БИА: Тврдењата за незаконско следење имаат цел да ја дестабилизираат Србија

Безбедносно-информативната агенција (БИА) ги отфрли тврдењата за наводен таен надзор и незаконско постапување, оценувајќи дека станува збор за обид за дестабилизација на Србија и уривање на уставниот поредок.

— реклама —

„Сите лажни, тенденциозни и злонамерни тврдења за наводно незаконско постапување на БИА изречно ги отфрламе како злонамерно осмислени, со единствена цел дополнителна дестабилизација на веќе нарушените безбедносни прилики во Република Србија, како и уривање на со Уставот утврдениот поредок“, се наведува во соопштението.

Од Агенцијата наведуваат дека во најтешките времиња работата на БИА ја носеле чесни луѓе, кои својот живот го посветиле на заштитата на Република Србија и нејзините граѓани, а сите свои активности ги спроведуваат со строго почитување на Уставот и законите на Република Србија.

— реклама —

Во соопштението се наведува дека, и покрај сите обиди на, како што ги нарекуваат, експоненти на странски служби и групи за притисок, БИА и во иднина ќе постапува исклучиво во насока на заштита на уставниот поредок, безбедноста на Република Србија и нејзините државни интереси.

— реклама —

Како што посочуваат од Агенцијата, тоа е јасно дефинирано со Законот за БИА и другите закони со кои се уредува нејзиниот делокруг на работа.

„Сите оние кои во своето деструктивно и антидржавно дејствување вршат кривични дела можат со сигурност да сметаат дека секогаш ќе бидат предмет на работа на БИА, како и на нашите официјални информации кои Агенцијата континуирано ги доставува до надлежните органи, во согласност со законот“, се истакнува во соопштението.

— реклама —

Прислушувани обвинители во Србија: БИА ги следела истрагите за случајот „Натстрешница“

Српската Безбедносно-информативна агенција (БИА) прислушувала одредени обвинители од Јавното обвинителство за организиран криминал (ТОК) и ја следела нивната електронска комуникација, дознава „Радар“.Според неофицијалните информации, главната причина за тајниот надзор била истрагата за корупција при реконструкцијата на железничката пруга Белград – граница со Унгарија и Железничката станица во Нови Сад, каде што при уривањето на натстрешницата загинаа 16 луѓе.„На овој начин БИА добивала информаци

Свет | пред 3 дена