Минималната температура утринава во земјава најниска е измерена во Берово, каде се спушти до -3 степени. Под нулата е и на Попова Шапка со -1 степен, додека на нула степени се Маврови Анови.
Температура од 1 степен е измерена во Крива Паланка, Струмица, Крушево и Лазарополе, 2 степени во Битола, а 3 степени во Скопје-Петровец, Тетово, Прилеп, Претор, Штип, Куманово и Кавадарци. Најтопло утрово со 4 степени е во Скопје-Зајчев Рид, Велес, Охрид, Демир Капија, Виница и Гевгелија.
На Попова Шапка има снежна покривка од 50 сантиметри.
Времето денеска ќе биде променливо облачно со повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието. Максималната температура ќе се движи од 10 до 15 степени.
Во Скопје ќе преовладува облачно време, а попладне во делови од котлината ќе има услови за слаб дожд. Ќе дува слаб до умерен југоисточен ветер, а дневната температура ќе достигне до 13 степени.
