Променливо облачно денес, од утре стабилно време и студени утра

Променливо облачно време со повремени сончеви периоди нè очекува во текот на денот. Ќе дува слаб до умерен ветер, кој долж Повардарието повремено ќе биде засилен и ќе биде од северозападен правец.

— реклама —

Минималните температури ќе се движат од 4 до 11 степени, додека максималните ќе достигнат од 9 до 15 степени.

— реклама —

Во Скопје времето ќе биде претежно облачно, со слаб до умерен ветер од северен правец. Температурата ќе се спушти до 7 степени во утринските часови, а дневната максимална ќе достигне 11 степени.

Според прогнозата, од утре следува период на стабилно и суво време, со променлива облачност во текот на денот.

— реклама —

Во четврток, петок и сабота ќе има услови за појава на утринска магла, додека од петок облачноста постепено ќе се намалува.

— реклама —

За време на викендот се очекуваат постудени утра, при што минималните температури на одредени места ќе се спуштат и под нулата.