Берово најстудено утрово со минус шест степени

Утринава најниска минимална температура е измерена во Берово, каде што се спуштила до минус шест степени Целзиусови. Под нулата се и во Битола со минус три, како и во Скопје – Петровец, Крива Паланка, Демир Капија и Струмица каде се измерени минус два степени.

— реклама —

Минус еден степен е регистриран во Тетово, Претор, Прилеп, Штип, Велес и Гевгелија, додека нула степени се измерени во Охрид, Кавадарци, Маврови Анови и Попова Шапка. Еден степен над нулата има во Скопје – Зајчев Рид, а највисока утринска температура од два степени е измерена во Виница и Крушево.

— реклама —

Најмногу снег има на Попова Шапка, каде што снежната покривка изнесува 77 сантиметри.

— реклама —

Времето денеска ќе биде променливо облачно со сончеви периоди и со слаб променлив ветер. Максималната дневна температура ќе се движи во интервал од 13 до 17 степени.

— реклама —

Во Скопје се очекува променливо облачно време со сончеви периоди и претежно тивко време, а максималната температура ќе достигне до 16 степени.