Пејачката Наташа Беквалац на социјалните мрежи се огласи за својот изглед и испрати важна порака до оние кои ја следат.
- Убавина. Денес e приоритет и многу млади девојки сè почесто ги посетуваат пластичните хирурзи за да изгледаат како лицата од насловните страници. Треба да ви го напишам ова бидејќи добивам безброј пораки од вас во кои ми давате комплименти за сметка на „совршениот“ изглед.
Мора да разберете дека ниту една жена на светот не изгледа совршено. За да добие совршена насловна страница, а се почесто и фотографии на Инстаграм, јавните личности имаат цел тим од професионалци кои работат на тоа. Шминкер, фризер, креатор, стилист, фотограф и секако финална обработка на фотографијата која ги отстранува сите несовршености, физички маани, ги отстранува брчките, ја средува кожата и косата. Не заборавајте на совршеното осветлување, кое многу придонесува. Тоа е најважно.
Она што Фотошоп сигурно го нема е моќта да ја доцрта нашата харизма, духот, 'тоа нешто', внатрешната убавина, добрината... останатото е можно! Девојки, ви ја прикажувам мојата необработена фотографија и онаа што ќе излезе во јавност. Не, не сум совршена и не дозволувајте некој од нас да ви создава комплекси и несигурности, особено не во тие нежни години. Слушајте добра музика, сакајте се, бидете нежни со себе, наполнете си чаша од омиленото вино вечерва и бидете задоволни и среќни! За тоа не постои апликација! Ве сака вашата Беквалчева - заклучи пејачката.
