Без план и стратегија, Србија на работ на нова енергетска криза

Партијата Србија центар (СРЦЕ) предупреди дека штетната енергетска и економска политика на српската влада и претседателот Александар Вучиќ ја довела државата на работ на енергетски колапс.

— реклама —

Во соопштението се наведува дека е загрижувачки тоа што Владата на Србија сè уште нема „ниту план, ниту програма“ иако поминаа 11 месеци откако беа најавени американските санкции за Нафтната индустрија на Србија (НИС).

— реклама —

Од партијата потсетуваат дека роковите за воведување санкции биле неколкупати одложувани, што ѝ давало на Србија доволно време да преземе конкретни чекори. Наместо тоа, власта на Српската напредна партија ја довела државата во ситуација, како што изјави и самиот претседател, рафинеријата да има резерви на нафта само до крајот на месецот.

Додека власта се занимава со гушење на студентските и граѓанските протести, ги запоставува прашањата што навистина се од суштинско значење за безбедноста и стандардот на граѓаните, стои во реакцијата на СРЦЕ.

— реклама —

Од партијата, исто така, ја критикуваат изјавата на Вучиќ кој, наместо благодарност до вработените во НИС што се обидуваат да ја надминат кризата, ги обвини дека имаат високи плати и дека биле „блокадери“.

Граѓаните не очекуваат празни препукувања дали Хрватска ќе го купи НИС или Србија хрватската електроцентрала. Очекуваат конкретни мерки за заштита на енергетската стабилност — не од американска или руска страна, туку од српската, порачуваат од СРЦЕ.