Сиљановска-Давкова до Филипче: „Никогаш не сум паднала на испит“

Претседателката Гордана Сиљановска-Давкова му возврати на лидерот на СДСМ, Венко Филипче, откако тој оцени дека таа „паднала на испит“ во Словенија и дека со своите ставови ја слабее македонската позиција во евроинтеграциите.На новинарско прашање како ги коментира тие изјави, Сиљановска-Давкова рече дека никогаш во животот не паднала на испит.„Не знам дали да коментирам вакви изјави. Никогаш не сум паднала на испит, ни на факултет, а во Словенија докторскиот испит сум го положила со одлика. Значи, со највисок успех“, изјави претседателката.Таа посочи дека во Словенија говорела на научен јазик и дека темата била уставниот инженеринг, при што Македонија била студија на случај.„Пред мене беа сите членови на мојата докторска комисија, иако се тоа луѓе со многу години, моите колеги исто така, амбасадори, јас говорев на научен јазик, говорев за уставниот инженеринг којшто не е нов феномен, којшто е стар феномен, меѓутоа студијата на случај се разбира беше мојата земја“, рече Сиљановска-Давкова.Претседателката нагласи дека секогаш ги бранела националните интереси и дека не се чувствува инфериорно во однос на другите држави.„Никогаш и никаде јас не сум ја претставила државата на начин каков што не доликува, секогаш сум ги бранела националните интереси, преку политика заснована на докази, никаде не се чувствувам инфериорно“, кажа таа.Додаде дека нејзината заложба е Македонија да биде третирана еднакво како и останатите држави во Европа.„Она што го посакувам е да бидеме третирани како сите други држави“, изјави Сиљановска-Давкова.Во однос на Европската унија, претседателката рече дека често потсетува на основните европски принципи и вредности.„Уставното право е мојата страст. Европската унија нема кодифициран устав, но има уставни документи, јас сум предавала и европско уставно право и се разбира дека повикувам на основните принципи и вредности коишто се толку важни за Европската унија, што за нив има и судска заштита“, рече таа.

Македонија | пред 4 часа

Филипче: Мицкоски да не го користи нон-пејперот на Мерц како алиби за неисплнување на реформите

Мицкоски да не го користи нон-пејперот на германскиот канцелар Фридирх Мерц,  како алиби за неисполнување на реформите, нагласи претседателот на СДСМ, д-р Венко Филипче, попладнево на прес-конференција.Филипче порача дека последните сигнали од Европската Унија уште еднаш потврдуваат дека постои политичка волја за проширување, но предупреди дека Владата не смее да бара нови изговори за застој на евроинтегративниот процес.„Денеска видовме уште еден сигнал дека постои волја за проширување во Европската унија, тоа е нон- пејперот од германскиот канцелар Мерц. Иако има луѓе кои што не се согласуваат со тоа, а  тоа е постепено членство, учество во институциите на Европската Унија, и тоа не е дефинитивен документ кој што е усвоен од Европската Унија и очигледно нема да биде усвоен затоа што има несогласување. Апелирам премиерот Христијан Мицкоски да не го користи овој нон- пејпер како дополнително алиби и изговор да не се направат следните чекори, кои што како што сите укажуваат, не може да бидат променети“, рече Филипче.На прес-конференцијата, Филипче порача дека СДСМ е подготвен да ја сподели одговорноста за спроведување на уставните измени и за целиот понатамошен тек на преговорите со Европската Унија.„Ја споделуваме одговорноста Социјалдемократскиот сојуз на Македонија и јас лично, целокупната коалиција која што СДСМ ја предводи, да ги направиме уставните измени и после тоа да седиме заедно на маса, додека траат преговорите, додека се отвораат и затвораат преговорите по поглавјата“, порача Филипче.

Македонија | пред 4 часа

Филипче: Скандал е да протекувањето информации, и Стоилковиќ е соработник на српските служби и „Ноќните волци“ на Путин, тоа е концептот на власта

Во одговор на новинарско прашање претседателот на СДСМ, д-р Венко Филипче денеска рече дека протекувањето информации од кабинетот на Сиљановска е скандал кој мора да се расчисти и да има одговорност, потенцирајќи дека не е изненаден затоа што има и вицепремиер кој е соработник на српските служби.„Тоа е скандал којшто треба да се расчисти. Да има такво протекување на информации како што пишува во медиумите од земја членка на НАТО е најмалку на ниво на скандал и тука луѓе треба да преземат одговорност вклучувајќи ја и претседателката. Но, тоа мене не ме изненадува. Ние имаме вицепремиер, соработник на српските служби Стоилковиќ, кој има комуникација со „Ноќните волци“,блиски на Путин. Тој на дневна основа вади информации надвор од земјава. Така да се е тоа ова владеење, се е тоа концептот на оваа власт.“ рече претседателот на СДСМ, Венко Филипче.

Македонија | пред 4 часа

Филипче: Мицкоски да не ја ризикува иднината на младите, заедно да ја преземеме одговорноста за уставните измени

Претседателот на СДСМ, Венко Филипче, го повика Христијан Мицкоски на заедничко преземање на одговорноста за уставните измени, заради иднината на младите и државата.„Апелирам до премиерот Христијан Мицкоски заеднички ја преземеме одговорноста и ја споделуваме одговорноста за спроведување на уставните измени и понатаму за текот на преговори и за каков било предизвик со којшто ќе се соочиме. Да не го испуштиме моментот. Ќе останеме надвор од сите процеси. Ќе останеме слепо црево на Балканот. Ќе останеме без буџети. Нема да имаме од што да преживееме овде во државата. Младите сите ќе заминат оттука ако запре овој процес вака“, рече Филипче.Филипе нагласи дека сите политички чинители треба заеднички да работат на процесот на евроинтеграции и додаде дека не постои ризик за македонскиот идентитет.„Не постои ризик по ниту една идентитетска одредница. Доколку сега го пропуштиме овој воз, ја пропуштиме оваа можност. Апелирам да му кажеме на претседателот на Европскиот совет, Антонио Кошта, дека ќе го направиме следниот чекор, дека ќе ги направиме уставните измени, имајќи предвид дека пред една година, кога претседателот Кошта беше тука и јасно кажа, не постои план Б“, потенцираше Филипче.Филипе повика државата да испрати јасна порака до европските институции дека ќе ги направи сите потребни чекори за да продолжи европскиот пат.„Денеска видовме уште еден сигнал којшто е сигнал дека постои волја за проширување во Европската унија. Тоа е ноун пејперот од германскиот канцелар Мерц. Апелирам премиерот Христијан Мицковски да не го користи овој ноун пејпер како дополнително алиби и изговор да не се направат следните чекори коишто како што сите укажуваат, не може да бидат променети. Ја споделуваме одговорноста. Да ги направиме уставните измени и после тоа седиме заедно на маса, додека траат преговорите, додека се отвораат и затвораат преговорите по поглавјата“, рече Филипче.

Македонија | пред 4 часа

Филипче: ЕУ отвора врата за проширувањето, не смееме да ја пропуштиме оваа шанса

Европската Унија ја отвора вратата за проширувањето и оваа шанса не смее да биде пропуштена, порача претседателот на СДСМ, д-р Венко Филипче, попладнево на прес-конференција. Филипче посочи дека актуелниот геополитички момент претставува една од најважните можности за државата да го продолжи европскиот пат и да стане дел од процесот на новото проширување на Европската Унија.Воедно, Филипче потенцираше дека посетата на претседателот на Европскиот Совет, Антонио Кошта во Македонија, која ќе се реализира непосредно пред самитот за Западен Балкан во Подгорица, е уште еден сигнал дека проширувањето повторно е високо на агендата на Унијата.„Апелирам да му кажаме на претседателот на Европскиот Совет, Антонио Кошта, дека ќе го направиме следниот чекор, дека ќе ги направиме уставните измени, имајќи предвид дека пред една година, кога претседателот Кошта беше тука и јасно кажа, не постои план Б, постои само еден план А, а тој план е преговарачка рамка која што е веќе усвоена од сите земји членки на Европската унија“, порача Филипче.Тој додаде дека ова е еден од пресудните временски периоди во кои што проширувањето на Европската Унија е високо на приоритетната листа.„Очигледно е дека по повеќе параметри станува збор за еден од пресудните временски периоди во кои што проширувањето на Европската Унија дефинитивно и со конкретни чекори е високо на приоритетната листа на Унијата. мено, веќе се разговара за конкретни модели почеток на процеси кои што ќе значат придружување на Украина, на Молдавија, понатаму активирање на повторно иницирање на референдумот во Исланд за да се продолжат преговорите“, изјави Филипче.Во своето обраќање, Филипче посочи дека и земјите од Западен Балкан веќе прават сериозни исчекори во евроинтегративниот процес и предупреди дека Македонија не смее да остане надвор од пакетот за прием.„Веќе е формирана комисија која што го пишува пристапниот договор за Црна Гора, напредокот на Албанија. Веќе се разговара за буџетирањето во Европската Унија и тоа се периоди од седум години. Ако не влеземе во овој план на Европската унија, тогаш вратите очигледно е дека ќе бидат затворени“, рече Филипче.

Македонија | пред 4 часа

Сиљановска-Давкова за наводите за шпионажа: „Малку сум збунета од објавите на обвинителството“

Претседателката Гордана Сиљановска-Давкова одби да ја коментира квалификацијата „шпионска афера“ поврзана со сомнежите за недозволени активности во нејзиниот кабинет, за кои Обвинителството за гонење организиран криминал и корупција води предистражна постапка.Одговарајќи на новинарско прашање, таа порача дека во оваа фаза од постапката треба „малку да се зборува, а многу да се работи“.„Прво, квалификацијата шпионска афера и слично, не сакам да ја коментирам. Второ, видете, кога зборуваме за предистражна постапка, јас нема да ги заборавам зборовите на мојот професор Никола Матовски, професор по кривична постапка, тој велеше дека во предистражната постапка малку се зборува, многу се работи, односно се собираат информации“, рече Сиљановска-Давкова.Таа посочи дека ја почитува поделбата на власта и дека не сака да ги толкува постапките на другите институции, но изрази недоумица од јавните настапи на обвинителството.„Јас никогаш не ги толкувам постапките на другите органи, ја почитувам поделбата на власта, но не можам да не кажам дека малку сум збунета со одговорите на новинарските прашања или со објавите кои доаѓаат токму од Oбвинителството за гонење организиран криминал, во коишто се објаснува нивната комуникација со Министерството за внатрешни работи“, изјави претседателката.Таа додаде дека не бега од одговори, но смета дека мора да се почитуваат правилата од Законот за кривична постапка.„Не, не бегам од изјави, меѓутоа мислам дека треба да се почитуваат одредбите од Законот за кривична постапка и во поглед на презумпцијата на невиност, но, како што реков, и во поглед на собирање на податоци и евентуално отворање на кривична постапка“, рече Сиљановска-Давкова.Претходно, ОЈО ГОКК потврди дека повеќе од пет месеци води предистражна постапка за сомнежи за недозволени активности поврзани со информатичкиот систем во Кабинетот на претседателката. Според обвинителството, постојат сомнежи дека доверливи електронски податоци биле неовластено преснимувани, а неофицијално се шпекулира дека дел од информациите можеле да завршат кај странски разузнавачки структури.

Македонија | пред 4 часа

Министерството за правда: Поголем дел од препораките на ОБСЕ/ОДИХР се прифатливи

Министерство за правда соопшти дека најголем дел од препораките на ОБСЕ/ОДИХР се прифатливи, откако денеска се одржала петтата седница на Работната група за реформи во изборното законодавство.На седницата биле разгледувани повеќе клучни прашања поврзани со усогласување на Изборниот законик со препораките на ОБСЕ/ОДИХР.Усвоен бил записникот од претходната седница, како и повеќе предлози за измени на одредби од Изборниот законик, додека за дел од прашањата била отворена дополнителна дискусија со цел обезбедување поширок консензус меѓу политичките партии и останатите учесници во процесот.Работната група заклучила дека на следната седница ќе продолжи разгледувањето на преостанатите отворени прашања, како и анализата на доставените предлози од парламентарните политички партии, независните пратеници, надлежните институции и граѓанскиот сектор.Воедно, бил упатен повик до сите учесници навремено да ги достават своите конкретни предлози и забелешки, со цел подготовка на усогласен текст на измените на Изборниот законик.Од Министерството за правда посочуваат дека работната група продолжува со активности насочени кон унапредување на изборната регулатива и зајакнување на демократските изборни стандарди, при што наскоро се очекува и законско решение.

Македонија | пред 5 часа

Јужна Кореја тестира руска арктичка рута како алтернатива на Суецкиот канал

Јужна Кореја направи важен чекор кон вклучување во арктичкиот поморски транспорт, откако прелиминарно ја избра бродската компанија Panstar Line за првото пробно контејнерско патување преку руската Северна морска рута.Проектот го водат Корејската океанска бизнис корпорација и Корејската бродска асоцијација, а целта е тестирање на можноста за редовен контејнерски сообраќај меѓу Азија и Европа преку Арктикот.Планираната рута предвидува испловување од Бусан, минување низ рускиот Арктик, запирање во Тромсе во Норвешка, продолжување кон Ротердам и враќање назад по истата траса.Проектот е дел од пошироката стратегија на Сеул за развој на Бусан во иден арктички логистички центар и намалување на зависноста од класичните трговски рути преку Суецкиот канал.Јужнокорејските власти посочуваат дека нестабилноста на Блискиот Исток и нарушувањата во глобалните синџири на снабдување дополнително го зголемиле интересот за алтернативни поморски коридори.Според планот, бродот што ќе се користи мора да има сертификат за пловидба во ледени услови и да ги исполнува стандардите на IMO Polar Code. Поради процедурите и сертификацијата, првото патување најверојатно ќе започне во септември.Проектот ќе бара и соработка со Русија, која ги контролира дозволите за минување низ поголемиот дел од Северната морска рута, а официјалните разговори со Москва се очекуваат во втората половина на 2026 година.

Свет | пред 5 часа

OpenAI подготвува излегување на берза, вредноста се проценува на 852 милијарди долари

OpenAI подготвува доверливо поднесување за почетна јавна понуда (IPO) во САД, објави Ројтерс, повикувајќи се на извори запознаени со плановите на компанијата.Компанијата, позната по развојот на четботот ChatGPT, би можела да излезе на американската берза веќе во септември, а според најновите проценки нејзината вредност достигнува околу 852 милијарди долари.Според информациите, OpenAI соработува со Голдман Сакс и Морган Стенли на подготовка на проспектот за IPO, кој наскоро треба да биде доставен до американските регулатори.Ројтерс наведува дека плановите за излегување на берза доаѓаат откако компанијата ја спречила тужбата на милијардерот Илон Маск, во период кога и SpaceX се очекува да поднесе документи за сопствено IPO.Компанијата, предводена од Сам Алтман, според проценките би можела да достигне пазарна вредност од еден трилион долари и да обезбеди најмалку 60 милијарди долари свеж капитал преку излегувањето на берза.OpenAI претходно оваа година обезбеди 122 милијарди долари финансирање, што се смета за една од најголемите инвестициски рунди во историјата на Silicon Valley.

Магазин | пред 5 часа

Нови Сад вложува во велосипедски сообраќај и едукација на младите

Во Нови Сад денеска започна кампањата „Дали ме гледаш? – Безбедно на две тркала“, посветена на подобрување на безбедноста на велосипедистите и развивање безбедни навики кај младите.Кампањата, организирана од Агенцијата за безбедност во сообраќајот во соработка со градските власти, стартуваше на Плоштадот на слободата во центарот на градот и ќе трае шест месеци.В.д. директорот на Агенцијата, Бранко Стаматовиќ, изјави дека Нови Сад е град кој најмногу вложува во велосипедскиот сообраќај и има најголем број велосипедисти, поради што е особено важно развивањето култура за безбедно возење.Тој нагласи дека велосипедистите се директно изложени на опасности во сообраќајот и апелираше за користење заштитни кациги и рефлектирачка опрема, особено при намалена видливост.Градоначалникот Жарко Миќин посочи дека акцијата е насочена кон децата и нивната едукација за безбедно учество во сообраќајот, додавајќи дека ќе се работи и на подобрување на пешачките премини во близина на училиштата.Во рамки на настанот беа организирани едукативни и спортски активности, како и полигони за вежбање наменети за ученици од основните училишта.

Балкан | пред 5 часа

(Видео) Се урна зграда во Мароко: Најмалку 11 лица загинале, а шестмина се повредени

Најмалку 11 лица загинале, а шестмина се повредени откако четирикатна зграда се урнала во текот на ноќта во Фез, во Мароко, околу 200 километри источно од главниот град Рабат.Според властите, потрагата по останатите станари кои се заробени под урнатините сè уште трае. На социјалните мрежи се појавија снимки на кои се гледа како спасувачките екипи и локалните жители расчистуваат шут во обид да стигнат до затрупаните.Во тек е истрага за причините за несреќата, а властите ги повикале жителите од соседните објекти да се евакуираат поради опасност од дополнително уривање.

Свет | пред 5 часа

(Видео) Голем пожар на реката Сава во Белград: Пламен зафати три сплава

Голем пожар избувнал денеска на реката Сава во Белград, спроти Блок 45 на Нов Белград, откако се запалил еден сплав, а огнот брзо се проширил и на уште два соседни објекти.На снимките објавени на социјалните мрежи се гледа густ чад кој се издига над реката, додека пламенот се шири долж брегот.Засега нема информации за повредени лица, ниту за причините за избувнувањето на пожарот.Се очекува интервенција на противпожарните екипи и дополнителни информации од надлежните служби.

Балкан | пред 5 часа

Јаневска: Интензивно се спроведуваат реформите во образованието и науката

Министерство за образование и наука денеска информираше дека продолжува интензивната трансформација на образовниот и научно-истражувачкиот систем во насока на усогласување со европските стандарди, подобрување на квалитетот и јакнење на институционалната поставеност.На 18. состанок на Секторската работна група за образование, вработување и социјална политика, министерката Весна Јаневска истакна дека приоритет се реформите кои произлегуваат од Реформската агенда 2024-2027, Планот за раст на Европска Унија за Западен Балкан и стратешките приоритети на Владата во областа на човечкиот капитал.„Продолживме со инвестициите во модернизација на образованието, дигитализација и подобрување на инфраструктурата, како и со зголемување на инклузивноста и поддршката на наставниот кадар“, изјави Јаневска.Според неа, новата законска рамка за високото образование и научно-истражувачката дејност треба да обезбеди повисоки стандарди, интернационализација и поголема видливост на македонските универзитети и научни институции.Министерката посочи дека трите нови закони – за високото образование, за обезбедување и унапредување на квалитетот во високото образование и за научно-истражувачката дејност – се подготвени низ инклузивен процес и наскоро ќе се најдат пред пратениците.Дополнително, Министерството работи и на отворање на првиот државен Научно-технолошки парк, како и на нов закон за Националната агенција за програмите Еразмус+.Во тек е и подготовка на нов Закон за средно образование, со фокус на јакнење на стручното образование и дуалниот модел, во кој активно учествуваат повеќе од 800 компании. Наскоро се очекува одлука и за формирање на осмиот регионален центар за стручно образование и обука.Од март годинава, платите на вработените во училиштата се зголемени за дополнителни 7,5 проценти, со што кумулативното зголемување во последните две години надминува 20 проценти.Во делот на инфраструктурата, активни се околу 50 инвестиции вредни над 60 милиони евра, а 160 училишта се опремени со безбедна безжична мрежа и модерна ИТ-опрема.На состанокот било оценето дека реформите во образованието и науката се дел од поширок процес на европска интеграција, институционална модернизација и создавање поквалитетен систем за идните генерации.

Македонија | пред 5 часа

ФЗО најавува нови реформи и развој на здравствениот систем

Фондот за здравствено осигурување на Македонија најави продолжување на реформите и унапредување на здравствениот систем, откако генералниот директор Сашо Клековски доби четиригодишен мандат на чело на институцијата.На денешниот брифинг со медиумите, Клековски се заблагодари за укажаната доверба, нагласувајќи дека претстои период на интензивна работа, видливи реформи и понатамошен развој на здравствениот систем.Воедно, беа упатени честитки и до Седат Бислими, кој е именуван за нов заменик-директор на Фондот.На брифингот биле презентирани информации и показатели поврзани со работењето на Фондот, состојбите во здравствениот систем, одржливоста, продуктивноста и актуелните предизвици, а директорот одговарал и на новинарски прашања.Сашо Клековски упати благодарност до Владата, Министерството за здравство, Управниот одбор, вработените во Фондот, здравствените работници, осигурениците и медиумите за поддршката и професионалната соработка.„Со визија, со тим и со посветеност — продолжуваме напред“, порача Клековски.

Македонија | пред 5 часа

Четири пријави за семејно насилство за едно деноноќие, две лица уапсени

Министерство за внатрешни работи информира дека во последното деноноќие биле евидентирани четири случаи на семејно насилство, при што две лица биле лишени од слобода.Во Штип, полициски службеници од СВР Штип на 20 мај во 13:40 часот го лишиле од слобода К.Д.(33) од Штип, по пријава дека околу 03:00 часот, по расправија во семејниот дом, физички ја нападнал својата 32-годишна сопруга.Во Скопје, 38-годишен маж пријавил дека на 18 мај околу 17:00 часот во семејниот дом во населбата Драчево добивал закани од неговата 33-годишна сопруга.Во Тетово, полициски службеници од СВР Тетово го лишиле од слобода Ј.Д.(73), постапувајќи по пријава од неговата 66-годишна сопруга дека во семејниот дом ѝ се заканувал со остар предмет.Дополнително, во Гостивар, 36-годишна жена пријавила дека по претходна расправија нејзината свекрва се обидела да ја нападне со тврд предмет.Од МВР велат дека се преземаат мерки за расчистување на случаите и по нивното целосно документирање ќе бидат поднесени соодветни пријави.

Македонија | пред 5 часа

(Видео) Таксист удри пешак на пешачки премин кај „Жена парк“

Таксист удрил повозрасен маж на пешачки премин кај „Жена парк“ во центарот на Скопје.Според првичните информации, повредениот немал посериозни повреди, но веднаш по несреќата на местото пристигнала екипа на Брза помош, која била повикана од случаен минувач.Повредениот бил пренесен во Ургентниот центар во Клиничкиот центар „Мајка Тереза“ за дополнителни прегледи.На местото на несреќата има и полициски службеници кои вршат увид и ги утврдуваат околностите поради кои дошло до сообраќајката.

Настани | пред 5 часа

Сиљановска-Давкова: Односот кон лицата со попреченост е огледало на едно општество

Гордана Сиљановска-Давкова денеска присуствуваше на отворањето на Центарот за дневен престој за лица со попреченост и индивидуален третман „Во мојот свет“ во Ѓорче Петров.Во рамки на посетата, директорката на центрите за индивидуален третман, Ангела Чингоска, ја претстави мисијата и работата на Во мојот свет, по чија иницијатива е отворен центарот.Претседателката ги разгледа просториите опремени со современа и специјализирана опрема за унапредување на психомоторниот, сензорниот и социјалниот развој на децата.Поздравувајќи го отворањето на центарот, Гордана Сиљановска-Давкова порача дека односот кон лицата со попреченост е огледало на зрелоста, хуманоста и солидарноста на едно општество.„Да се влезе ‘Во мојот свет’, значи да се признае дека тој е и наш заеднички свет“, истакна Сиљановска-Давкова, изразувајќи очекување дека во иднина ќе се прошири мрежата на вакви дневни центри.Таа упати благодарност до Во мојот свет, до вработените, до градоначалникот за обезбедениот простор, до бугарскиот амбасадор за финансиската поддршка, како и до фондацијата „Механџиски“ и останатите општествено одговорни субјекти кои придонеле за реализација на проектот.Центарот е наменет за поддршка, социјализација и развој на животни вештини кај младите лица со попреченост преку индивидуализиран пристап, со посебен фокус на децата со аутистичен спектар и атипичен развој, како и на поддршката за нивните семејства.Лиценцираниот центар располага со капацитет за 24 млади лица на возраст од 14 до 26 години и за 20 деца до 14-годишна возраст, а претставува значаен чекор во развојот на инклузивните и социјалните услуги во заедницата.На крајот од посетата, Во мојот свет ѝ врачи благодарница на претседателката за поддршката на инклузивноста и унапредувањето на правата на лицата со попреченост.

Македонија | пред 5 часа

Град Скопје и НДИ потпишаа меморандум против корупцијата

Град Скопје и Националниот демократски институт денеска потпишаа Меморандум за соработка во рамки на проектот „Зајакнување на отпорноста на општините од корупцијата – Заедници со интегритет“, со цел унапредување на транспарентноста, интегритетот и отчетноста во локалната самоуправа.Меморандумот го потпишаа градоначалникот на Град Скопје и директорот на НДИ, Роберт Скот Хејзлет, а предвидува реализација на конкретни активности за навремено препознавање, намалување и спречување на ризиците од корупција во градската администрација.Со соработката, Град Скопје ќе добие експертска и техничка поддршка за унапредување на внатрешните процедури и механизмите за превенција од корупција, како и поддршка за јакнење на административните капацитети преку специјализирани обуки.Од Град Скопје посочуваат дека целта е создавање поефикасна, потранспарентна и поодговорна администрација, која навремено ќе ги препознава, спречува и пријавува коруптивните практики.Во рамки на меморандумот се предвидени и активности за зголемување на транспарентноста преку објавување јавни информации и податоци, како и дигитализација на услугите, со што ќе се подобри ефикасноста и достапноста на услугите за граѓаните и ќе се намалат коруптивните ризици.Соработката опфаќа и координација со општините, институциите, граѓанскиот сектор и медиумите, со цел воспоставување посилен систем на интегритет и одговорност на локално и национално ниво.Од Град Скопје упатија благодарност до Националниот демократски институт, како и до Швајцарија и Шведска за поддршката на проектот, посочувајќи дека остануваат посветени на градење чесна, модерна и отчетна локална самоуправа.

Скопје | пред 6 часа

Девојче почина од топлотен удар во Шпанија, таткото случајно го оставил во кола

Двегодишно девојче починало од топлотен удар во Шпанија откако било случајно оставено неколку часа во автомобил во градот Брион, во северозападниот дел на земјата.Според шпанските медиуми, таткото утрото го однел постарото дете на училиште и планирал помалата ќерка да ја остави во градинка, но по телефонски повик заминал директно на работа и заборавил дека девојчето е во возилото.Трагедијата била откриена околу 15 часот, кога мајката дошла во градинката по детето, а таму ѝ било кажано дека девојчето воопшто не било донесено.Родителите веднаш повикале Итна помош, а детето било пренесено во здравствена установа во блискиот град Бертамиранс, каде што била констатирана смрт.Полицијата отвори истрага за случајот, а на семејството му била обезбедена психолошка помош.Општината во Брион прогласи два дена жалост, а за петок е најавена минута молк во чест на девојчето.Трагедијата се случува во период кога Шпанија е погодена од силен топлотен бран, со температури кои во делови од земјата достигнуваат и до 38 степени Целзиусови.

Свет | пред 6 часа

Песков ги демантира тврдењата за тајна кинеска обука на руски војници

Кремљ ги отфрли како „лажни вести“ тврдењата објавени од Ројтерс дека кинеската војска тајно обучувала околу 200 руски војници, од кои дел подоцна биле испратени на фронтот во Украина.Според Ројтерс, кој се повикува на руско-кинески договор од јули 2025 година, руските војници требало да поминат обука во воени објекти во Пекинг и во градот Нанџинг, додека договорот предвидувал и обука на кинески војници во Русија.Портпаролот на Кремљ, Дмитриј Песков, реагираше на извештајот со оценка дека западните медиуми објавуваат голем број лажни информации.„Медиумите во Европа и САД објавуваат многу лажни информации. Тоа е проблем со кој се соочуваме и таквите вести треба да се земаат со резерва“, изјави Песков.Во меѓувреме, Кина и натаму тврди дека има неутрален став кон војната во Украина и се претставува како можен мировен посредник.Кинескиот претседател Си Џинпинг и рускиот лидер Владимир Путин неделава во Кина разговараа и за мировните напори поврзани со конфликтот во Украина.

Свет | пред 6 часа

Трамп сака договор, Нетанјаху бара продолжување на војната со Иран

Американскиот претседател Доналд Трамп и израелскиот премиер Бенјамин Нетанјаху наводно влегле во сериозно несогласување околу натамошниот тек на конфликтот со Иран, открива „Axios“, повикувајќи се на извори запознаени со разговорот.Според информациите, двајцата лидери во вторникот телефонски разговарале за новиот обид за постигнување договор со Техеран, а разговорот бил напнат.Трамп наводно смета дека сè уште постои можност за дипломатски договор и засега не сака да нареди масовен напад врз Иран, додека Нетанјаху бил длабоко скептичен кон преговорите и сакал продолжување на воените операции.Американски извор за „Axios“ изјавил дека Трамп му кажал на Нетанјаху дека посредниците работат на „писмо за намери“, кое би го потпишале САД и Иран, со цел формално да се стави крај на војната и да започне 30-дневен период на преговори за иранската нуклеарна програма и отворањето на Ормускиот Теснец.Два израелски извори потврдиле дека меѓу двајцата лидери постојат сериозни разлики околу правецот на разговорите, а американски извор тврди дека Нетанјаху бил бесен по телефонскиот разговор.„Биби секогаш е загрижен“, рекол еден од изворите, алудирајќи на израелскиот премиер.

Свет | пред 6 часа

Проширувањето на ЕУ и Западен Балкан во фокус на панел-дискусијата во Собранието

Во Собранието на Република Македонија денеска се одржа панел-дискусија на тема „Геополитичката димензија на проширувањето на ЕУ и импликации за Западен Балкан“, на која се разговараше за предизвиците, можностите и влијанијата што го обликуваат евроинтегративниот процес на регионот.Целта на еднодневниот настан беше да се анализираат геополитичките фактори кои влијаат врз проширувањето на Европската Унија кон Западен Балкан, како и улогата на надворешните актери и конкурентните влијанија во регионот.На панелот учествуваа Антонијо Милошоски, Венко Филипче, Иванка Василевска, Викторија Трајков, амбасадорот на Шведска Ола Солстром, заменик-амбасадорот на Швајцарија Михал Харари, како и Владимир Дробњак, поранешен главен преговарач на Хрватска со ЕУ.Во своето обраќање, Антонијо Милошоски се осврна на писмото на германскиот канцелар Фридрих Мерц до Европската комисија, во кое се предлага асоцијативно членство за Украина и постепено вклучување на земјите од Западен Балкан во европските институции преку повластен набљудувачки статус.Венко Филипче истакна дека актуелниот момент, во кој постои зголемена поддршка за проширување на Унијата, треба да се искористи преку заедничко дејствување и носење на уставните измени.Според Иванка Василевска, Европа не смее да дозволи политички и географски вакуум на Балканот, при што нагласи дека билатералните прашања не треба да бидат пречка за проширувањето, туку дека клучни треба да останат Копенхашките критериуми.Заменик-министерката Викторија Трајков посочи дека реформите мора да донесат видливи резултати за граѓаните преку подобрување на јавните услуги и европеизација на системот.Амбасадорот Ола Солстром говореше за шведското искуство со пристапувањето во ЕУ, нагласувајќи дека економските предизвици биле клучен фактор за поддршката од граѓаните, додека Михал Харари порача дека реформите ќе бидат одлучувачки за напредокот на земјите од регионот кон Унијата.Во своето излагање, Владимир Дробњак оцени дека проширувањето на ЕУ е од суштинско значење за безбедноста и стабилноста на Европа, особено во услови на актуелните геополитички и безбедносни предизвици.По обраќањата следуваше отворена дискусија со учесниците и присутните на настанот.

Македонија | пред 6 часа

Селекторот на македонската фудбалска репрезентација се извини за песната која ја пееја на шампионската прослава

Со извинување до македонската јавност за контроверзната прослава на Вардар, селекторот на фудбалската репрезентација на Македонија, Гоце Седлоски, ја отвори денешната прес-конференција на која беше објавен списокот на фудбалери за претстојните пријателски натпревари.„Во мое лично име и во име на сите играчи на Вардар, сакам да се извинам до целата македонска јавност за песната што ја пеевме при прославата на титулата по победата во Струга“, изјави Седлоски, кој до крајот на сезоната ја извршува и функцијата тренер на Вардар.Клубот предизвика бурни реакции во јавноста откако на социјалните мрежи беше објавено видео на кое играчите, стручниот штаб и раководството пеат песна со навредлива содржина за време на шампионската прослава.Вардар минатиот петок ја обезбеди шампионската титула со победата од 1-0 на гостувањето кај Струга, едно коло пред крајот на сезоната.

Македонија | пред 6 часа

По пријава за попречување службени лица, уапсена 28-годишна сопственичката на кравите од кривопаланечко

Полициски службеници од ОВР Крива Паланка вчера ја лишиле од слобода 28-годишната Ј.Ѓ. од Крива Паланка, во случај поврзан со крупен добиток кај местото викано „Калин Камен“.Како што информира Министерство за внатрешни работи, таа била приведена по претходна пријава дека спречувала вработени од Агенција за храна и ветеринарство при заловување на крупен добиток.Жената била задржана во полициска станица, а по целосното документирање на случајот против неа ќе следува соодветна пријава.Случајот со кравите од кривопаланечко подолг период е присутен во јавноста. Според информациите, Ј.Ѓ. е моделка и има освоено повеќе награди и титули на меѓународни избори за убавина.

Македонија | пред 6 часа

Иранската војска се опоравува побрзо од очекуваното

Иран веќе делумно го обновил производството на дронови за време на шестнеделниот прекин на огнот што започна во април, што покажува дека земјата многу побрзо од очекуваното ги обновува воените капацитети оштетени во американско-израелските напади, објави CNN.Според извори запознаени со проценките на американските разузнавачки служби, Техеран успеал значително побрзо да ги обнови клучните воени системи, вклучително и производствени капацитети, ракетни позиции и лансери.Еден американски функционер изјавил дека Иран би можел целосно да ги обнови капацитетите за производство на нападни дронови во рок од шест месеци.„Иранците ги надминаа сите рокови што ги предвидуваше разузнавачката заедница“, рекол изворот.Според CNN, во обновувањето на иранските воени способности важна улога имале Русија и Кина. Наводно, Кина продолжила да испорачува компоненти што можат да се користат за производство на ракети, иако официјален Пекинг ги негираше тие тврдења.Во меѓувреме, американските проценки покажуваат дека околу две третини од иранските ракетни лансери останале функционални и по нападите, додека околу половина од дроновите на Иран сè уште постојат.Извештајот наведува и дека Иран задржал дел од крајбрежните крстосувачки ракети, важни за евентуални операции во Ормускиот теснец.Овие проценки се разликуваат од изјавите на командантот на CENTCOM, адмиралот Бред Купер, кој неодамна тврдеше дека американско-израелската операција уништила 90 проценти од иранската воена индустриска база и дека на Техеран ќе му бидат потребни години за закрепнување.

Свет | пред 6 часа