Ивор Мицкоски преку објава на социјалните мрежи упати остри критики за состојбата со јавната инфраструктура, културните и рекреативните содржини во главниот град. Тој посочи дека голем број објекти и проекти кои некогаш биле препознатливи за Скопје денес се затворени, запуштени или нефункционални, оценувајќи дека градот се претвора во „голема зграда без содржина и ноќен живот“.
„Аква паркот што е дел од СЦ „Борис Трајковски“ во Скопје и ова лето нема да работи.
Жичарата нема да работи цело лето пошто претходните лудаци не ја сервисирале.
Луна парк немаме и 10 години се гради.
Зоолошката е мачилиште на животни.
Базените ни се очајни, сите 2 се пред затворање.
Треска ја уништија за евтино градежно земјиште.
Саем немаме ама плати зимаат вработените.
Универзална немаме ама и таму течат плати.
Старата чаршија е упропастена и измрцварена.
Градот е една голема Зграда без содржина и ноќен живот.
Еден парк не е направен во ниедна населба, ќе не проголта земјава од алчно градење.
Па за кој курац ни е нам и политика и што било ако и она малку што некад се изградило, брутално се скурцало и запуштило.
Абе Украина е во војна 4 години, па изгледа средено, чисто, се развива културен и секако живот“, напиша Мицковски.
