СТРУЈА

Дел од Карпош денеска без струја поради зафати на ЕВН

Од ЕВН Македонија информираат дека поради планирани зафати во електродистрибутивната мрежа, на ден 30 април 2026 година (четврток), дел од корисниците во Скопје ќе останат без електрична енергија.Според известувањето, во периодот од 09:00 до 14:00 часот, без струја ќе бидат дел од домаќинствата на улицата „Ловќенска“ со броеви 27, 29, 31, 33, 35 и 37, во општина Карпош.Од компанијата посочуваат дека прекинот е поради технички зафати за подобрување на мрежата и апелираат до граѓаните за разбирање.

Скопје | пред 1 ден

Дел од Скопје утре без струја: ЕВН најави прекини во повеќе општини

Од ЕВН Македонија АД информираат дека утре, 25.04.2026 година (сабота), поради планирани зафати на електродистрибутивната мрежа, без електрична енергија ќе останат делови од Скопје и околината.Во периодот од 08:00 до 16:00 часот без струја ќе бидат корисниците од дел од село Морани и викенд населбата Морани, во општина Студеничани.Од 08:30 до 17:30 часот прекин ќе имаат корисниците од објектите во кругот на фабриката „Карпош“ во населбата Александрија, како и објектот на „Центроунион“ во општина Карпош.Во општина Центар, од 08:00 до 11:00 часот без електрична енергија ќе бидат делови од улиците „Никола Кљусев“, „Максим Горки“, дел од „Даме Груев“, „Орце Николов“ (мали броеви) и „Васил Главинов“.Од Регионалниот центар за управување со кризи – Скопје апелираат граѓаните навреме да ги прилагодат своите обврски согласно најавените прекини.

Македонија | пред 6 дена

Дел од Скопје денес без струја: ЕВН со најава за повеќе прекини

Од ЕВН Македонија АД информираат дека денес ќе има планирани прекини во снабдувањето со електрична енергија на повеќе подрачја поради технички интервенции на мрежата.Во периодот од 08:30 до 11:30 часот без струја ќе останат корисниците од РТВ Предавател Водно, кулата АЕК Водно, селото Горно Нерези, Етно село Нерези, Предавател Космофон, објект Даре Џамбаз – Водно, објектот на Поштенски дом – Водно и селото Горни Крушопек (Општина Карпош).Од 08:30 до 16:00 часот без електрична енергија ќе бидат дел од корисниците во село Морани и викенд населбата Морани (Општина Студеничани).Во периодот од 09:00 до 14:00 часот прекин ќе има за корисниците на улица 10 во село Ржаничино (Општина Петровец), како и за дел од улиците Иван Аговски и Никола Тесла (Општина Карпош).Од 09:00 до 14:30 часот без струја ќе бидат дел од селото Мирковци (Општина Гази Баба), додека од 11:00 до 14:00 часот прекин е најавен за дел од улиците 13 и 14 во село Ржаничино (Општина Петровец).Од ЕВН апелираат граѓаните да ги планираат своите активности согласно најавените прекини.

Скопје | пред 1 седмица

Без струја делови од Центар поради технички зафати

Од ЕВН Македонија АД известуваат дека поради планирани зафати во електродистрибутивната мрежа, на 22.03.2026 година (среда) без електрична енергија ќе останат дел од корисниците во Скопје.Според најавата, прекин во снабдувањето со струја ќе има во периодот од 07:00 до 09:00 часот кај корисниците од улицата „Наум Наумовски Борче“ и дел од улицата „Ленинова“ во Општина Центар.Од ЕВН посочуваат дека станува збор за редовни активности со цел одржување и подобрување на квалитетот на електродистрибутивната мрежа, а граѓаните се замолуваат за разбирање.

Скопје | пред 1 седмица

Електродистрибуција најави прекини на струја во неколку населби

Поради планирани технички зафати во електродистрибутивната мрежа, без струја ќе останат неколку локации во Скопје и околината. Според објавените информации, прекините се најавени во село Морани и викенд-населбата Морани, во делови од Момин Поток, како и на дел од улицата „Иван Аговски“ во Општина Карпош.Во Морани и викенд-населбата Морани прекинот е планиран од 08:00 до 15:30 часот. Во Момин Поток, на улиците „1506“ и „1550“, како и кај фирмите „Електроводомонт“, „Стил Железо“ и „Европа 92“, струја нема да има од 08:30 до 15:00 часот.На дел од улицата „Иван Аговски“ во Карпош прекинот е најавен од 09:00 до 13:00 часот.Од Електродистрибуција наведуваат дека станува збор за планирани прекини поврзани со реконструкција и модернизирање на дистрибутивната мрежа.

Скопје | пред 1 седмица

ЕВН најави петчасовен прекин на струја во Сопиште

Според известување од ЕВН Македонија АД, денес (сабота, 18.04.2026) без електрична енергија ќе останат корисниците во селата Јаболце, Нова Брезница, Елово, Црн Врв, Осинчани, Малчиште, Дражилово и Патишка Река, во Општина Сопиште.Прекинот во снабдувањето со струја е најавен во периодот од 09:00 до 14:00 часот.

Македонија | пред 1 седмица

Прекини на струја во три општини: проверете дали сте на списокот

Дел од Скопје денеска ќе остане без електрична енергија поради планирани зафати, информира Регионалниот центар за управување со кризи, повикувајќи се на податоци од ЕВН Македонија.Во општина Карпош, од 08:30 до 15:00 часот без струја ќе бидат корисниците од улиците 1506 и 1550 во Момин Поток, како и објектите на фирмите „Електроводомонт“ и „Европа 92“.Во општина Сарај, од 09:30 до 14:00 часот без електрична енергија ќе останат селата Рашче, Копаница и Бојане, каптажата Рашче, како и дел од корисниците во Кондово.Во општина Центар, од 11:00 до 13:00 часот без струја ќе бидат дел од улицата „Рилски Конгрес“ (од број 2 до 8), како и дел од улицата „Ѓорѓи Скрижевски“, на потегот од крстосницата со „Христо Чернопеев“ до „Рилски Конгрес“.

Скопје | пред 2 седмици

Дел од Карпош и Сарај денеска без струја

Од ЕВН Македонија информираат дека денеска (14 април) делови од Скопје ќе останат без електрична енергија поради планирани интервенции.Во периодот од 09:00 до 15:00 часот без струја ќе бидат дел од корисниците од улиците „Ловќенска“, „Леринска“ и „Илија Плавев“ во општина Карпош.Од 09:00 до 16:00 часот без електрична енергија ќе останат и селата Рашче, Копаница и Бојане во општина Сарај.ЕВН

Скопје | пред 2 седмици

Делови од Скопје денес без струја

Поради планирани зафати во електродистрибутивната мрежа, од ЕВН Македонија информираат дека на денеска, делови од Скопје ќе останат без електрична енергија.Без струја од 06:00 до 12:00 часот ќе бидат дел од корисниците на улицата Ленинова, во близина на Амбасада на Кралството Холандија, како и делови од улиците Коле Неделковски и Киро Крстевски-Платник, во општина Центар.Во периодот од 09:00 до 14:00 часот, без електрична енергија ќе остане дел од улица 95 во Волково, во општина Ѓорче Петров.Од ЕВН апелираат граѓаните навремено да ги планираат своите обврски и да преземат соодветни мерки за време на прекините.

Македонија | пред 3 седмици

Без струја во повеќе делови од Скопје и околината – листа на засегнати локации

Од ЕВН Македонија АД информираат дека поради технички зафати во електродистрибутивната мрежа, денес (08.04.2026) без електрична енергија ќе останат повеќе населени места и делови од Скопје.Во периодот од 08:30 до 15:00 часот без струја се корисниците од село Блаце (општина Чучер Сандево), како и Катланово, Стари Лозја кај Фазанерија и Тотинци, како и село Бадар (општина Петровец).Од 08:30 до 15:30 часот прекин ќе има во село Кожле (општина Петровец).Во општина Ѓорче Петров, од 09:00 до 15:30 часот, без струја ќе остане дел од улицата „Ѓуро Салај“ и објектот на ОУ „Димитар Поп Георгиев Беровски“.Во истиот термин, од 09:00 до 15:00 часот, прекин ќе има и во делови од улиците „Ловќенска“, „Илија Палев“ и „Леринска“ во општина Карпош.Во општина Аеродром, пак, од 10:00 до 14:00 часот, без електрична енергија ќе бидат корисниците на улицата „Тодор Чангов“ (броеви 8, 10 и 12).Од ЕВН апелираат граѓаните да ги прилагодат своите активности согласно најавените прекини.

Скопје | пред 3 седмици

Нема да има поскапување на цената на електричната енергија за граѓаните, уверува Мицкоски

Премиерот, Христијан Мицкоски денеска одговарајќи на новинарски прашања во однос тоа дали ќе се прогласи кризна состојба на пазарот со електрична енергија, изјави дека нема да има поскапување на цената на електричната енергија.ЕСМ има на располагање некаде околу 3.200 тони мазут, коишто ги ставаме на располагање. Уште од минатата година може да ги користат, има доволно.Видете јас на дневна основа не знам дали се повлечени, но можат кога сакаат да ги повлечат, доколку имаат потреба, се разбира. Тоа е поврзано со мазутот.Од аспект на функционирањето на производните капацитети, тие функционираат. Акумулациите се на некаде отприлика над 40%, што за овој од годината, е да речеме најмалку двојно повеќе од некои минати времиња. Сега почнува и сезоната за наводнување, отприлика некаде првата половина на април. Имаме доволно количина вода и за производство на електрична енергија и за земјоделците за наводнување. Деновиве во одредени моменти од денот, ЕСМ дури продава на берзи и заработува отприлика од 100 до 150 илјади евра на ден. Нема да има поскапување на цената на електричната енергија за граѓаните, така што целата состојба е под апсолутна контрола. Ќе повторам, предизвици ќе има, дневно ги решаваме. Поголеми предизвици можеби ќе има, не знам тоа не зависи од нас, зависи од некои други фактори, ќе повторам, во светот. Но затоа сме ние Влада да реагираме проактивно, а не реактивно.“

Македонија | пред 1 месец

Прекини на струја во делови од Бутел, Гази Баба, Кисела Вода и Ѓорче Петров

Од ЕВН Македонија информираат дека поради зафати во електродистрибутивната мрежа, денеска без електрична енергија ќе останат делови од општините Бутел, Гази Баба, Кисела Вода и Ѓорче Петров.Во периодот од 08:00 до 12:00 часот, без електрична енергија ќе останат корисниците од објектите на Техномаркет, Старџим и Кам на булеварот „Босна и Херцеговина“, како и ВФВ Поликлиника.Од 09:00 до 11:00 часот, без струја ќе бидат дел од корисниците на улицата „Коце Металец“, односно куќите на потегот од улицата „Зеничка“ до улицата „Гемиџиска“.Во периодот од 09:00 до 12:00 часот, без електрична енергија ќе останат дел од корисниците на улицата „Ваташа“ во Драчево.Од 09:00 до 15:00 часот, прекин на електричната енергија ќе има и за дел од корисниците на улицата 101 во Волково.

Скопје | пред 1 месец

„Не ја владеат материјата“, им врати Мицкоски на кадрите на Ахмети откако го обвинија дека лаже

По објавата на ДУИ дека за само два месеци се потрошени над 24 милиони евра за увоз на електрична енергија, што според партијата укажува на недоволен производствен капацитет на ЕСМ и зголемен притисок врз цената за граѓаните, премиерот Хистијан Мицкоски ја поздрави новата реторика на ДУИ, нагласувајќи дека партијата конечно се фокусира на реалните проблеми што ги засегаат граѓаните, како што е моменталната енергетска криза„Сакам да го поздравам ова ново однесување од страна на ДУИ бидејќи излезе од оние ретро политики коишто беа политики на политичарите од пред неколку децении, кон крајот на минатиот век, и што конечно почнаа да се интересираат за реалните теми коишто, коишто граѓаните вистински ги интересираат. меѓу кои е и овој предизвик којшто денеска се случува, историски предизвик, а тоа е војната во заливот.Тоа е добро што излегоа од оние пранги на национализам, на етно политика, на фолклор и така натаму, и што конечно ги интересираат реалните проблеми на граѓаните. Но лошото е што не баратаат добро, не ја владеат материјата и тоа што го кажуваат е спротивно на вистината. Затоа што денеска ЕСМ, односно поранешно ЕЛЕМ, во текот на ноќните часови извезува, односно продава на берзите околу 850 мегават-часови, што дневно на компанијата ѝ носи додадена вредност меѓу 100 и 150 илјади евра. Инаку, да, постојат периоди од годината кога се увезува струја, постојат периоди кога ќе се извезува, еве да речеме, сега е отприлика 12 часот, и ако ја погледнете берзата, ќе видите дека цената на струјата е нула или минус. И би било, лошо како компанија ако сега не превземаат електрична енергија од берзата кога е нула или, или минус, и да речеме произведуваме електрична енергија од акумулациите.Јас сум на дневна комуникација со раководството на АДСМ, односно поранешно АД ЕЛЕМ, и, ааа, оние долгови коишто беа својствени на владата СДСМ и ДУИ, оние трансфери од буџетот 150-200 милиони евра коишто завршуваа во фирми со сомнителни бизнис делки во набавката на мазут, инстант компании коишто носеа јаглен од соседството и така натаму, по цена којашто беше 30 до 50% поскапа, се во минатото. Така што, да бидат спокојни, АД ЕСМ не е таа веќе АД ЕСМ кога беше владата на, на СДСМ и ДУИ. Ова е компанија којашто денеска продава на берза и заработува на дневна основа помеѓу 100 и 150 илјади евра“, вели Мицкоски.

Македонија | пред 1 месец

ДУИ: Речиси 25 милиони евра потрошени за увоз на струја од почетокот на 2026 година

Демократската Унија за интеграција (ДУИ) објавува конкретни факти, имајќи ги предвид изјавите на премиерот Христијан Мицковски во однос на работата на ЕСМ. Овие податоци целосно ги демантираат тврдењата и дезинформациите кои доаѓаат од раководството на ЕСМ и Министерството за енергетика, велат од ДУИ.„Само од почетокот на 2026 година, ЕСМ, со цел да ги покрие потребите на домаќинствата и малите потрошувачи, била принудена да набавува електрична енергија во најмалку два наврати:• Јануари: 104.160 MWh по цена од 119,50 евра за MWhВкупно: 12.447.120 евра• Февруари: 94.080 MWh по цена од 126,90 евра за MWhВкупно: 11.938.752 евраВкупно, за само два месеци се потрошени 24.385.872 евра за увоз на електрична енергија.Овие бројки јасно покажуваат дека ЕСМ нема доволен производствен капацитет за да ги покрие потребите на регулираниот пазар. Ова директно води кон зголемен притисок врз цената на електричната енергија за граѓаните.Електроенергетскиот систем се соочува со сериозни предизвици, а последиците од недомаќинското и нестручното управување ќе ги сносат граѓаните, преку зголеми фактури“, се вели во соопштението.

Македонија | пред 1 месец

АД ЕСМ ги задоволува потребите на граѓаните и продаваат струја навечер со што имаме дополнителни приходи, вели Мицкоски

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа дали се размислува на владина седница за ослободување на резервите на мазут за потребите за производство на струја, изјави: „Во овој момент размислуваме, но исто така добивме информација и дека оние количини коишто требало да се повлечат на крајот од минатата година кога беше прогласена кризната состојба, негде околу 3.000 тони, не се целосно повлечени. Така што можеби ќе ја оживееме, еве би рекол таа одлука да се повлечат тие количини, па потоа евентуално би оделе со нова одлука. Инаку денеска сум информиран од страна на директорот на АД ЕСМ, поранешно ЕВН, дека не само што ги задоволуваат потребите на граѓаните и конзумот, туку и продаваат навечер со што имаме дополнителни приходи од страна на потрошувачите.“

Македонија | пред 1 месец

Владата подготвува кризна состојба поради цените на горивата: ќе се носат мерки за да не поскапи струјата, но и дизелот за 10 денари

Кризна состојба ќе се прогласи од страна на Владата, поради значителниот раст на цените на горивата, дознава „Скопје1“ од владини извори.Според информациите, вонредна владина седница е закажана за денеска, на која ќе се разгледуваат мерки за спречување на нов ценовен шок, кој се очекува да биде објавен од Регулаторната комисија утре.Првичните проценки укажуваат дека цената на дизелот би можела да се зголеми за околу 10 денари по литар, додека безоловниот бензин за дополнителни 6 денари по литар. Проценките се правени врз основа на цените на светските берзи.Како дел од мерките, Владата ќе разгледува интервенции во даночната политика со цел да се ублажи притисокот врз граѓаните, а на маса ќе биде ставено и прашањето за евентуално спречување на поскапување на електричната енергија.По завршување на седницата, се очекува обраќање на премиерот Христијан Мицкоски, на кое ќе бидат соопштени донесените одлуки.

Македонија | пред 1 месец

Кражба на струја вредна повеќе од милион денари во тетовско

СВР Тетово поднесе кривична пријава против А.В.(54) од с.Бозовце, тетовско, поради постоење основи на сомнение за сторено кривично дело „кражба на електрична енергија, топлинска енергија или природен гас“.На деловен простор во Тетово, на кој е регистрирано електрично броило, пријавениот направил манипулација со две од трите фази, со што било оневозможено точното мерење на потрошената електрична енергија од деловниот простор.На тој начин била оштетена ЕВН Македонија за сума од 1.080.830 денари.

Македонија | пред 1 месец

Ресторан, спа, фитнес и салон за убавина во Тетово краделе струја од тајна шахта – штета над 56.000 евра

Екипата на Електродистрибуција откри тешка кражба на електрична енергија во станбено-деловен објект на ул. „Браќа Миладинови“ во Тетово, кој функционира како ресторан, спа центар, фитнес и салон за убавина.Според соопштението на компанијата, контролите откриле дека во објектот била поставена специјално изработена тајна подземна шахта која овозможувала противправно користење на електрична енергија. Дополнително, констатирано е директно неовластено приклучување на нисконапонски кабелски вод.По утврдувањето на неправилностите, тимот за откривање на неовластено користење презел повеќе мерки: составен е Записник за случајот, поднесена е Пријава до МВР според член 235-а од Кривичниот законик за неовластено преземање на електрична енергија, а изготвена е и фактура за надомест на штета во износ од 3.459.428 денари, што претставува над 56.000 евра.Од Електродистрибуција посочуваат дека ваквите активности се дел од редовните контроли со цел заштита на потрошувачите и справување со кражбите на електрична енергија.

Македонија | пред 1 месец

Голем дел од Куба остана без струја

Голем дел од Куба, вклучително и главниот град Хавана, во средата остана без електрична енергија, потврди националната електроенергетска компанија UNE, наведувајќи дека се работи на повторно воспоставување на снабдувањето.Најголемиот карипски остров беше погоден од масовен прекин на струјата, објави Ројтерс. Според соопштението на државната компанија, прекинот го зафатил подрачјето од централната покраина Камагуеј до Пинар дел Рио на крајниот запад на островот.Куба во последниот период се соочува со сè почести рестрикции на електрична енергија, што властите ги поврзуваат со американската блокада на испораките на нафта – гориво кое земјата го користи за функционирање на својата електроенергетска мрежа.

Свет | пред 1 месец

Веднаш е решен дефектот, центарот на Скопје има струја

По кусиот прекин, повторно има струја во центарот на Скопје.Направена била брза интервенција, по што струја добиле околните објекти меѓу кои Градската болница, Собранието, Жена парк.Имало дефект на 10 киловолтно ниво, кој веднаш е решен.

Скопје | пред 2 месеци

(Видео) Дел од центарот на Скопје, кај Собрание, без струја

Цел од центарот на Скопје вечерва остана без струја, поточно потегот на улицата „11 октомври“. Граѓани јавуваат дека не работи уличното осветлување, но и семафорите.Истовремено, без струја остана и Градската болница.Претпоставка е дека станува збор за поголем дефект, на чие отстранување се работи.Повеќе информации подоцна.

Скопје | пред 2 месеци

Молдавија погодена од масовни прекини на струја поради проблеми во украинската мрежа

Молдавија денеска беше погодена од масовни прекини во снабдувањето со електрична енергија поради проблеми во електропреносната мрежа на соседна Украина, што остави делови од земјата, вклучително и главниот град Кишињев, без струја.Според соопштението на молдавското Министерство за енергетика објавено на апликацијата Телеграм, пречките во украинската мрежа предизвикале пад на напонот на една од линиите што ја снабдуваат Молдавија.Градоначалникот на Кишињев, Јон Чебан, информираше дека поголемиот дел од населбите во престолнината се без напојување, а властите соопштија дека не работат ниту семафорите.Истовремено, делови на Украина се соочуваат со вонредни прекини на струјата, метрото во Киев е привремено затворено, а водоснабдувањето во главниот град е нарушено. Експертите посочуваат дека украинската електропреносна мрежа со месеци е цел на руските напади, што во изминатите недели довело до значителни ограничувања во снабдувањето со електрична енергија.

Свет | пред 2 месеци

Денеска прекин на струјата во дел од Чаир

Корисниците од улиците „393“ и „Стојна Стевкова“ во општина Чаир денеска од 9:00 до 14:00 ќе останат без напојување со електрична енергија.Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од стана на екипи на ЕВН Македонија АД.

Скопје | пред 3 месеци

Новогодишна честитка, струјата поскапе

Од денеска поскапува струјата, од 2,45 отсто во првиот блок до 3,84 проценти во четвртиот блок..Од 1 јануари 2026 година цената на струјата ќе биде повисока за 2,45 отсто во првиот блок, за 2,87 отсто во вториот блок, за 3,32 отсто во третиот и за 3,84 проценти во четвртиот блок, додека евтината тарифа ќе се покачи за 2,5 отсто.Засега останува евтината дневна тарифа во истиот временски тајминг, односно од 13:00 до 15:00 часот.

Македонија | пред 4 месеци

Филипче: Наместо домашно производство, Владата купува струја по 140 евра за мегават-час

Претседателот на Социјалдемократски сојуз на Македонија, д-р Венко Филипче, денеска во изјава за медиумите во Собрание на Република Северна Македонија оцени дека зголемувањето на цената на електричната енергија е директна последица на, како што рече, катастрофалното менаџирање на енергетскиот систем од страна на Владата на ВМРО-ДПМНЕ.Филипче истакна дека Владата не исполнила ниту една од сопствено поставените цели во енергетиката, нагласувајќи дека наместо планираното производство од над 5.000 гигават-часови електрична енергија, не е произведена ниту половина од таа количина. Според него, недостигот на струја е еднаков на тоа како половина од хидроенергетскиот потенцијал во изминатата година воопшто да не работел, што, како што рече, директно го осиромашило домашниот енергетски систем.Тој посочи дека наместо да се активираат домашните капацитети и да работат РЕК Битола, Осломеј и Неготино, кои можат да произведуваат струја по цена од 80 до 90 евра за мегават-час, државата се ориентирала кон увоз на електрична енергија по цена од околу 140 евра за мегават-час. Според Филипче, ваквата политика создава дополнителен финансиски товар кој неминовно ќе падне врз граѓаните.Претседателот на СДСМ додаде дека во изминатата година не биле навремено обезбедени ниту потребните реагенси за стабилно производство, поради што сега, како што рече, Владата посегнува по државните резерви на мазут, иако тој не е примарен енергенс за производство на електрична енергија. Тој јавно го постави прашањето зошто системот не бил подобро испланиран и управуван и зошто државната компанија ЕСМ се задолжила со 110 милиони евра.Филипче предупреди дека земјата е соочена со увозна и исклучително скапа струја, која во зимскиот период дополнително поскапува, а целата таа цена, како што нагласи, на крај ќе ја платат граѓаните. Во таа насока, тој најави дека СДСМ ќе излезе со конкретни предлози и решенија за ублажување на ценовните шокови и заштита на домаќинствата.Сепак, Филипче изрази скепса дека актуелната власт ќе ги поддржи тие мерки, потсетувајќи дека претходно не биле прифатени ниту законските решенија за намалување на ДДВ, ниту предлозите поврзани со минималната плата и субвенциите за компаниите. Според него, Владата нема слух за политики што им се неопходни на граѓаните за да ја пребродат финансиската криза, која, како што рече, во наредните месеци дополнително ќе се продлабочува.

Македонија | пред 4 месеци