Актерот Милош Биковиќ за српските медиуми изјави дека често се преиспитува, а тоа го смета за процес на работа на себе и на тој начин ги сфаќа своите грешки и обврски.
- Генерално треба да се преиспитаме, не само во вакви ситуации. Културата не води кон тоа, а ние треба да размислуваме за нашите постапки, бидејќи единственото нешто за што сме одговорни се нашите постапки, лекции и како се однесуваме кон ситуациите. Во таа смисла постојано се преиспитувам себеси. Сметам дека тоа е процес на работа на себе. Ако човек за себе мисли дека е најпаметен и најуспешен, тогаш брзо станува арогантен, злобен, груб, нетолерантен. Многу е важно да тргнам од тоа кои се моите обврски и грешки, постојано да ги преиспитувам и потоа да се справувам со себе на здрав, а не нарцисоиден начин - изјави Милош Биковиќ.
Многумина веруваат дека неговата популарност не го променила, а Милош вели:
- Тоа за мене би било глупост. Иако, понекогаш се фаќам себеси како се фолирам, не сум баш имун на тоа. Понекогаш се фаќам себеси како се правам паметен за нешто и дека сум важен, но со ова преиспитување ги барам тие мои моменти, па се трудам да бидам поискрен кон себе, со своите соговорници и со околината.
Според него, човекот е кодиран во детството.
- Генерациите кои денес растат во Србија, но и на Балканот, израснаа во друг свет. Пораснавме од одредена нула, во некои средини кои не подготвија да бидеме многу посилни во нашата решеност да ја подобриме ситуацијата, односно да ги контролираме нашите животи и да ги земеме во свои раце. Моето детство не беше трагично, но не беше ни многу среќно. Мислам дека целата таа ситуација ѝ даде способност на мојата генерација. Кризата ве принудува да пронајдете некои способности во себе.
Милош покрај тоа што беше успешен во глумата, одлично се снајде и во продукцијата.
- Актерот само чека да му се случи улогата. А ако му се случи некој добар проект, можеби нема да има добра улога или не е избран за тој филм. Дури и да има среќа да добие добра улога во добар проект, тоа е ретко. Навистина го имав благословот што неколку пати во кариерата ми се случи да играм во хитови: „Монтевидео“, „Јужен ветер“, „Слуга“ во Русија... Тоа е голема среќа. Но, кога сте продуцент, тогаш можете да имате малку повеќе влијание на вакви проекти. Покрај глумата, имав потреба креативно да се изразам на друг начин. Се надевам дека наскоро ќе бидам подготвен да режирам - вели Биковиќ за „Грација“.
