Од ЕВН Македонија АД информираат дека денеска, 22 септември, поради планирани активности на електродистрибутивната мрежа, делови од три скопски општини ќе останат без електрична енергија.
Во општина Бутел, прекинот е предвиден од 07:55 до 09:55 часот и ќе ги опфати дел од потрошувачите на улиците „Ѓорѓи Стојчевски“ и „Лазо Москов“.
Во општина Гази Баба, од 08:00 до 15:00 часот без електрична енергија ќе бидат дел од потрошувачите на улицата „Вила Анастасија“, меѓу кои бензинската пумпа „Лукоил – Камник“, „МЗТ-Агрома“, „Агросервис“, „Камник Винарија“, ресторанот „Ла Тана“, техничкиот преглед „Цертус“, како и куќите на улицата „Вила Анастасија“.
Во општина Кисела Вода, прекинот ќе трае од 08:00 до 14:00 часот и ќе опфати дел од булеварот „Борис Трајковски“, во близина на ресторанот „Градина“ и „Кристина Дамил“.
Од ЕВН апелираат потрошувачите да имаат предвид дека снабдувањето со електрична енергија ќе биде прекинато во наведените периоди.
