Без трошка емпатија, ВМРО-ДПМНЕ гласаше против Анкетна комисија за Кочани - ново разочарување за семејствата, вели Спасовски

Координаторот на пратеничката група на СДСМ, Оливер Спасовски, остро ја критикуваше владејачката ВМРО-ДПМНЕ поради тоа што пратениците од мнозинството не гласаа за формирање на Анкетна комисија за трагедијата во Кочани. Како што истакна, иницијативата поднесена од СДСМ и Левица, а поддржана и од Европскиот фронт, била спречена без трошка емпатија за семејствата на загинатите и повредените.

— реклама —

Спасовски нагласи дека се вратило време на партиски директиви, „протест и контрапротест“, а денешното гласање покажало дека мнозинството поддржува исклучиво иницијативи што доаѓаат од нив самите. Според него, тоа претставува ново понижување за семејствата кои ја загубија својата најблиска роднина во пожарот во дискотеката „Пулс“.

— реклама —

— реклама —

„Родителите чекаат барем трошка надеж и малку човечност, а денеска институциите уште еднаш не застанаа на нивна страна“, порача Спасовски, оценувајќи дека парламентот пропуштил ретка шанса за единство и солидарност.

— реклама —

Тој истакна дека одбивањето на комисијата е уште еден доказ дека „власта се плаши од вистината за Кочани“, додавајќи дека СДСМ и понатаму ќе се бори за правда, отчетност и целосно расветлување на трагедијата.