Од ЕВН Македонија информираат дека денеска, 11 јуни 2026 година (четврток), поради планирани технички зафати на електродистрибутивната мрежа, без електрична енергија ќе останат корисници во повеќе делови од Скопје и околината.
Според најавата, од 07:30 до 15:00 часот без струја ќе бидат корисниците на улицата „Покриена чаршија“ и дел од улицата „Ковачка“ во Старата скопска чаршија, во општина Чаир.
Од 08:00 до 14:00 часот прекин во снабдувањето со електрична енергија ќе имаат жителите на селото Рашче, Хлорната станица Рашче, селата Бојане и Копаница, како и дел од селото Кондово во општина Сарај.
Во периодот од 08:00 до 16:00 часот без струја ќе останат жителите на селата Добрино и Гумалево.
Исто така, од 08:00 до 16:00 часот прекин на електричната енергија е најавен и во селото Кадина Река во општина Зелениково.
Во истиот термин, без напојување ќе бидат и селата Смесница, Зелениково, Страхојадица, Тисовица, Дејковец и Ново Село.
Од ЕВН апелираат граѓаните навреме да ги планираат своите активности и посочуваат дека доколку работите завршат пред предвидениот рок, снабдувањето со електрична енергија ќе биде воспоставено порано.
