Деновиве, голем дел од Скопје се жали на парното греење. Дел од граѓаните посочуваат дека имаат слабо затоплување. други пак посочуваат дека воопшто немаат греење. За ова има бројни реакции на социјалните мрежи. Најголем впечаток остави брошура на БЕГ, снабдувачот со топлина, на која се посочува да се постави алуминиумска фолија зад радијаторите за да е потопло по домовите.
„Поставување на алуминиумска фолија зад радијаторите овозможува поголемо зрачење на енергија кон просторијата и го намалува износот на енергија кој се оддава залудно кон надворешниот ѕид“, стои во брошурата.
Една од реакциите за советот од БЕГ е и: „Најефикасно е сите да се преселиме негде на топло и да ви праќаме пари за сметки. Ама нема. Затоа ај да престанете да се правите паметни“.
