„ВМРО организира граѓани на Македонија за митинг во поддршка на Вучиќ – срамно мешање во внатрешните работи на друга држава“, велат од СДСМ

Социјалдемократски сојуз на Македонија преку соопштение обвини дека ВМРО-ДПМНЕ организира граѓани од Македонија за митинг во поддршка на српскиот претседател Александар Вучиќ во Белград.Од СДСМ тврдат дека на плакати кои се шират низ државата е наведено собирање пред српскиот конзулат во Куманово, од каде организирано треба да се патува на митингот.Партијата оцени дека станува збор за, како што велат, „срамно мешање во внатрешните работи на друга држава“, додавајќи дека тоа е пример за влијание на концептот што Европскиот парламент го нарекува „српски свет“.Во реакцијата се наведува и дека Македонија е изложена на влијание од српски и руски структури, а како дел од организацијата го посочуваат и вицепремиерот Иван Стоилковиќ.Од СДСМ тврдат дека ова е дел од, како што наведуваат, „мрежата Орбан – Вучиќ – Мицкоски“, обвинувајќи ја владејачката партија дека работи во интерес на туѓи центри на моќ.„Доста е со туѓите интереси на македонска почва“, порачуваат од партијата, повторувајќи ги своите пораки за реформи и европска интеграција.

Македонија | пред 11 час

Двајца возачи без дозвола приведени во Прилеп и Македонски Брод

Полициски службеници од ОВР Прилеп и ОВР Македонски Брод привеле двајца возачи кои управувале возила без возачка дозвола.Според информациите од СВР Битола, на 19 мај околу 17:20 часот на улицата „Александар Македонски“ во Прилеп бил лишен од слобода С.П.(34) од Скопје. При сообраќајна контрола, полицијата сопрела патничко возило „алфа ромео“ со скопски регистарски ознаки, а по проверките било утврдено дека возачот управувал без возачка дозвола.Истиот ден околу 13:00 часот на улицата „Димитар Влахов“ во Македонски Брод бил приведен и Б.Р.(34) од Македонски Брод. Тој управувал возило „мазда“ без возачка дозвола, а на возилото му била истечена и сообраќајната дозвола.По целосното документирање на случаите, против двајцата ќе следуваат соодветни пријави.

Македонија | пред 11 час

Малолетничка нападната од група врсници во Прилеп

Во Прилеп е пријавен случај на физички напад врз малолетничка, информираа од СВР Битола.Според пријавата, на 19 мај околу 15:00 часот во ОВР Прилеп, М.П.(39) од Прилеп пријавила дека на улицата „5 Прилепска бригада“ нејзината малолетна ќерка била физички нападната од неколку малолетници.Полицијата презема мерки за расчистување и документирање на случајот.

Македонија | пред 11 час

Со 2 промили алкохол и без дозвола бегал од полициска контрола

Полициски службеници од ОВР Прилеп привеле 45-годишен прилепчанец откако се обидел да избега при сообраќајна контрола.Според информациите од СВР Битола, на 19 мај околу 23:45 часот на улицата „Кораб“ во Прилеп, полициски службеници дале знак за запирање на патничко возило „фолксваген голф“ со прилепски регистарски ознаки, управувано од Ф.А.(45) од Прилеп.Наместо да застане, возачот ја зголемил брзината и се обидел да побегне, но набргу бил запрен од полицијата.По извршените проверки било утврдено дека управувал возило без возачка дозвола и под дејство на алкохол. Кај него биле измерени 2,01 промили алкохол во крвта.По целосното документирање на случајот, против него ќе биде поднесена соодветна пријава.

Македонија | пред 11 час

Албански државјанин фатен со 500.000 евра скриени во бункер во минибус на Табановце

На Граничен премин Табановце била извршена една од најголемите заплени на девизи досега, откако царинските службеници откриле околу половина милион евра скриени во специјално изработен бункер во минибус.Директорот на Царинска управа, Бобан Николовски, информираше дека сомнителните преправки на возилото биле откриени со помош на скенер, по што бил пронајден скриениот простор со девизите.Според него, девизите и минибусот се трајно одземени, а сторителот е државјанин на Албанија. За случајот веќе е донесена судска пресуда од Основен суд Куманово.Минибусот бил сопственост на туристичка агенција од Албанија, а во моментот на контролата во него се превезувале седум патници.

Македонија | пред 11 час

Голем скандал во Украина: Уапсени полициски функционери во аферата „порно канцеларии“

Службата за безбедност на Украина, Канцеларијата на генералниот обвинител и Националната полиција разоткрија криминална мрежа во која се вмешани високи полициски функционери, во аферата наречена „порно канцеларии“.Според соопштението на украинската служба за безбедност, уапсени се началникот на Главната полициска управа во Ивано-Франковската област, неговиот заменик, првиот заменик началник на полицијата во Тернопилската област, заменик-началникот на полицијата во Житомирската област, како и возач од Главниот сервисен центар на Министерството за внатрешни работи, кој наводно бил посредник и курир во шемата.Сите приведени се осомничени дека примале мито за прикривање организирана проституција и производство на порнографија во Украина.При претресите биле запленети докази за незаконски активности и средства за кои се сомнева дека се стекнати криминално.Од Канцеларијата на државниот обвинител соопштија дека возачот на еден од заменик-министрите за внатрешни работи бил посредник во корупциската мрежа.Според истрагата, користејќи врски во раководството на Националната полиција, тој договарал локалните полициски началници да не преземаат мерки против таканаречените „порно канцеларии“.Во замена за месечен поткуп, полициските функционери не реагирале на незаконските активности, не ги документирале прекршоците и не ги запирале операциите.Обвинителството наведува дека месечниот износ на поткупот изнесувал околу 20.000 долари за раководството на регионалните полициски управи, додека посредникот добивал дополнителни 5.000 долари.„За прикривање на шемата користеле кодни имиња, комуницирале преку месинџери и приватно ги договарале деталите“, се наведува во извештајот.

Свет | пред 11 час

(Видео) Путин повторно се сретна со Кинезот кого го фотографираше како дете пред 26 годин

Рускиот претседател Владимир Путин повторно се сретна со кинескиот инженер Пенг Пај, кого првпат го запознал пред 26 години за време на неговата прва претседателска посета на Кина.По прегратката при средбата, Путин му порачал на Пенг дека може да ја посети Русија „во кое било време“, на што кинескиот инженер одговорил: „Сигурно ќе дојдам“.Нивната прва средба се случила во 2000 година во паркот Беихај во Пекинг, кога Пенг бил дете.Во претходно интервју, Пенг се присетил дека Путин тогаш го подигнал од оградата за да се фотографираат заедно.„Сакам да му кажам на претседателот Путин дека и денес е шармантен како тогаш, додека јас од дете станав полничок средовечен човек“, изјавил Пенг во видео објавено од кинеските државни медиуми.Тој додал дека никогаш не можел да замисли дека повторно ќе има можност да се сретне со рускиот претседател.„Пред да се разделиме, нежно ме бакна во челото. Тоа се сцени што и денес јасно ги паметам“, раскажал Пенг.Минатата година рускиот државен медиум „Раша тудеј“ на кинеската социјална мрежа „Веибо“ објави потрага по момчето од фотографијата од 2000 година.Објавата брзо стана вирална, а Пенг бил пронајден неколку дена подоцна.Во меѓувреме тој станал инженер и магистрирал на универзитет во Москва.За кинеските медиуми изјавил дека токму кратката средба со Путин делумно влијаела врз неговата одлука да студира во Русија.

Свет | пред 11 час

Ормутскиот теснец повторно оживува, пазарите внимателни

Надежите за можно смирување на тензиите меѓу Соединетите Американски Држави и Иран повторно се зголемија откако два кинески танкери, натоварени со нафта, успешно го напуштија Ормутскиот теснец.Оптимизмот дополнително беше поттикнат од изјавите на американскиот претседател Доналд Трамп, кој рече дека конфликтот би можел да заврши „многу брзо“, како и од потпретседателот Џ. Д. Венс, кој посочи дека има напредок во разговорите со Техеран.Според податоците за поморскиот сообраќај, бројот на бродови што минуваат низ Ормутскиот теснец значително се зголемил во последните денови. Британскиот „Лојдс лист“ објави дека меѓу 11 и 17 мај низ теснецот поминале 54 бродови, двојно повеќе од претходната недела.Компанијата „Виндвард“ соопшти дека само во понеделникот биле регистрирани 19 бродови, меѓу кои товарни бродови и танкери што пловеле под различни знамиња, вклучително и иранско.Ормутскиот теснец е еден од најважните светски енергетски коридори, а секое нарушување на сообраќајот низ него има директно влијание врз глобалните цени на нафтата и меѓународната трговија.Од Техеран соопштија дека нивниот предлог за договор вклучува прекин на воените операции, укинување на санкциите и ослободување на замрзнатите ирански средства, иако дел од тие барања претходно беа одбиени од Вашингтон.И покрај позитивните сигнали, состојбата на Блискиот Исток и натаму останува нестабилна, а светските пазари внимателно ги следат дипломатските преговори и можните безбедносни ризици во регионот.

Свет | пред 11 час

Пад на американските берзи поради неизвесност кај инвеститорите

Негативно расположение преовладуваше на американските финансиски пазари на 19 мај, при што водечките берзански индекси завршија во минус, а најголем пад беше забележан кај технолошките компании.Индексот Nasdaq 100 ослабе за 0,61 процент и затвори на 28.818 поени, додека технолошкиот Nasdaq падна за 0,84 проценти, што беше најголем дневен минус меѓу главните американски индекси.Пад забележаа и S&P 500, кој изгуби 0,67 проценти, како и Dow Jones, кој се намали за повеќе од 320 поени.Според аналитичарите, инвеститорите и понатаму се претпазливи поради неизвесностите околу каматните стапки, економскиот раст и трговските односи меѓу водечките светски економии.Сличен тренд беше регистриран и на другите пазари. Бразилскиот индекс Bovespa падна за 1,52 проценти, додека канадскиот S&P/TSX забележа намалување од 0,27 проценти.Во фокусот на инвеститорите во наредниот период ќе бидат новите економски податоци од Соединетите Американски Држави и сигналите од централните банки за идните монетарни политики.

Свет | пред 12 часа

Загубите на вода во Македонија над 63 проценти

Загубите на вода на национално ниво во 2025 година изнесувале 63,05 проценти, што е благо намалување од 0,16 проценти во споредба со претходната година, покажуваат податоците од годишниот извештај на Регулаторна комисија за енергетика.Според извештајот, просечната месечна потрошувачка на вода кај домаќинствата изнесувала 12,59 кубни метри, што е намалување за 0,33 кубни метри во однос на 2024 година. Најмала потрошувачка е регистрирана во југозападниот регион со 8,67 кубни метри, додека најголема во вардарскиот регион со 15,10 кубни метри.Фактурираната количина на вода во 2025 година достигнала 36,95 проценти и останала речиси на исто ниво како и претходната година.Најголем процент на неприходувана вода е регистриран во југозападниот регион – 73 проценти, додека најмал процент има во југоисточниот регион – 47,88 проценти.Во извештајот се наведува и дека покриеноста со водоснабдување е зголемена во сите региони во споредба со 2024 година. Најголема покриеност има источниот регион со 92,58 проценти, а најголем раст од над три проценти е забележан во југоисточниот регион, каде покриеноста достигнала 87,50 проценти.Од РКЕ посочуваат дека зголемувањето се должи на нови инвестиции и приклучување на помалите рурални водоснабдителни системи кон поголемите градски мрежи.Во текот на 2025 година, РКЕ донела 34 решенија за утврдување тарифи за снабдување со вода за пиење, како и девет конечни регулаторни тарифи во случаи кога општинските совети не ги прифатиле предложените ценовни опсези.

Македонија | пред 12 часа

ВРЕДИ: ДУИ повторно се обидува политички да профитира преку студентите

Коалицијата ВРЕДИ упати критики кон Демократска унија за интеграција, обвинувајќи ја дека преку студентските прашања повторно се обидува да оствари политички поени и да манипулира со јавноста.Од ВРЕДИ велат дека ДУИ во изминатиот период имала повеќе неуспешни политички иницијативи, почнувајќи од протестите и шаторите на плоштадите за, како што наведуваат, „наводна заштита на албанскиот јазик“, па сè до обидите за интернационализација на прашањето и најавите за референдум.Според коалицијата, и обидот за политичко делување преку студентските протести завршил без успех.„Протестот заврши, а маските повторно паднаа. Можат да викаат колку сакаат, но вистината е една“, соопштија од ВРЕДИ.Од коалицијата посочуваат дека студентите барале можност правосудниот испит да се полага и на албански јазик, нешто што, според нив, досега не било овозможено. ВРЕДИ најави дека решението нема да се однесува само на правосудниот испит, туку и на сите професионални испити.„Сите професионални испити ќе може да се полагаат и на албански јазик“, наведуваат од коалицијата.Во реакцијата се споменуваат и други прашања за кои ВЛЕН тврди дека биле решени по нивното доаѓање на власт, меѓу кои професионалните медицински испити, статусот на воспитувачките во градинките, прашањето со Медресата и процесот за дислокација на казината.Од коалицијата оценуваат дека ДУИ две децении оставала нерешени проблеми, додека тие, како што велат, работат на нивно системско решавање.

Македонија | пред 12 часа

Израелската армија предупредува: Ќе ни недостигаат 17.000 војници

Израелските одбранбени сили предупредија дека до јануари 2027 година би можеле да се соочат со недостиг од 17.000 војници, поради скратувањето на воениот рок и растечкиот број граѓани што избегнуваат регрутација.Бригадниот генерал Шај Тајеб, раководител на Одделот за планирање и управување со персоналот во Дирекцијата за човечки ресурси на Израелските одбранбени сили, пред Комитетот за надворешни работи и одбрана на Кнесетот изјавил дека недостигот на војници наскоро ќе се зголеми од сегашните 12.000 на 17.000.Според него, проблемот постои и покрај зголемувањето на бројот на регрути од ултраортодоксната заедница Хареди, каде што годишниот број пораснал од околу 700 на 2.800 лица.Тајеб изјавил дека моментално околу 32.000 граѓани се водат како лица што избегнуваат регрутација, додека дополнителни 50.000 добиле т.н. „Наредба 12“, која се испраќа до оние што не се појавуваат на задолжителниот повик.„Многу брзо ќе стигнеме до бројка од 80.000 до 90.000 лица што избегнуваат регрутација“, предупредил Тајеб.Предупредувањето доаѓа само неколку дена откако началникот на Генералштабот на Израелските одбранбени сили, генерал-потполковник Ејал Замир, изјави дека на армијата ѝ се потребни дополнителни војници „веднаш“, поради тековните борби на повеќе фронтови.Од армијата претходно предупредија дека поради недостигот на човечки ресурси постои ризик системот да почне да „се распаѓа“.

Свет | пред 12 часа

Уапсен тетовец: Одбил да покаже документи, па физички нападнал полициски службеник

27-годишен жител на тетовското село Синичане бил приведен откако при сообраќајна контрола одбил да покаже документи, а подоцна физички нападнал полициски службеник.Од Министерство за внатрешни работи информираат дека на 19 мај околу 22:30 часот, полициски службеници од Полициското одделение Камењане извршиле контрола на регионалниот пат Тетово – Гостивар, во близина на селото Долно Палчиште.При контролата било запрено патничко возило „ауди а6“ со тетовски регистарски ознаки, управувано од Н.М.(27), кој одбил да ги приложи потребните документи. По приведувањето во полициското одделение, тој физички нападнал полициски службеник.Во исто време биле приведени и неговите сопатници С.С.(28) и А.А.(35) од Голема Речица, бидејќи не постапиле по наредбите на полицијата и одбиле да дадат документи на увид.Тројцата се задржани во полициска станица, а по целосно документирање на случајот ќе следуваат соодветни поднесоци.

Македонија | пред 12 часа

Возач со „џип“ удрил пешак, па се обидел и физички да го нападне

29-годишен жител на тетовското село Бозовце пријавил во полиција дека бил удрен со возило додека се движел по тротоар во Мала Речица.Според информациите од СВР Тетово, случајот бил пријавен на 19 мај околу 13:40 часот. А.Р. навел дека на улицата „Љуботенска“ патничко возило „џип“ со тетовски регистарски ознаки, управувано од 60-годишниот М.Н. од Мала Речица, со зголемена брзина се упатило кон него и го удрило во левата рака и левата нога.По инцидентот, според пријавата, возачот излегол од возилото со намера физички да го нападне, но оштетениот успеал да побегне и побарал лекарска помош во Клиничката болница во Тетово.Полицијата работи на расчистување на случајот.

Македонија | пред 12 часа

Маж од Тетово ѝ упатувал закани на сопругата со нож

66-годишна жена од Тетово пријавила во полиција дека нејзиниот сопруг ѝ упатувал закани со нож во семејниот дом.Од СВР Тетово информираат дека случајот бил пријавен на 19 мај околу 13:30 часот. Според пријавата, ден претходно околу 20 часот, нејзиниот 73-годишен сопруг Ј.Д. ѝ се заканувал со нож.Полицијата презема мерки за расчистување и документирање на случајот.

Македонија | пред 12 часа

Поранешен вонбрачен партнер ѝ испраќал заканувачки пораки преку мобилна апликација на тетовка

43-годишна жена од Гостивар, која престојува во Тетово, пријавила во полиција дека добивала закани од нејзиниот поранешен вонбрачен партнер.Од СВР Тетово информираат дека жената на 19 мај околу 10:30 часот пријавила дека 50-годишниот М.Д. од Крива Паланка во повеќе наврати ѝ упатувал закани по живот.Според пријавата, на 18 мај во периодот меѓу 21 и 23 часот, тој преку мобилна апликација испратил повеќе гласовни пораки со заканувачка содржина.Полицијата презема мерки за расчистување на случајот.

Македонија | пред 12 часа

(Видео) Илјадници луѓе евакуирани поради голем пожар во Калифорнија

Илјадници жители во американската сојузна држава Калифорнија биле принудени да ги напуштат своите домови поради голем шумски пожар што зафатил повеќе од 526 хектари земјиште.Пожарот, наречен „Сенди“, избувнал во понеделникот наутро на ридовите над Сими Вали, град кој се наоѓа на околу 48 километри северозападно од Лос Анџелес, пренесува агенцијата „Анадолија“.Пожарникарските екипи се борат со огнената стихија, а властите издале наредби за евакуација на населението од загрозените подрачја.Засега нема официјални информации за повредени лица или уништени домови.

Свет | пред 12 часа

Британија со нова трговска лиценца поврзана со руска нафта

Велика Британија ќе дозволи увоз и транспортни услуги поврзани со дизел и авионско гориво произведено од руска сурова нафта, доколку нафтата е преработена и рафинирана во трети земји.Одлуката е дел од новата трговска лиценца што стапува во сила денес, а со која одредени производи поврзани со руска нафта се изземаат од британските санкции, пренесува „Ројтерс“.Според новите правила, санкциите нема да важат за гориво што е обработено надвор од Русија, но компаниите ќе мора да исполнуваат одредени услови, меѓу кои и водење детална евиденција.Британските власти соопштија дека лиценцата ќе важи на неодредено време, но ќе биде предмет на периодични проверки и може да биде укината доколку се процени дека е потребно.Покрај тоа, Велика Британија усвоила и временски ограничена лиценца за поморски транспорт на природен гас и поврзани услуги во согласност со санкциите против Русија.Таа лиценца ќе важи до крајот на годината.

Свет | пред 12 часа

СДСМ: „Целосна негрижа и запоставени спортски игралишта, до толку ли Аеродром нема пари“

Општината Аеродром од пример за развој на спортот и младите, денес е симбол за негрижа и запоставени спортски терени, обвинија преку соопштение од Социјалдемократски сојуз на Македонија.Од партијата велат дека долгогодишната негрижа на локалната власт предводена од ВМРО-ДПМНЕ довела до лоша состојба на игралиштата низ општината, каде, како што посочуваат, има искршени кошеви, голови без стативи, руинирани терени и нефункционално осветлување.Како примери ги наведуваат спортскиот терен „Драган Топчиевски-Топче“, каде подолго време недостасуваат стаклени табли на кошевите, игралиштето на улицата „Владимир Комаров“, каде граѓаните сами се организирале за поправка на кошевите, како и терените кај градинката „Лале“ и кај „Јане Сандански“ број 100.Од СДСМ реагираат и за состојбата во спортскиот центар „Марко Божиновски“ во населбата Ново Лисиче, за кој велат дека е видливо запоставен и покрај претходната реконструкција.Партијата јавно го праша градоначалникот Дејан Митески дали и кога ќе започне реконструкција на спортските игралишта, додавајќи дека младите и љубителите на спортот заслужуваат подобри услови за рекреација и спортски активности.

Македонија | пред 12 часа

Наместо одговор каде се снимките кои се бараат пет месеци, МВР наброја што досега презело за шпионажата кај претседателката Сиљановска

Министерството за внатрешни работи не даде конкретен одговор каде се снимките од безбедносните камери од Вила Водно, кои Обвинителството за гонење организиран криминал и корупција ги бара со месеци во предметот за сомнежи за шпионажа и недозволени активности во Кабинетот на претседателката Гордана Сиљановска-Давкова.„Скопје1“ побара од МВР одговор дали снимките воопшто се обезбедени, зошто пет месеци не се доставени до обвинителството и зошто ОЈО ГОКК тврди дека нема добиено ниту повратна информација за преземените дејствија. Наместо директен одговор, од МВР само набројаа дел од активностите што ги преземаат во предметот.„Ве известуваме дека од страна на Секторот за компјутерски криминал при МВР се преземаат соодветни мерки и активности, односно одземени се компјутерска опрема и мобилни телефони. Во тек е анализа на сите електронски докази кои се екстрахирани од одземената опрема. Извршен е службен разговор со лица вработени во Кабинетот на Претседателот и за истите доставено е известување до ОЈО ГОКК. По целосно расчистување на случајот јавноста ќе биде соодветно известена“, велат од МВР за „Скопје1“.Претходно, „Скопје1“ објави дека повеќе од пет месеци, далеку од очите на јавноста, ОЈО ГОКК води предистражна постапка за сомнежи за недозволени активности во Кабинетот на претседателката во Вила Водно.Предметот бил отворен по известување од МВР – Сектор за компјутерски криминал, а според обвинителството, се однесува на „постоење индиции за преземени недозволени активности од висок државен интерес“.Според информациите од ОЈО ГОКК, постојат сомнежи дека доверливи електронски податоци од Кабинетот на претседателката биле неовластено преснимувани, а неофицијално се шпекулира дека дел од информациите можеле да завршат кај странски разузнавачки структури.Во рамки на постапката, обвинителството побарало судска наредба за пребарување на компјутерски систем, екстракција на податоци од компјутери и лаптопи, како и обезбедување на снимките од безбедносните камери во Вила Водно.„Дополнително, до Кабинетот на Претседателката беше упатено барање за доставување копии од видео записите од безбедносните камери поврзани со пријавениот настан, за периодот во кој истиот се случил“, соопштија од ОЈО ГОКК за „Скопје1“.Но, обвинителството наведува дека и по повеќе месеци не може да дојде до снимките.„На почетокот на 2026 година, по добиено известување дека Кабинетот на Претседателката не располага со копии од видео надзорот, бидејќи опремата е набавена преку СОЗР, а надлежноста за ракување и чување на записите е кај МВР, предметниот јавен обвинител се обрати и до СОЗР и до МВР за нивно итно обезбедување“, велат од обвинителството.Од СОЗР, според ОЈО ГОКК, било одговорено дека тие не располагаат со снимките, туку само ја набавиле опремата, додека чувањето и располагањето со записите било во надлежност на МВР.„И покрај тоа, од страна на МВР до денес не се доставени повратни информации, ниту известување за преземени дејствија во врска со обезбедувањето на копиите од видео надзорот“, додаваат од ОЈО ГОКК.Во март годинава, МВР доставило и два мобилни телефони одземени од пријавено лице кое работело во Вила Водно, по што обвинителството издало наредба за нивна екстракција и анализа.Неофицијално, сомнежите се дека вработен во Кабинетот на претседателката пристапувал до електронски податоци, ги копирал, енкриптирал и складирал на надворешни носачи на податоци, а случајот наводно бил откриен од друго ИТ лице кое го пријавило во МВР.Во меѓувреме, според неофицијални информации, до обвинителството била доставена и кривична пријава во која се изнесуваат сериозни наводи за шпионажа, прикривање докази и злоупотреба на службена положба, а се споменуваат и лица од високи државни институции.„Скопје1“ не може независно да ја потврди автентичноста на тие наводи, ниту точноста на содржината на пријавата, а за лицата што се споменуваат нема официјална потврда дека против нив се води постапка.

Македонија | пред 12 часа

(Видео) Тревога во Литванија: Русите напаѓаат, претседателот и премиерот бегаат во засолниште

НАТО-авиони за контрола на воздушниот простор денеска биле подигнати откако во близина на литванската граница бил откриен „радарски потпис“ со карактеристики типични за беспилотно летало, соопшти литванската армија.Националниот центар за управување со кризи прогласил воздушна опасност за повеќе окрузи, меѓу кои и главниот град Вилнус, пренесува литванскиот портал „Делфи“.„Воздушна тревога! Веднаш упатете се во засолниште или на безбедно место“, се наведува во итното соопштение.Литванскиот претседател Гитанас Науседа и неговиот кабинет биле евакуирани во засолниште, потврдил портпаролот на претседателската канцеларија, Фредерикас Јансонс.Истата процедура била применета и во литванскиот парламент, каде пратениците и вработените биле префрлени во подрумските простории на зградата.Во засолниште била сместена и премиерката Инга Ругинене.Властите во округот Игналина ги повикале учениците, наставниците и вработените во институциите веднаш да се засолнат и да чекаат понатамошни инструкции.Издадено е жолто ниво на предупредување, што значи дека напад е можен, но сè уште не е во тек.Дополнително, литванските власти соопштиле дека воздушниот простор над аеродромот во Вилнус и околината ќе биде затворен до понатамошно известување.Армијата ги повика граѓаните веднаш да побараат засолниште или безбедно место.

Свет | пред 12 часа

ФФМ ги казни Вардар, Шкендија и Тиквеш – највисока санкција од 10.000 евра

Дисциплинската комисија при Фудбалската федерација на Македонија (ФФМ) изрече повеќе парични казни за клубови и поединци поради инциденти, употреба на пиротехника, навредливи пораки и нарушување на редот на натпреварите од Првата и Втората македонска фудбалска лига.Најтрофејниот македонски клуб, ФК Вардар, е казнет со вкупно 3.500 евра.Од ФФМ информираат дека против клубот е поведена и дисциплинска постапка поради „недолично, потценувачко и дискриминирачко прославување“ од страна на фудбалерите.Дополнително, Вардар доби казна од 1.000 евра за употреба на пиротехника на натпреварот против Пелистер во 26. коло, како и уште 2.500 евра за пиротехнички средства употребени на мечот против Силекс во 31. коло.ФК Шкендија е казнета со 5.000 евра поради навредливо скандирање кон ФФМ и националистички пораки.Покрај клубот, казнети се и поединци од тетовскиот тим. Фудбалерот Имран Фетаи доби казна од 500 евра поради кршење врата, додека тренерот Јетон Беќири е санкциониран со 500 евра за вербален напад врз полицијата.ФК Брегалница 2008 ќе треба да плати 5.000 евра поради слаба организација и присуство на неовластени лица на теренот.Највисока казна доби ГФК Тиквеш 1930, кој е санкциониран со вкупно 10.000 евра. Казните се изречени поради навредливи транспаренти кон ФФМ, употреба на пиротехника и попречување на телевизиски пренос.Казна доби и Шкендија Арачиново, која ќе плати 1.000 евра за пиротехника и влегување на претседателот на клубот на теренот.Помали парични казни, од 150 до 300 евра, добија и Осогово, Детонит Плачковица и Каменица Саса поради помали инциденти и фрлање предмети на теренот.Одлуките, според ФФМ, се донесени со цел зачувување на спортскиот интегритет и безбедноста на фудбалските натпревари.

Македонија | пред 12 часа

Косовското обвинителство ги товари пет уапсени Срби за влијание врз гласачи

На петмина Срби, директори на српски здравствени и образовни установи, кои вчера беа уапсени во Грачаница, Косово, им е одредена мерка полициско задржување до 48 часа, потврди адвокатот Небојша Боричиќ.Тој е адвокат на Бобан Петровиќ, директор на Електротехничкото училиште во Сушица, кој е меѓу уапсените.Обвинителството на привремените институции во Приштина соопшти дека лицата се уапсени под сомнение за наводно сторено кривично дело „нарушување на слободното определување на гласачите“.Постапката следува по тврдењата на министерот за заедници и враќање во технички мандат, Ненад Рашиќ, за наводни закани кон гласачи пред изборите на 7 јуни.Членот на Претседателството на Српска листа, Игор Симиќ, изјави дека апсењето на директорите на српските здравствени и образовни институции на Косово и Метохија претставува обид за напад врз српскиот образовен и здравствен систем.Тој додаде дека во тоа, како што наведе, директно учествувал Ненад Рашиќ, кој претходно ги посочил Србите на седница на владата во Приштина.Според Симиќ, целта на апсењата е заплашување на српскиот народ и политичка корист за Рашиќ пред изборите.Партијата „За слобода, правда и опстанок“ на претходните избори за Собранието на привремените институции освои еден од десетте загарантирани мандати за српската заедница. Според податоците на Централната изборна комисија во Приштина, дел од гласовите партијата ги добила и во средини каде што нема Срби во избирачките списоци.

Балкан | пред 12 часа

Уапсен 16-годишник осомничен за кражби во тетовски џамии

Полицијата во Тетово приведе 16-годишен малолетник осомничен за серија кражби во неколку џамии во градот.Од Министерство за внатрешни работи информираат дека малолетникот бил лишен од слобода на 19 мај околу 18 часот од страна на полициски службеници од СВР Тетово, поради сомнение за кривично дело „тешка кражба“.Според информациите, тој во изминатите две недели извршил кражби во повеќе џамии, а последниот случај бил во џамија на улицата „176“ во Тетово, каде со употреба на сила ја скршил металната каса за донации и одзел пари.Малолетникот е задржан во полициска станица, за случајот е известен јавен обвинител, а по негово целосно документирање ќе биде поднесена соодветна пријава.

Македонија | пред 13 часа

Москва и Пекинг ќе одржат нови заеднички воени вежби

Русија и Кина објавија заедничка изјава по билатералните разговори во Пекинг, во која најавија дополнително зајакнување на воената соработка меѓу двете земји.Во документот се наведува дека Москва и Пекинг ќе продолжат да го продлабочуваат пријателството меѓу своите вооружени сили и ќе ги прошират заедничките воени вежби.Во заедничката изјава се осврнуваат и на војната во Украина, при што се наведува дека за постигнување траен мир мора да се решат „основните причини“ за конфликтот.Москва во документот изразува благодарност, како што се наведува, за „објективниот и непристрасен“ став на Кина во однос на војната во Украина.

Свет | пред 13 часа