Бензините поевтинуваат за пет денари, дизелот останува со иста цена

Регулаторната комисија за енергетика донесе одлука за намалување на малопродажните цени на нафтените деривати во просек за 1,89 отсто. Новите цени ќе важат од 27 октомври 2026 година, од 00:01 часот.

— реклама —

Бензините ЕУРОСУПЕР БС-95 и ЕУРОСУПЕР БС-98 поевтинуваат за пет денари за литар, додека цената на дизелот останува непроменета. Екстра лесното масло за домаќинство поевтинува за 0,50 денари за литар, а мазутот поскапува за 0,694 денари за килограм.

— реклама —

Според одлуката на РКЕ, максималните цени ќе изнесуваат:

• ЕУРОСУПЕР БС-95: 91 денар за литар

• ЕУРОСУПЕР БС-98: 93 денари за литар

• ЕУРОДИЗЕЛ БС: 99 денари за литар

• Екстра лесно масло за домаќинство (ЕЛ-1): 110 денари за литар

• Мазут М-1 НС: 54,273 денари за килограм

Од РКЕ посочуваат дека одлуката е донесена врз основа на движењата на референтните цени на нафтените деривати на светскиот пазар и промените на девизниот курс. Во однос на претходната пресметка, цените на бензините на светските пазари се намалиле за 8,120 отсто, додека кај дизелот е забележан раст од 0,404 отсто.

— реклама —

Во пресметката се применети и владините мерки за намален ДДВ за дизелот, како и намалената акциза од четири денари за литар за бензините и дизелот.

РКЕ нагласува дека станува збор за максимални цени, што значи дека трговците можат да продаваат горива и пониски цени.