Бајден го откри писмото што Трамп му го оставил во Белата куќа во 2021 година

Поранешниот американски претседател Џо Бајден во своите нови мемоари го открива писмото што Доналд Трамп му го оставил во Белата куќа на 20 јануари 2021 година, при заминувањето од претседателската функција. Извадок од книгата и копија од писмото објави „Њујорк тајмс“.

— реклама —

Во писмото Трамп му посакал успех на Бајден, нагласувајќи дека на неговиот грб се надежите и соништата на целата американска нација. Тој напишал дека милиони луѓе зависат од неговите одлуки и дека нивните стремежи се причината поради која ја презел претседателската функција.

— реклама —

Тонот на писмото е во целосна спротивност со јавните настапи на Трамп во тој период. По поразот на изборите во 2020 година, тој постојано тврдеше дека резултатите биле наместени и одбиваше мирно да ја предаде власта. На 6 јануари 2021 година, негови приврзаници упаднаа во зградата на американскиот Конгрес за време на потврдувањето на изборните резултати.

— реклама —

Бајден и претходно споменувал дека од својот претходник добил „многу љубезно писмо“, но досега не откривал детали. Во книгата „Promise Me, America“, која треба да излезе следната недела, тој пишува дека изгледало како да постојат „двајца Доналд Трамповци“ – едниот кој, според него, сериозно ја дестабилизирал демократијата и другиот кој му упатил топли зборови и најдобри желби.

— реклама —

На објавувањето реагираше директорот за комуникации на Белата куќа, Стивен Чеунг. Тој оцени дека Бајден требало да ги послуша советите на Трамп, но наместо тоа се обидел да ја уништи земјата и да го злоупотреби правосудниот систем против политичките противници. Чеунг додаде дека на САД им е подобро откако Бајден повеќе не е претседател.