Без вода делови од Козле и Центар поради приклучок и дефект

Дел од корисниците во Козле и во општина Центар денеска ќе останат без вода поради изведување водоводен приклучок и санација на дефект, информираат од ЈП „Водовод и канализација“.

— реклама —

Поради изведување водоводен приклучок на улица 2 бр. 2 во Козле, прекин во водоснабдувањето од 09:00 часот до завршување на работите ќе имаат корисниците од улица 2 и дел од улица „Козле“ – висока зона.

— реклама —

— реклама —

Во општина Центар, поради дефект на приклучна цевка на улица „Мирче Ацев“ бб, без вода од 08:30 часот до завршување на санацијата ќе останат корисниците од дел од улиците „Мирче Ацев“ и „Мирче Мацан“.

Од ЈП „Водовод и канализација“ информираат и дека во текот на изминатото деноноќие биле реализирани две интервенции, во општините Центар и Сопиште.