на владеење. Куманово се развива, се гради и се менува. Се решаваат децениски проблеми, се модернизира инфраструктурата, се отвораат нови перспективи за граѓаните, се вложува во културата, спортот, образованието и урбаниот развој на градот.Куманово чекор по чекор се претвора во модерен, европски град со визија, достоинство и реален напредок на секое поле. Дополнително, вечна болка им е Максим Димитриевски, човекот кој имаше храброст да им се спротивстави на штетните политики и националните понижувања, човекот кој што не им беше под контрола и не успеаја да го натераат да ги предаде македонските интереси за остварување на туѓи агенди и богатење на штета на државата и народот.Токму затоа денес Венко Филипче, политичкиот мегафон на Софија во Скопје, се обидува со лаги и хајки да го прикрие сопствениот политички дебакл и распадот што му се случува во партијата. Филипче, човекот што молчи за фирмите во Петрич, за бизнис релациите во Бугарија и за економските интереси на структурите блиски до Заев, денес зборува за чесност. Каква дрскост.Го прашуваме повторно:-Зошто молчиш за POWER i8 Ltd.?-Зошто молчите за фирмите поврзани со Заеви во Бугарија?-Дали бугарофилската политика на СДСМ е креирана во интерес на вашите бизниси и капитал во соседна Бугарија?-Дали затоа со години ја туркате тезата дека Бугарија „не го негира“ македонскиот идентитет?-Дали затоа го прифативте францускиот предлог и ги погазивте македонските црвени линии?Молкот на СДСМ за овие прашања е најголемото признание. Чесните членови и симпатизери на СДСМ препознаваат дека партијата одамна е заробена од луѓе, интересџии, кои Македонија ја користат како бизнис проект и политичка тезга за лични интереси и профит. Колку повеќе СДСМ шири лаги против Максим Димитриевски и ЗНАМ, толку повеќе народот гледа кој е исплашен. А вистината е едноставна, СДСМ не може да се помири што ЗНАМ прерасна во автентична македонска политичка сила која не потклекнува пред странски центри, не тргува со идентитетот и не ја распродава државата за лични и бизнис интереси.Затоа нервозата кај Венко Филипче е огромна. Затоа СДСМ секојдневно тоне во параноја. Затоа раководството во Бихачка гледа непријатели насекаде. Движењето ЗНАМ ќе остане доследно на принципите на Илинден и АСНОМ, на страната на Македонија, македонскиот народ и националното достоинство и нема да дозволи државата повторно да биде туркана во период на политичка сервилност, национални отстапки и бугарофилски наративи што директно го поткопуваат македонскиот идентитет, јазик и историја“, се вели во реакцијата.

Македонија | пред 4 дена

Се удрија два тротинети на кејот на Вардар, две лица повредени

На 15.05.2026 во 08:00 часот  во СВР Скопје е пријавено дека на велосипедска патека на Кеј на река Вардар во Скопје, се случила сообраќајна незгода помеѓу два електрични тротинети, управувани од 62-годишната С.С. и 12-годишник, двајцата од Скопје.Во несреќата со тешки телесни повреди се здобила С.С., додека со телесни повреди се здобил малолетникот, констатирани во ЈЗУ „Св. Наум Охридски“ во Скопје. Извршен бил увид од увидна екипа од СВР Скопје.

Скопје | пред 4 дена

Се судрија автомобил и тротинет на кружен тек во Тетово: Жена со тешки повреди итно пренесено во болница

На 15.05.2026 година во 12:45 часот, на кружниот тек помеѓу улиците „Маршал Тито“ и „Илинденска“ во Тетово, се случила сообраќајна незгода во која учествувале патничко моторно возило „Сеат Ибица“ со тетовски регистарски ознаки, управувано од Л.М.(22) од Тетово, и електричен тротинет управуван од Л.А.(46) од с. Прељубиште.Во незгодата, возачот на тротинетот се здобила со тешки телесни повреди констатирани во Клиничката болница во Тетово. Увид на лице место извршила екипа од СВР Тетово.

Македонија | пред 4 дена

Уапсен беровец: ги бркал сопругата и ќерката од дома

На  14.05 2026 во 20:40 часот во Берово, полициски службеници од ОВР Берово го лишија од слобода Д.К.(47) од Берово, по претходна пријава дека истиот ден бил во семејниот дом и истовремено барал да си заминат од домот неговата 48-годишна сопруга и нивната ќерка, со што го прекршил Решението издадено од Основен суд Берово.За настанот е известен јавен обвинител од Основното јавно обвинителство Берово. По целосно документирање на случајот ќе следува соодветна пријава.

Македонија | пред 4 дена

Малолетници запалиле летниковец во парк шумата Гази Баба, граѓани го изгасиле

На 15.05.2026 во 19:50 часот во СВР Скопје е пријавено дека во парк шума на подрачјето на Гази Баба, од страна на двајца малолетници бил опожарен дел од летниковец.Повредени лица нема, а пожарот бил локализиран од граѓани.Извршен бил увид од увидна екипа и се преземаат мерки за расчистување на случајот.

Скопје | пред 4 дена

Семејна драма во домот „Ранка Милановиќ“: По расправија со татко му, го полил ходникот со бензин и се заканувал

На 16.05.2026 во 00:15 часот во Скопје, на подрачјето на Гази Баба, полициски службеници од СВР Скопје го лишија од слобода М.Х.(24), по претходна пријава дека на 15.05.2026 околу 22:30 часот во домот „Ранка Милановиќ“ во Скопје, по претходна расправија со неговиот татко, со запалива течност го полил ходникот од објектот ѝ му упатувал закани.По целосно документирање на случајот ќе следува соодветен поднесок.

Скопје | пред 4 дена

Хигиеничар во училиште психички малтретирал деца и ги снимал со телефон

Надворешната канцеларија за криминалистички работи Берово поднесе кривична пријава против М.К.(53) од беровско поради постоење основи на сомнение за сторено кривичното дело „насилство врз дете“.Во периодот од 03.02.2026 до 10.02.2026, пријавениот, вработен како хигиеничар во основно училиште во истото село, извршил психичко насилство над тројца ученици и ги снимал со неговиот мобилен телефон.

Македонија | пред 4 дена

Се заканувал со пиштол, па бегал од полиција и ја скршил рампата на Глумово: кривична пријава за скопјанец

СВР Тетово поднесе кривична пријава против О.Ф.(29) од Скопје поради постоење основи на сомнение за сторени кривични дела „загрозување со опасно орудие при тепачка или караница“ и „предизвикување на општа опасност“.На 22.11.2025 на излез од с. Боговиње, тетовско, пријавениот му го пресекол патот на Н.И.(31) од с. Боговиње, тетовско, додека се движел со своето патничко возило, при што му упатувал закани со огнено оружје.После тоа, продолжил на автопатот, не застанал на знак за запирање од полициски службеници и скршил рампа на наплатната станица Глумово.

Македонија | пред 4 дена

Рајт: Ормутскиот теснец ќе станува сè помалку важен за транспортот на нафта

Американскиот министер за енергетика Крис Рајт изјави дека значењето на Ормутскиот теснец за транспортот на нафта постепено ќе се намалува, бидејќи сè повеќе земји од регионот ги зголемуваат капацитетите на своите нафтоводи.Тој додаде дека Иран повеќе нема да може да ја користи својата контрола над теснецот како средство за притисок.Рајт оцени дека актуелната енергетска криза ќе биде привремена и порача дека од Иран зависи кога таа ќе заврши.Во интервју за CNBC, Рајт изјави дека Кина во иднина ќе стане поголем купувач на американска нафта, по разговорите меѓу американскиот претседател Доналд Трамп и кинескиот претседател Си Џинпинг.Според него, зголемените купувања на американска нафта би можеле да придонесат за поголем економски раст.Тој нагласи и дека Соединетите Американски Држави не сакаат да преземаат мерки што би довеле до намалување на производството на нафта и гас и додаде дека земјата ќе продолжи со извозот на дизел.

Свет | пред 4 дена

Вучиќ за случајот со Баја: Знаеме дека лицето е застрелано, таа приказна „нема тело нема дело“ е имбецилна

Телото на Александар Нешковиќ – Баја не е пронајдено, рече предмалку претседателот на Србија Александар Вучиќ. Во врска со неговото исчезнување е уапсен шефот на белградската полиција Веселин Милиќ, кој е отстранет од позицијата и доби 30-дневен притвор.„Ги молам новинарите да не излегуваат во јавноста со непроверени информации. Неколку медиуми објавија дека е пронајдено телото на убиениот човек. И знаеме дека лицето е застрелано, ништо не може да се скрие со перење на чаршафите или подот, технологијата напредна се појавуваат флуоресцентни траги, ништо не успеале да скријат. Таа приказна „нема тело нема дело“ е имбецилна. И по тоа прашање се однесувавме многу професионално и одговорно, не подлегнувајќи на притисокот од оние кои имаат лични причини да зборуваат лошо за претходниот началник на белградската полиција, рече Вучиќ.Зборувајќи за настанот што ја вознемири српската јавност во Сењак, тој додаде:-Сè уште не сме го пронашле телото, потрагата е интензивна, цели единици пребаруваат. Мислиме дека ја познаваме областа, а огромен број луѓе се ангажирани.Според досега објавеното во српките медиуми, во вторникот на 12 мај годинава, началникот Милиќ повикал двајца криминалци на средба во ресторан, наводно за да ги смири бидејќи тие имале претходни меѓусебни недоразбирања. Но, едниот од нив, пред очите на Милиќ, извадил пиштол, го убил вториот криминалец, а потоа луѓето од обезбедувањето на началникот, помогнале телото да се извади од ресторанот, го запалиле покрај автопат и се ослободиле од снимките од камерите во ресторанот.Според извори од Министерството за внатрешни работи, Веселин Милиќ на 12 мај договорил средба во ресторан во Сењак за двајца криминалци – Александар Нешовиќ – Баја и Саша Вуковиќ-Боске. Средбата била „за да ги поправат нивните нарушени односи“.Милиќ наводно го чекал Нешовиќ во ресторанот заедно со Вуковиќ. Кога пристигнал Нешовиќ, набрзо избувнала вербална расправија меѓу двајцата. Саша Вуковиќ испукал неколку куршуми кон Нешовиќ пред очите на Милиќ. Според „Данас“, членовите на обезбедувањето на Милиќ, кои се полицајци, му помогнале на Вуковиќ да го однесе онесвестениот Нешовиќ. Исчезнувањето на Нешовиќ го пријавила неговата сопруга, која изјавила дека тој отишол во ресторанот.Според „Данас“ двајца од тројцата полицајци што го обезбедувале Веселин Милиќ, заедно со Вуковиќ, го извадиле телото од ресторанот и го фрлиле покрај автопатот кај Шимановац, каде што го запалиле, додека Милиќ и друг полицаец останале во ресторанот за да отстранат траги и видео снимки од безбедносните камери. Уапсен е и келнерот од ресторанот.По Вучиќ, во врска со инцидентот во Сењак, изјава денеска даде и директорот на полицијата, Драган Васиљевиќ.-Во врска со инцидентот во Сењак, распореден е максимален полициски капацитет, од моментот кога лицето е пријавено како исчезнато. Полицијата ги собира и ги обезбедува сите докази од местото на настанот и други точки што ни се сомнителни. Станува збор за сомневање дека се извршени неколку сериозни кривични дела. Полицијата спроведува ефикасна истрага. Нема заштитени лица и нема да има. Тоа ќе го покажеме во акција. Вкупно се приведени 10 лица. Меѓу нив се и четворица полицајци. Во тек е интензивна потрага за пронаоѓање на телото, доколку се докаже и покаже дека лицето е лишено од живот, рече Васиљевиќ.Тој додаде дека повеќе од 200 припадници на полицијата работат на решавање на овој случај.-Се надеваме дека во наредните часови ќе имаме повеќе информации за ова. Апелирам и го повторувам она што го кажа претседателот, да почекате додека не добиете информации од Министерството за внатрешни работи или од обвинителството, истакна Васиљевиќ.

Свет | пред 4 дена

(Фото) Автобус се запали кај патарината во Велес, се издига густ црн чад

Автобус се запали во близина на патарината кај Велес, а на социјалните мрежи се шират снимки од големи пламени јазици и густ црн чад што се издига над местото на инцидентот.Засега нема официјални информации за повредени лица, ниту за причините за пожарот.

Македонија | пред 4 дена

Ѓорѓиевски: 850 метри голгота заминуваат во минатото, интензивно се работи на „Борис Трајковски“

Градоначалникот на Скопје, Орце Ѓорѓиевски преку социјалните мрежи информираше дека со силно темпо се работи на булеварот „Борис Трајковски“.„Кај мене зборот е збор. Денес, со искрено задоволство стојам на булеварот кој со децении беше закочен, заборавен и претворен во вистинска голгота за илјадници граѓани. Булевар по кој секое поминување значеше нервоза, гужви, прашина, небезбедност, оштетени возила и изгубено време.Ветив дека во мојот мандат ќе го довршиме.Но, само шест месеци од почетокот на мандатот, со силна волја, работа и посветеност, ги довршивме експропријациите, а за само две недели е пробиена речиси целата траса. Со тоа, конечно се отвора патот за реализација на овој долгоочекуван проект, кој премногу пати беше ветуван, а никогаш не беше завршен.Паралелно, на овој потег се изведува и комплетната фаза од хидротехниката, односно 610 метри атмосферска канализација со цевки Ф800, Ф600, Ф500, Ф400 и Ф300. Работиме темелно, од основа, затоа што Скопје заслужува решенија кои ќе траат.Оние 850 метри голгота, од трафостаницата во Пинтија до кружниот тек во Драчево, конечно заминуваат во минатото. На нивно место ќе никне современ булевар со четири коловозни ленти и безбедна пешачко-велосипедска патека“, напиша Ѓорѓиевски.

Скопје | пред 4 дена

Пронајдени кокаин и метамфетамин во стан во Тетово, обвинителството бара притвор

Основното јавно обвинителство Тетово донесе Наредба за спроведување истражна постапка против едно лице за кое постои основано сомнение дека вршело кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.При претрес во домот на улица “Илинденска” во Тетово, во кој осомничениот живеел како потстанар, полицијата пронашла вкупно околу 44 грама кокаин и околу 3 грама метамфетамин. Дрогата била спакувана во повеќе помали пакувања и наменета за илегална продажба, а во станот била пронајдена и дигитална вага со траги од наркотици.Поради околности кои укажуваат на опасност од бегство, можност за влијание врз сведоците и ризик осомничениот да продолжи да го врши кривичното дело, јавниот обвинител до судијата на претходна постапка од тетовскиот суд достави предлог за определување мерка притвор.

Македонија | пред 4 дена

Продолжен притворот на скопјанецот кој брутално ја истепа поранешната партнерка во Кисела Вода

Основното јавно обвинителство Скопје поведе постапка и предложи мерка притвор против 45-годишник осомничен за кривично дело – Телесна повреда според член 130 став 2 во врска со став 1 од Кривичниот законик.Осомничен е дека вршел семејно насилство во Кисела Вода при што телесно ја повредил неговата поранешна партнерка.Ја извлекол на сила од домот во кој живеела жртвата, ја влечел и туркал до неговиот дом во близина, ја внел внатре и физички ја нападнал, удирајќи ја со шлаканици, клоци и со мобилен телефон. На жената и нанел телесни повреди – рани и хематоми по главата и телото.На осомничениот од страна на судија на претходна постапка претходно му биле определени мерки на претпазливост за насилство извршено кон неговата мајка и снаа за брат. Последниот настан укажува дека за кратко време тој ги повторува насилничките дејствија, односно манифестирал насилничко однесување и спрема неговата поранешна партнерка. Во исто време, постои ризик од бегство со цел да избегне кривична одговорност за сторените кривични дела, па јавниот обвинител сега од судот побара да определи најстрога мерка – притвор за осомничениот.

Скопје | пред 4 дена

Драма на аеродромот во Сплит: Авион излета од пистата при полетување

На аеродромот во Сплит денеска се случил инцидент при полетување на авион на Croatia Airlines, јавуваат хрватските медиуми.Според првичните информации, авионот требало да полета кон Франкфурт, но од засега непознати причини излетал од пистата и завршил на тревната површина покрај неа.Инцидентот се случил околу 13:30 часот за време на полетувањето, кога авионот „Ербас А220“ излетал од пистата и удрил во вертикален маркер и рабни делови покрај пистата.Во авионот имало 130 патници и пет членови на екипажот. Од аеродромот и авиокомпанијата соопштија дека сите патници и членови на екипажот биле безбедно евакуирани и никој не е повреден.„Посадата постапила согласно безбедносните процедури и го запрела авионот“, соопштија од Croatia Airlines.Патниците биле префрлени во терминалната зграда, каде што им е обезбедена поддршка за продолжување на патувањето.Од аеродромот во Сплит информираа дека соработуваат со надлежните воздухопловни служби и агенциите за истрага на несреќи, а причините за инцидентот дополнително ќе се утврдуваат.

Свет | пред 4 дена

СДСМ: Малцинствата се Македонски граѓани, Мицкоски ве лаже! 

Малцинствата се Македонски граѓани! Ние преговараме со ЕУ.  Мицкоски ве лаже!Малцинствата не се туѓинци. Малцинствата се наши комшии, наши пријатели, наши другари, колеги, роднини и брачни партнери, велат од СДСМ.„Малцинствата се Албанци, Срби, Роми, Хрвати, Бугари, Бошњаци, Турци, Власи… сите тие се македонски државјани.Прашањето за малцинствата не е бугарско прашање. Тоа е европско прашање. Ние преговараме со Европската Унија, а не со Бугарија. Прашањето за малцинствата е европско прашање. Организирана Криминална Група ВМРО призна дека јазикот, културата и националниот идентитет се заштитени!Со внесување на Бугарите, покрај останатите малцинства во Уставот, се зајакнува македонскиот идентитет. Тогаш е јасно дека Бугарите се малцинство во Македонија, како што Македонците се малцинство во Бугарија.Тоа е признание на две држави и нивните народи!Без малцинства во Уставот нема европска реформска агенда. Нема понатаму. Стоиме во место.Мицкоски може да лаже и да ветува дека до 1. Јуни ќе ги исполни сите 10 точки.Без оваа точка, нема поместување. Малцинства во Уставот веднаш“, се вели во соопштението.

Македонија | пред 4 дена

Градоначалникот на Сплит најави забрана за продажба на алкохол по 21 часот

Градоначалникот на Сплит, Томислав Шута, најави забрана за продажба на алкохолни пијалаци од 21 часот до 6 часот наутро на територијата на градот, со цел да се зголеми безбедноста на граѓаните и да се заштитат јавниот ред и мир.Како што наведе, за законските измени што ги побарал Град Сплит следната недела ќе расправа хрватскиот парламент.„Според предлогот за измени и дополнувања на Законот за трговија ќе биде воведена забрана за продажба на алкохол од 21 часот до шест часот наутро, што значи дека секој град и општина ќе има право да донесе таква одлука. Ние тој предлог ќе го испратиме на јавна расправа, а потоа и до Градскиот совет“, изјави Шута, пренесува Index.hr.Според него, целта на мерките е зголемување на сигурноста на граѓаните, заштита на јавниот ред и мир, како и подобрување на квалитетот на живот во градските населби.„Тоа ќе биде голем исчекор за Сплит, а гледаме дека и другите градови ќе постапат слично“, рече Шута.Тој додаде дека во центарот на Сплит во последните години има голем број продавници за алкохолни пијалаци, што според него е несоодветно.

Свет | пред 4 дена

(Видео) По видеото од прославата на Вардар, Борко Ристовски бара извинување и најавува казни

По вчерашното видео на кое фудбалерите на Вардар славеа со навредлива и вулгарна песна денеска се огласи и Министерството за спорт од каде што се најавени санкции.„Во однос на синоќешните видеоснимки кои се појавија од прославата на ФК Вардар, како Министерство, но и од мое лично име како министер за спорт, сакаме да ја известиме македонската јавност дека недвосмислено го осудуваме ваквиот тип прослави, кои вклучуваат навреди по која било основа, особено доколку во нив се вклучени спортски работници, играчи, селектори и лица од јавниот живот.Слични случувања имаше и минатата недела во Кавадарци, со политички конотации и навреди кон спортски институции, меѓу кои и ФФМ, а истото сега повторно се повторува.Министерството за спорт најостро ги осудува ваквите провокации и јавно бара чинителите да и се извинат на македонската јавност. Воедно апелираме вакви случувања во иднина да не се повторуваат, затоа што Министерството за спорт ќе изнајде начин секој ваков настан соодветно да биде санкциониран.Ги разбираме ривалствата меѓу екипите, но не треба да се заборави дека спортот се игра за публиката и дека сите чинители имаат одговорност кон јавноста и општеството“, стои во реакцијата.

Настани | пред 4 дена

(Видео) Вардар во кафеана славеше титула: Се пееше вулгарна песна за Битола

Фудбалерите на ФК Вардар вчера ја обезбедија шампионската титула, откако со 1-0 ја совладаа ФК Струга на едно коло пред крајот на првенството.Со тоа, дербито против ФК Шкендија следниот викенд во Скопје нема да има поголемо резултатско значење.По победата, фудбалерите на Вардар славеа во кафеана, а на социјалните мрежи се појави видео на кое пеат вулгарна навивачка песна упатена кон Битола.Снимката брзо почна да се споделува на интернет и предизвика бројни реакции кај јавноста и навивачите.

Спорт | пред 4 дена

Авионска несреќа во Германија: Летало се урна во станбена зона, загинаа две лица

Две лица загинаа кога мал авион се урна во станбена зона во германскиот град Лимбургерхоф, јужно од Манхајм. Според медиумските извештаи, леталото експлодирало во воздух, а делови паднале врз куќите кои биле во близина.Портпаролот на полицијата Торстен Мишлер изјави дека според досегашната истрага, двајцата патници во авионот загинале во несреќата, пренесува „Билд“.Според германските медиуми, уште едно лице е повредено, додека бројни делови од леталото паднале во станбената зона по експлозијата на авионот во воздух.Несреќата се случила околу 11:30 часот, а сведоци изјавиле дека авионот пред падот закачил една куќа.Полицијата соопшти дека на терен се ангажирани бројни екипи на итните служби и дека подрачјето околу местото на несреќата е обезбедено.Причината за падот на леталото засега не е позната, а истрагата е во тек.

Свет | пред 4 дена

ВМРО-ДПМНЕ: „Мастеф“ добивала милионски тендери од општини под СДСМ

ВМРО-ДПМНЕ обвини дека фирмата „Мастеф“ во периодот од 2018 до 2021 година добивала милионски тендери од скопски општини раководени од кадри на СДСМ.Од партијата реагираат по обвинувањата на СДСМ, наведувајќи дека јавноста треба да ги знае сите факти поврзани со компанијата.Според ВМРО-ДПМНЕ, „Мастеф“ во тој период добила повеќе тендери од општините Карпош, Аеродром и Кисела Вода.Партијата тврди дека во 2018 година фирмата добила седум тендери од Општина Карпош во вредност од над 9,5 милиони денари, додека во 2019 година добила пет тендери од Карпош и Аеродром во вредност од над 10 милиони денари.Во 2020 година, според ВМРО-ДПМНЕ, „Мастеф“ добила осум тендери од Карпош, Аеродром и Кисела Вода во вредност од над 50 милиони денари, а во 2021 година уште шест тендери во вредност од околу 47 милиони денари.Од партијата наведуваат дека сите јавни набавки за кои се зборува биле спроведени согласно закон и дека биле избрани најповолните понуди.

Македонија | пред 4 дена

Посебен режим на сообраќај во недела во Скопје

Во недела, 17 мај, во Скопје ќе се одржи 14. издание на спортско-рекреативниот настан „Прв до врв“, поради што ќе биде воведен посебен режим на сообраќај, информираат од Министерството за внатрешни работи.Во рамки на настанот, велосипедската трка ќе стартува во 9:45 часот пред Музејот на град Скопје, а учесниците ќе се движат по улиците „Св. Кирил и Методиј“, булеварите „Св. Климент Охридски“ и „Мајка Тереза“, потоа по улицата „Тодор Александров“ кон Средно Водно и Милениумскиот крст.Планинарската тура ќе започне во 10 часот пред ООУ „Кочо Рацин“, по што учесниците ќе се движат кон Водно по планинска патека.Од СВР Скопје најавуваат дека сообраќајот на дел од трасата ќе биде пренасочуван по околните улици.Од МВР апелираат граѓаните да ги почитуваат насоките на полициските службеници со цел безбедно одвивање на настанот.

Некатегоризирани | пред 4 дена

Битолчанец осомничен за обид за разбојништво во кредитна канцеларија

Секторот за внатрешни работи Битола поднесе кривична пријава против 36-годишниот М.Ѓ. од Битола поради сомнение за сторено кривично дело „разбојништво во обид“.Како што информира Министерството за внатрешни работи, осомничениот бил лишен од слобода на 16 мај околу 1 часот по полноќ, а при претрес во неговиот дом, извршен со судска наредба, бил пронајден и одземен пиштол.Според пријавата, тој на 30 април околу 18:10 часот се обидел да изврши разбојништво во канцеларија за кредитирање на улицата „Столарска“ во Битола, заканувајќи се со огнено оружје.Од МВР велат дека осомничениот не успеал во намерата и избегал од местото на настанот.

Македонија | пред 4 дена